Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Matheius   Soiron
Matheius Soiron, ouch wel Matthieu genump, waor 'n Barok arsjitek, aonnummer en bouwmeister. Heer waor veural in Duitsland bekind es Hoof-Arsjitek  mèt de bouw vaan 't kestiel Wickrath gelege bij Mönchengladbach. In Mestreech waor heer  Stadsbouwmeister, of wie me noe zeet “Directeur Openbare Wèrreke”. Same mèt zien awwere broor Francois, zoon Mathias en 'nen aontal Luikse en Aokense arsjitekte, kinne zie gerekend weure tot de belaankriekste bouwmeisters vaan de Barok-arsjitektuur in 't Prinsdom Luik, Mestreech en umstreke. Matheius Soiron woort es zèsde kind gebore oet de ech vaan Matheus Soiron, (1681-1762), en Catharina Deplaye, (1714 -1746). De femilie woende en kaom oersprunkelek oet 't dörpke Soiron, dat toen nog 'n deilgemeinte waor vaan Pepinster, gelege in de provincie Luik. 't Dörpke Soiron woort gestiech es buur-dörp vaan Olne, door 't Sint-Adalbert kappittel oet Aoke. Tot 1802 bleef 't dörp Soiron in 't bezit vaan 't kappittel. Soiron waor 'n zelfstandige gemeinte tot 1977, en woort toen opgenómme in de fusie gemeinte vaan Pepinster. De awwers vaan Matheius Soiron waore, Matheus Soiron, gebore op 20 Oktober 1681 in Chênée, en is gestorreve op 26 Mei 1762 in Mestreech. Heer trouwde op 8 Mei 1713 mét Catharina Deplaye, gebore op 2 Juni 1688 in Luik, en is gestorreve op 10 Juni 1746 in Mestreech. Oet de ech vaan Matheus en Catharina woorte 11 kinder gebore. 1.François Soiron gebore in Luik op 16 Aprèl 1714, en is gestorve in Mestreech op 15 September 1779, trouwde in Mestreech op 8 Augustus 1758 mèt Maria Agnes van Hees gebore in Mestreech op 22 Augustus 1710, en is gestorve in Mestreech op 22 Aprèl 1778. 2.Catherine Soiron gebore in Luik op 9 November 1715, en gestorve in Mestreech op 26 Mei 1792, trouwde in Mestreech op 8 september 1741 mèt Matthias Jorissen en trouwde veur de twiede kier in Mestreech op 22 Fibberwarie 1748 mèt Wilhelmus Martinus Keunings, gestorve in Mestreech op 16 Mei 1769. 3.Maria Adriana Soiron gebore in Mestreech op 11 Miert 1717. 4.Joannes Ludovicus Soiron gebore in Mestreech op 21 Augustus 1718, en gestorve in Mestreech op 26 Augustus 1762, trouwde in Mestreech op 21 Juni 1761 mèt Anna Amelia Hermans, gebore in Mestreech op 8 Jannewarie 1726, en is gestorreve in Mestreech op 18 Aprèl 1797. 5.Maria Adriana Soiron gebore in Mestreech op 16 Miert 1720. 6.Matheius Soiron is  gebore in Mestreech op 17 Mei 1722, en gestorve in Mestreech op 15 Juli 1781. Heer waor arsjitek, aonnummer, bouwmeister, trouwde in Mestreech op 2 Oktober 1747 mèt Isabella Lucia Ernou, gebore in 1726 in Mestreech en is gestorve in Mestreech in 1786, 7.Maria Josepha Soiron is gebore in Mestreech op 8 Augustus 1723, en is gestorve in Mestreech op 26 Mei 1770. 8.Maria Elisabeth Francisca Soiron is gebore in Mestreech op  27 Jannewarie 1725, en gestorve in Mestreech op 9 Aprèl 1780, trouwde in Meswtreech op 7 januari 1760 mèt Joannes Jacobus Keyen, gebore in Mestreech op 16 November 1733, en is gestorreve in Mestreech op 6 Juni 1782. 9.Aegidius Alexius Soiron, gebore in Mestreech op 13 Mei 1726, en is gestorve in 1763, trouwde in Mestreech op 3 Oktober 1748 mèt Catharina Breemens, gebore in Hasselt (Beljz) op 27 juli 1718, en is gestorve in Hasselt op 8 Jannewarie 1763. 10.Agnes Soiron gebore in Mestreech op 1 Miert 1728. 11.Deodata Soiron gebore in Mestreech op 27 december 1731, en is gestorve in Mestreech op 13 December 1732.
Matheius Soiron 1722-1781
Mathias (Matheus) Soiron is gebore in Mestreech op 29 Jannewarie 1748, en is gestorve in Mestreech op 1 Aprèl 1834. Heer trouwde op 5 Juli 1784 mèt Sophia, Elisabeth, L'Herminotte, gebore in Mestreech op 27 September 1754 en is gestorve in Mestreech op 26 Jannewarie 1858. Zie kaom oet 'n bekind geslach vaan zèlversmeed. Oet de ech vaan Mathias en Sophia woorte 8 kinder gebore. 1.Joannes Gerardus Matheus Soiron, is gebore 1785 in Mestreech, en is gestorve op 20 September 1836 in Mestreech. Heer waor neet getrouwd. 2.Andreas Josephus Soiron, is gebore in Mestreech op 1788, en is gestorve in Mestreech op 14 Oktober 1823 in Mestreech. Heer waor neet getrouwd. 3.Jean Nepomleone Servaes Soiron, gebore in Mestreech in 1791, en is gestorve in Mestreech op 26 Mei 1797. 4.Anna Elisabeth Sophia Soiron, is gebore in Mestreech op 11 Aprèl 1792, en gestorve in Cadier en Keer, op 31 Oktober 1854. Zie trouwde op 13 Miert 1824 mèt Thomas Leesaet, gebore in Oud Valkenburg op 8 Jannewarie 1798, en is gestorve in Hier op 4 Oktober 1882. 5.Maria, Elisabeth, Soiron, is gebore in Mestreech op 28 Augustus 1785, en gestorve in Cadier en Keer op 1 Oktober 1864. Zie trouwde in Hier op 9 Mei 1822 mèt Joannes, Simon, Hollman, en is gebore in Gulpe op 16 Augustus 1785, en is gestorve in Mestreech op 4 November 1879. 6.Jean Francois Soiron, is gebore in Mestreech inMestreech in 1793, en is gestorve in Cadier en Keer op 15 Jannewarie 1852. Heer waor pastoer in Bemele. 7.Wilhelmus Martinus Soiron, is gebore in Mestreech op 18 Jannewarie 1796 en is gestorve op 3 Miert 1867 in Mestreech. 8.Maria Anna Theresia Soiron, gebore in Mestreech op 17 Augustus 1802, en is gestorve in Mestreech op 29 Juni 1886. Mathias Soiron  waor arsjitek, decorateur, en meubeloontwerper. Ouch waor heer Bouwmeister vaan Mestreech. Roond de jaore 1800 waor heer 'n väöl gevraogde arsjitek en oontwerper, en waor bezunder geïnspireerd door in deen tied de populaire Lodewijk XVI stijl. Väöl femilie vaan Mathias waore in deen tied steinhuijers, meister-schrienemekers, en schrienemekers, en dat miestal in de regio Luik, Mestreech, Hasselt en Venlo. Mathias Soiron kraog wie heer joonk waor teikenlèsse vaan kunssjèlder  Johannes Bijlevelt. Bij ziene pa Matheius en noonk Francois, lierde heer 't vak vaan aonnummer / bouwmeister. Same mèt hun bouwde heer aon 't kestiel Wickrath, gelege bij Mönchengladbach. D'n opdrachgever  vaan dat kestiel waor Graaf Willem Otto Friederiech von Quadt, en sjoonk oonderc aandere es betaoling 't kestiel De Wildeborch gelege in Vorden. Evels verkochte de gebreus en Mathias Soiron 't kestiel weer in 't jaor 1768. Mathias Soiron woort Bouwmeister in Mestreech, en kraog in 1777 d'n opdrach um 't Gouvernemint gelege aon de Bouillonstraot te verbouwe. Zoe woort oonder aandere de lange veurgevel aon de Bouillonstraot vernuid, en 'n verdeping op 't bestaonde gebouw touwgeveug. 'n Groet aondeil had Mathias ouch es bouwmeister vaan de gemeinte Mestreech um same mèt ziene pa en noonk, bij de renovatie en oonderhaajd vaan de Vestingswerke. In de jaore 1811-1812 verbouwde en renoveerde heer de Sint Servaoskèrk tot parochiekèrk, boe bij heer de Middeliewse Vieringscripte en 'nen aontal kapelkes aofbraok, boe me evels later spiet vaan kraog. Heer oontworp hoezer en 'nen aontal kèrke wie in 1784 de Martinus kèrk vaan Ittere, de Sint Jan de Doper kèrk vaan Mechelen, de Sint Medartus kèrk in 't Belzje Vreren bij Toongere, en de Sint Laurentius kèrk in Bemelen boe later ziene zoon Jean Francois pastoer woort. 'nen Aander groete opdrach waor in 1785 't oontwerp en bouw vaan 't Kanunnike Hoes gelege aon de Groete Grach nommer 82. De opdrachgevers waore zien gebreurs Andreas en Wilhelmus die Kannunik waore vaan de Sint Servaos. In 1786 kraog heer d'n opdrach vaan de gemeinte mèt 't oontwerp en bouw vaan 't milletaer wachhuiske gelege aon de Graonmerret. Ein vaan de groete opdrachte vaan de gemeinte Mestreech waor ouch de verbouwing vaan de Zjezwiete kèrk tot tejater. Mathias Soiron oontworp ouch meubele veur daogeleks gebruuk zoe ouch, kemodes, sjrieftaofele, sikkertairs, steul, staonde klokke, en hiemel-bèdde. Daoneve maakde heer ouch oontwerpe vaan tuine, parke mèt alles wat dao in pasde, zoe wie tuinhuiskes, hekwerke, beelde, vootstök, vaze en tuimeubele. De femilie Soiron-L'Herminotte woende oonder aandere op de Boschstraot nommer 66, en later op 't landgood Sint Antoniusbank in Bemele. De Sintantoniusbank had zien vrouw Sophia geërf vaan häör femilie. In Bemele had Mathias ouch de Sint Laurentius kèrk oontworpe, boe later ziene zoon Francois (1793-1852) pestoer waor. Mathias en Sophia Soiron zien daan ouch dao in Bemele begraove.
Matheius Soiron is gebore in Mestreech op 17 Mei 1722, en is gestorve in Mestreech op 15 Juli 1781, Heer waor vaan beroop arsjitek, aonnummer, en bouwmeister vaan Mestreech. Matheius Soiron trouwde op 2 Oktober 1747 mèt Isabella Lucia Ernou, gebore in Mestreech op 13 December 1726 en is gestorve in Mestreech op 1 Augustus 1786, Oet de ech vaan Matheius en Isabella woorte 10 kinder gerbore. 1.Mathias Soiron is gebore in Mestreech op 29 Jannewarie 1748, en is gestorve in Mestreech op 1 Aprèl 1834. Heer trouwde mèt Sophia Elisabeth L'Herminotte, gebore in 1754, en is gestorve in Mestreech op 26 Jannewarie 1838. Zie waor 'n dochter vaan Joannes Gerardus L'herminotte en Sophia Elisabeth Corbeau. 2.Anna Judith Soiron gebore in Mestreech op 2 Juni 1749. 3.Catharina Soiron gebore in Mestreech op 26 Mei 1751, en is gestorve in Mestreech op 19 Fibberwarie 1819. Zie trouwde mèt Theodorus Andreas de Godding, gebore op 18 September 1758 in Eysden, en is gestorve in Mestreech op 22 Miert 1793. Heer waor ne zoon vaan Jacobus Fredericus de Godding en Joanna Maria d'Oldenzeel. 4.Joannes Ludovicus Soiron geboren in Mestreech op 29 December 1753, en is gestorve in Venlo op 12 oktober 1807. Heer waor arsjitek, bouwmeister in Venlo, en trouwde op 22 Miert 1787 mèt Anna Elisabeth Muller Mulder, gebore in Venlo op 25 Aprèl 1760, en is getorve in Kessel op 29 Jannewarie 1848. Zie waor e dochter vaan Frederick Muller en Petronella Giesens. 5.Nicolaas Soiron is gebore in Mestreech op 3 Miert 1756, en is gestorve in Mestreech op 17 Fibberwarie1768. 6.Andreas Joseph Soiron gebore in Mestreech op 16 Miert 1758, en is gestorve in Mestreech op 28 Oktober 1810. Heer waor kanunnik bij 't Sint-Servaoskapittel in Mestreech. 7.Wilhelmus Martinus Soiron is gebore in Mestreech op 28 Jannewarie 1760, en gestorve in Mestreech op 13 November 1822. Heer waor kanunnik bij 't Sint-Servaoskapittel in Mestreech. 8.Joannes Jacobus Soiron gebore in Mestreech op 9 Mei 1762, en is gestorve in Mestreech op 6 Juli 1762. 9.Franciscus Andreas Soiron is gebore in Mestreech op 9 December 1763, en gestorve in Mestreech op 18 Augustus 1768. 10.Anna Elisabeth Lucia Soiron is gebore in Mestreech op 14 Jannewarie 1767, en gestorve in Mestreech op 8 Aprèl 1771. In 't jaor 1716 verhuisde de femilie Soiron nao Mestreech. Matheius Soiron lierde 't vak vaan Aonnummer / Bouwmeister, vaan ziene pa Matheus Soiron, en zien broor Francois. Samen mèt zien broor Francois, en later mèt ziene zoon Mathias, bouwde zie vaanaof 1746 tot 1772 't bekinde kastiel Wickrath, boe zie 26 jaor laank aon bouwde. D'n opdrachgever vaan 't kastiel waor Heer van Wickrath, Graaf Willem Otto Friederich von Quadt. Heer is gebore in Mönchengladbach op 7 Juli 1717, en is gestorve op 1 Juli 1785 in Nijmegen. Es beloening veur de bouw vaan 't kestiel, sjoonk von Quadt aon Matheius Soiron in 1757 't kastiel “De Wildenborch”in Vorden. Evels nege jaor later verkoch Matheius 't kestiel weer. De gebreus Soiron oontworpe 't nui kestiel Wickrath in 'n barokke waterburch, mèt e groet park nao e Frans veurbeeld, in de vörm vaan 'n vijfhokege gravekroen. Nao d'n aofbraok vaan de restante vaan 't middeliews kestiel in 1745, dat door brand gedeiltelek waor verweus, kaom op dee zelfde plek e nui zomerverblief veur de Graaf. Me bouwde e groet hierenhoes mèt twie losse paviljoens en alles umrink door water, boe 't revierke “De Niers” mös veur weure umgelag. De bouw vaan kestiel Wickrath doorde vaan 1746 tot 1772. Evels in 1859 waor 't hoofgebouw zoe bouwvalleg gewore, zoetot 't mós weure aofgebroke tot 'n Landesstallmeisterhaus.
Matheius Soiron en Willem Otto Friederich von Quadt.
                                                                                                                                                      Stadsbouwmeister. Vaan aof de laote middeliewe, tot aon 't einde vaan de 19e iew waor de Stadsbouwmeister 'n naom veur 'n funksie die me noe “Dirrecteur van Openbare Werken” nump. De Stadsbouwmeister waor 'nen arsjitek  dee verantwoordelek waor veur alle bouw-wèrkzaomhede die in de stad vaan stadswege woorte oondernome. De Stadsbouwmeister woort benump door de “Indivieze Raod” (de 'oonverdeilde' raod, dat wèl zègke mèt alle, zowie de Luikse es Braobantse raods-leie.)  Heer trooj op es arsjitek zoe wie veur de Luiks-Mestreechse, es veur de Braobantse-Mestreechse projecte. Daoneve had heer oonder mie de verpliechting veur 't oonderhaajd en zuver hawwe vaan de bestraoting en de vestingswerke. Ouch de brandweer veel oonder zien leiing. Es ambteneer kós heer neet zoe mer ziene gaank goon. Veur tot heer euvergóng mèt 't opstarte vaan projecte, waor heer geboonde aon 't oordeil vaan de aw Börgemeisters en of ierste Schepene vaan Luikse en Braobantse peymeesters. Bouwmeisters Mestreech.o.a. Cornelis Pesser. Vaan 1657-1664 assistent vaan Pieter Post bij de bouw vaan't stadhoes vaan Mestreech. Tilman Kerens (1694-1760). Stadsbouwmeister oongeveer 1750. Matheius Soiron (1722-1781) Stadsbouwmeister in de jaore 1750-1780. Mathias Soiron waor Stadsbouwmeister in de jaore 1780-1790. Joannes Ludovicus (1718-1762), Stads Bouwmeister in Mestreech. Francois Soiron (1714-1778) Bouwmeister en aonnummer. Jean François Soiron (1755-1819) Vaanaof  1795 tot 1815 stadsbouwmeister.
Graafstein Mathias en Sophia Soiron kèrk vaan Bemelen.
Iesus Maria Joseph Soiron. Hier liggen de eerzame echtlieden, de heer Matheus Soiron, Bouwmeester der stad Maastricht. Geboren den 29 Januarie 1748 en aldaar gestorven den eerste April 1834. en de weledelgeboren Sophia Elisabeth,L’Herminotte. Zij kwam ter wereld den 27 September 1754, en is overleden te Maastricht den 26 Januarie 1858. Beiden voorzien met de heilige sacramenten. Heilig en zalig is het gepeins voor de dood te bidden.
Kestiel Wickrath.
Matheius Soiron.
Femilie waope Willem Otto Friederich von Quadt.
Achtergevel vaan ‘t  Spaons Gouvernemint.
 ‘t  Spaons Gouvernemint.
 't Landgood Sint Antoniusbank in Bemele
Teikening Poort. Mathias Soiron.
Pepister-Soiron.