Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
André Rieu
     Heer maakde de negentiende iewse meziek touwgaankelek veur 't groete pebliek en stóng mèt zien single  " The Second Waltz " op 'ne veerde plaots vaan de Hitparade. 't Jaor 1995 woort 'n topjaor umtot heer mèt zes albums in de album lies stoont en.... mèt twie singles in de hitparade. Drei vaan de zes albums woorte opnui oetgebrach, die noe wel good verkochte meh mèt de Straus Albums "Straus Gala", "André Rieu live ", en  " Wiener Melange" wèt de violist ouch mèt nui mattriaol de harte vaan zien fans te verovere. Wie André in de poos vaan de voetbalwedstrijd Ajax - Bayer München 't leedsje vaan The Second Waltz späölde, riechde gans Europa de ouge op André Rieu. Heer kreeg dat jaor ach kier Platina veur zien albums in Nederland meh ouch in Duitsland, Belsj, Fraankriek, Zwitserland en Spanje. In Amerika goon in 1996 alle deure ope en verköp André zien albums bezeunder good.'t Suksès lieverd häöm d'n Export pries op en bij de oetgeverij Strengholt kump 't ierste book oet, 'n biografie "Mijn werk, Mijn leve", en is gesjreve door zien vrouw Marjorie Rieu. Mèt zien Johann Strauß Orchestra begós heer in 1987 mèt 12 leie, mèt ‘nen ierste conzèr op 1 Jannewarie 1988. Nao ‘nen aontal jaore greujde dat orkes oet vaan  80 tot 150 muzikante. Oondaanks ‘t groete artistieke suksès kraog André Rieu ‘n groete financiële tegeslaag. Zoe lijde ‘t bedrief vaan Rieu, André Rieu Productions Holding, in 2008 e miljoene-verlees en mooste instruminte en materiaole verpand weure aon de Rabobaank. In dat slech verloupe jaor moos Rieu ouch zien naom in ónderpand geve aon dee baank. In 2009 verleep de kaartverkoup evels e stök beter daan ‘t jaor daoveur. Heer stoont op de 6e plaots vaan bès verkoupende artieste, en oonder aandere Britney Spears (7), Metallica (11) en Beyoncé (12) achter ziech te laote. Heer haolde ‘nen umzat vaan ruim 95,8 miljoen dollar (ruim 67 miljoen euro) en verkoch wereld-wied 834.992 conzèr keertsjes. In 2010 mós André Rieu door ‘n virus-infectie aon zien evenwiechsorgaan, optrejjens in Groot-Brittannië, Ierland, Australië en Nieuw-Zeeland aofzèkge. Heer späölt ummertouw op 'n Stradivarius oet 1732, en in 2003 vierde heer zien zèlvere Zjubbilei es muzicus. Zien optrejjes oppe Vriethof in 2006 - 2007 en 2008 en noe nog in 2018 zien die optrejjes nog ummertouw 'n groet suksès en de TV oetzendinge daovaan goon de hiele wereld euver. In 2017 vierde André Rieu en zien Johann Strauss Orkest hun 30-jaoreg  zjubilei in 60 cinema’s in gans Nederland. ’t Conzer oppe  Vriethof in Mestreech woort semi-live op 22 en 23 Juli vertoend. Ouch in 2018 woort ‘t conzer dat André Rieu op ‘t Vriethof gaof, semi-live getoend in cinema’s in hiel Nederland. ‘t Conzer woort dat jaor op 28 en 29 juli vertoend.
1993. 1994. 1992. 1995. 1995. 1995. 1995. 1995. 1995. 1996. 1997. 1997. 1998. 1999. 1999. 1999. 1999. 2000. 2001.
André Leon Marie Nicolas Rieu is gebore in Mestreech op 1 Oktober 1949, en is 'ne fiejoolis en orkesleijer. Heer is bekind bij 't groete publiek mèt zien orkes, en  um zien oetveuringe vaan populaire klassieke meziek vaan ónder andere Johan Straus. André Rieu greujde op in 'ne muzikale femilie mèt 'ne dirrizjent es Pa, vaan 't Limburgs Symfonie Orkes en vaan den' Opera vaan Leipzig. Wie André vief jaor waor lierde heer viool speule en wie heer negentien waor góng heer tot 1973  nao 't consevertorium in  Luik. In 1974 kraog heer lès vaan Herman Krebbers aon 't consevertorium vaan Mestreech en in 't jaor 1977 studeerde heer aof mèt 'ne " Premier Prix " aon de meziek-academi vaan Brussel. Dao oontwikkelde heer zien leefde veur de Salon meziek mèt veural walse, en riechde heer gèt later 't Mestreechs Salon orkes op. Heer maakde same mèt Frans Vermeule (viool), Jean Stassen (contrabas), Paul Coenjaart (piano), en Gemma Serpenti (cello) zien ierste hit mèt 't nommer vaan "De Nachtegaal vaan Toselli " (seranate) en eve later volgde zien ierste lp, mèt en vaan 't Mestreechs Salon Orkes. Radio presentator Jos Ghijsen vaan Radio Hasselt, veugde bij 't nommer vaan Toselli 't fluite vaan 'nen echte Nachtegaal touw en eve later stoond de tellefoon roed mèt 't verzeuk vaan wee dat pleetsje wel waor en boe me dat kós kaope. 't Woort ummertouw drökker en drökker mèt  optrejjes. Vaanaof 1989 tot 1993 verzörgde heer ouch nog mèt zien orkes 't Hieringe Biete konzèr in Mestreech boe me later 'n LP vaan heet opgenome, vól mèt wèlskes en Mestreechter leedsjes. Al snel woort 't Salon Orkes oetgebreid tot 'nen André Rieu Straus Orkes, en zie naome 'nen aontal albums op zoewie in 1990 't Straus Gala. In 1991 't Vrierhof  konzer en in 1992  D'n Blaowe Aovend en ouch nog 'n Keersalbum, Merry Christmas. Rieu toert door Europa en trèk ummertouw miejer vol zaole en heet bezeunder väöl suksès in Duitsland. 'Nen echte door braak maakde heer in 1994 mèt zien album " Straus en Co" umtot 't album 83 weke laank in den' album lies stoont, en dao-in 'nen ierste plaots behaolde .'t Album had wèlskes en 'n bewèrking vaan operette wijskes vaan Johan Straus, en aander bereumde Weense componiste. Dat lieverde André Rieu den' ierenaom op vaan  Keuning vaan de Wals. 
Beperkde  Discografie
Vriethof conzèr  2012.
Ierste L.P. André Rieu en Johann Strauß Orchestra 1994.
Romantic Moments. 1998.
Das Jahrtausendfest. 1999.
And the waltz goes on. 2011.
Konig der Strauss melodie. Hollands glorie. Tour d'amour. Romantic paradise. The flying Dutchman. Songs from my heart. Weihnachten rund um die welt. New York memories. In wonderland. André Rieu Top 100. You'll never walk alone. Dancing through the skies. Live in Australia. André Rieu presents Mirusia. Moonlight serenade. And the waltz goes on. December lights. Rieu royal. Classic album selection. André Rieu celebrates ABBA. The Christmas collection. Magic of the musicals.
Hieringe biete. Strauß & co. Merry Christmas. Hieringe biete 1 & 2 D'n blauwen aovond. Strauß gala. Live. Fiesta. Wiener Melange. In Concert. Mein Weihnachtstraum. Stille Nacht. Romantic moments. Das jahrtausendfest. 100 Jaar Strauss. Fiesta!. Träumerei. La vie est belle. Dromen.
2001. 2001. 2002. 2003. 2004. 2005. 2005. 2006. 2007. 2008. 2009. 2009. 2009. 2010. 2011. 2011. 2012. 2013. 2013. 2013. 2013. 2014.
Maastrichts Salon Orkest. Serenade van Toselli. 1984.
Hieringe Biete.
C.D. Single 1994.
André Rieu celebrates ABBA. 2013.
‘t Kleine Café. 1994.
Keers-Aofdeiling V&D. 1992.
Keers-Aofdeiling V&D. 1992.
2018.