Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 Claude-Frédéric ‘t Serclaes van Tilly
Claude-Frédéric ‘t Serclaes van Tilly 1648-1723.
Claude-Frédéric 't Serclaes, Graaf van Tilly, is gebore in Brussel op 20 Juli 1648, en gestorreve in Mestreech op 10 Aprèl 1723. Heer waor 'n veuraonstaond Milletaer in de Noordelijke en Zuidelijke Nederlanden. Claude-Frédéric 't Serclaes van Tilly, waor oonder aandere Generaol vaan de Cavalerie. Later woort heer Opperbevelhöbber vaan de Staatse Troepe en Gouverneur vaan Mestreech. Tilly is e plaotske in de gemeinte vaan Villers-la-Ville, bij Nijvel in Vlaoms-Braobant, Belsj. 't Serclaers stamde oet 'n aajd Waols geslach, boevaan 't stam-kestiel aon de zuidkant vaan Brussel laog. Zien awwers waore Jean Werner 't Serclaes van Tilly Marbais (1605-1669) en Marie Francoise de Montmorency Robecq (1611-?). Oet de ech woorte vijf kinder gebore; 1.Madelène Francesca  't Serclaes van Tilly, gebore in 1640 en is gestorreve op 1 Mei 1684. 2. Anthonie Ignace  't Serclaes van Tilly, gebore op 19 Mei 1643, en is gestorreve op 7 Mei 1714. 3.Albert Octave  't Serclaes van Tilly, gebore op 22 December 1646, en is gestorreve op 3 September 1715. 4.Claude-Frédéric 't Serclaes, Graaf van Tilly, gebore in 1650 en is gestorreve 20 Aprèl 1723. 5.Thomas Dominic 't Serclaes van Tilly, gebore op 11 November 1652, en is gestorreve op 25 November 1710. Claude-Frederic 't Serclaes, Graaf van Tilly trouwde op 24 September 1682 in Rekem, mèt Gravin Anna Antoinetta d'Aspremont Lynde Reckheim (Rekem). Zie is gebore op 25 Mei 1655, en gestorreve op 18 Fibberwarie 1743. Zie waor e zuster vaan de Abdis vaan Munsterbilzen. Oet de ech vaan Claude en Anna woort eine zoon gebore. Karel 't Serclaes van Tilly gebore in 1670 en is gestorreve op 29 Jannewarie 1706. Wie Gravin Anna Antoinetta weduwe woort in 1723, sjónk zie väöl geujere aon 't kapittel vaan Munsterbilzen. Es jongste zoon hadde zien awwers 't gedach tot Claude-Frédéric 't Serclaes, Graaf van Tilly later geisteleke zouw weure. Heer woort 'ne positie es Kanunnik vaan 't kapittel vaan de Sint-Lambertus kathedraal in Luik aongeboje. Evels sjrók heer daovaan en leet toen zien käös valle, veur 'ne milletaere laopbaon. Tilly deende iers same mèt zien gebreus in 't leger vaan Fraankriek. Daonao trooj heer in deens vaan de “Staten-Generaal van de Nederlanden”.
Op 20 Augustus 1672 waor heer  commedant vaan de Ruiter-compagnieën, die de gevaangenis-poort in Den Haag bewaakde. Op bevel vaan hoegerhand mós heer zien tróppe vaan de poort trök trekke. Eve daonao woorte de gebreurs Cornelis en Johan de Witt vermaord. Claude-Frédéric 't Serclaes, Graaf van Tilly waor betrokke bij de Hollandse Oorlog vaan 1672 tot 1678, de Negenjarige Oorlog vaan 1688 tot 1697, en de Spaanse Successieoorlog vaan 1701 tot 1714. In 1673 raakde  heer gewond bij 't belègk vaan Mestreech, en e jaor later opnui bij de Slag van Seneffe. In 1675 naom heer deil aon de verovering vaan Binche. In 1676 heelp heer stadhouder Willem III bij de mislökde aonval op Mestreech, dat toen in han waor vaan Fraankriek. In 1677 voch heer mèt in de Slag bij Kassel, en in 1678 in de Slag bij Saint-Denis. In 1701 woort heer benump door Keizer Leopold I tot Veldmaarschalk- Luitenant. In 1708 woort heer opperbevelhebber vaan de Staatse tróppe. En e  jaor later in 1709, gaof heer leiding aon de Staatse tróppe bij de Slag van Malplaquet, same mèt de Prins van Savoye en de Hertog van Malboroughals. Nao de Vrede van Utrecht in 1713, kós de 65 jaorege Claude-Frédéric 't Serclaes, Graaf van Tilly 't gèt räöstiger aon doen. Heer góng woene in Mestreech, boe heer in 1714 aon de Groete Grach 't stads-pelies, Hof van Tilly leet bouwe. Dat pelies woort nao zien doed gebruuk, es logeeradres veur Luikse Commissarissen-Deciseurs. In 1718 benumde de Raad van State häöm tot milletaer Gouverneur vaan Mestreech, es opvolger vaan Daniël Wolff baron van Dopff. Tilly leet ouch 't Gouvernemint aon de Bouillonstraot vernuie, en sjónk geld veur de verbouwing vaan 't Penitenten kloester, gelege aon de Boschstraot. Die twie gebouwe bestoon evels neet mie. In de Sint Servaos kèrk is nog e epitaaf vaan wit en zwart marmer vaan häöm te zien. Zien waopestein is te zien aon 't Academieplein in 't Jekerketeer. Zien wedewe sjoonk in 1720 aon 't Kapittel vaan Sint Servaos, veur 'n monstrans, 'nen aontal diamante. Aon de Sint-Martinuskèrk sjoonk zie e bedraag vaan 5.000 gölde. Claude-Frédéric 't Serclaes, Graaf van Tilly woort op 10 Aprèl 1723 begraove in de Sint Servaoskerk vaan Mestreech.
Kestiel vaan femilie ‘t Serclaes.
Hof van Tilly.
Hof van Tilly.
Belègk vaan Mestreech 1673.
                               ‘t Belègk vaan Mestreech  1673.                                                        Naotot de Franse tróppe al Gent en Brussel hadde veroverd, trokke de tróppe riechting Mestreech, de stad dee toen twiehiereg waor en same oonder 't gezag vaan de Verenigde Provincies en 't Prinsdom Luik stoond. In de winter vaan 1672 vele de beveurraodings-weeg nao Mestreech weg, door de bezètting vaan de Franse tróppe. Op 11 Juni 1673 beslote de Franse tot 't belègk vaan Mestreech euver te goon. In Mestreech waore toen Spaonse en Nederlandse tróppe gelegerd, en stoonte oonder bevel vaan de Opperbevelhöbber Jaques de Fariaux. Nog veur 't belègk vaan Mestreech in 1673 door de Franse Keuning Lodewijk XIV, storf de Milletaer Gouverneur Frederik Magnus van Salm, en woort heer opgevolg door Jaques de Fariaux es de nuie Gouverneur vaan Mestreech. Mestreech waor toen de ierste stad dee belegerd woort oonder leiding vaan Sebastien Vauban, 'n meister in Milletaere tactieke. In naovolging vaan de besjetinge op de Stadsmör, gaof Vauban 't bevel um draag-vlonders te bouwe, en die daan in 'n zig zag petroen de stadsmoer naderde, en die tege de vestigings-mör te plaotse. Door dees constructie waor 't meujelek veur de verdeidegers, um op de Franse te sjete, umtot die ziech kóste verstoppe tösse die vlonders. Door dees constructie kóste de Franse milletaere kruutvate plaotse, um zoe 'n gaat in de stadsmoer te sloon. Nao e paar weke veel de stad in han vaan de Franse, en de verovering vaan Mestreech waor ein vaan de groetste euverwinninge vaan de Franse keuning Lodewijk XIV. 
Keuning Lodewijk de XIVe tijdens ‘t belègk vaan Mestreech. 1673.
Femilie Waope Claude- Frederic 't Serclaes, Graaf van Tilly.
1648-1723. Gouverneur Mestreech 1718-1723.
Epitaaf St-Servaoskerk