Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
    Juan Salvador de Calvo
Juan Fransois Salvador de Calvo gebore, in 1625 in Soldeu, Andorra, en is gestorreve op 29 Mei 1690 te Deinse, Belsj. Nao d'n opstand in Catalonïe in 1641, trooj heer in deens vaan 't Franse leger, boe heer tot 1655 aon alle oorloge mèt deeg. Es Kolonel vaan de Cavalerie waor heer in 1668 bij de verovering vaan de France-Comté, wat e regio is vaan Fraankriek. De streek ligk in 't Ooste vaan Fraankriek, en ligk in 't noorde tege de Elzas aon, de Champagne-Ardenne. In 1671 woort heer Inspecteur-Generaal vaan de Cavalerie, en n 1673 deende heer ónder Condé en Luxemburg, in de bezètte Nederlanden. Nao 't belègk vaan 1673 door Keuning Lodewijk XIV, woort Mestreech ingelijf bij Fraankriek. De Franse Generaal Godefroi d' Estrades woort toen benump tot Gouverneur vaan Mestreech, dee evels neet dèks in Mestreech waor. Metein nao 't belègk woort ónder leiding vaan de milletaere ingenieurs De Choisy en Rougon, begós mèt de verbetering vaan de Mestreechse Vestingswèrke. De Franse vestigings speciaolis Vauban, had al ieder heij planne veur gemaak. In juni 1675 bezeukde Lodewijk XIV Mestreech, woebijj heer die verbeterde vestingwerke deeg inspectere. In juli  1675 kaom Juan Salvador de Calvo veurgood nao Mestreech, en woort hei in Mestreech Vestigings Commadant. Wie Gouverneur Generaal Godefroi d' Estrades op 1 Juli 1676 woort aongeweze es Ambassadeur vaan Lodewijk XIV in Nijmege, deeg Juan Salvador de Calvo häöm vervaange es Gouverneur vaan Mestreech. In de zomer vaan 1676 besloot Stadhouder Willem III, 'nen eind te make aon de aonwezigheid vaan de Franse tróppe in Mestreech. Heer woort hei in geholpe door Carlos de Gurrea, Hertog vaan Villahermosa, Landvoogd vaan de Spaonse Nederlanden, en bevelhöbber vaan 't Leger van Vlaanderen. Op 1 Juli 1676 versjeen de Prins van Oranje mèt e leger veur de poorte vaan Mestreech, en heel de stad tot de twiede helf vaan Augustus ingeslote. De stad Mestreech woort toen courageus verdiedig door Juan Salvador de Calvo.  Op 3 Juli waor 'ne groete kriegsraod bij Nijvel, um Mestreech weer te kinne verovere.  'n Daag later begós al de mars nao Mestreech, same mèt de Staats-Spaanse tróppe.
Godefroi d ‘Estrades 1607-1686.
Op 6 Juli laoge de Staats-Spaanse tróppe roontelum Mestreech, um zoe de Franse tróppe oet de stad te verdrieve. En um zoe weer de mach vaan de Staten-Generaal der Nederlanden in 't Tweeherige Luiks-Staatse stad te doen herstelle. De Generaol in Staatse deens, George Frederik van Waldeck-Eisenberg en de Hertog vaan Villahermosa, zouwe Willem III rögk-dekking geve, door 't Franse leger op aofstand te hawwe, en de Vlaomse en Braobantse steije te besjerreme. Willem III veurde 't opperbevel euver 't belègk, woebijj neet allein de Nederlandse en Spaonse tróppe, meh ouch Regiminte oet Ingeland (ónder bevel vaan John Fenwick), Brandenburgse en Palts-Neubourg aon mèt dege. Den’ aonval vaan de Prins vaan Oranje, riechde ziech op 't Westelek deil vaan de Vestingswèrke bij de Boschpoort, boevaan me dach dat dao de zwaakste kant vaan de Vesting waor. De door de Franse aongelagde lunet “Le Dauphin”, woort door de Staatsen begin Augustus veroverd, meh wel mèt 't verluus vaan 'n doezendtal doeje en gewonde soldaote. E week later mislökde 'nen aonval op 't Hoornwerk “La Reine”, woebij de Rijngraaf, Karel Florentijn van Salm, Luitenant-Generaal vaan de Infanterie en rechterhand vaan Willem III, is gestorreve. De Generaol in Franse deens, Meinhard van Schomberg, had eind  Augustus 1676 zien hoofkerteer gemaak in 't Kestiel Lichtenberg, op de Sint-Pitersberg. Later woort 't kestiel veur e groet deil verweust. Door 't optrejje vaan Maarschalk Schomberg tege de Staatse tróppe, waor de Prins van Oranje gedwónge, um 't belègk vaan Mestreech op te breke. Evels nao de Vrede vaan Nijmege vertrok Juan Salvador de Calvo begin November 1678 mèt zien Frans leger oet Mestreech, vereerd door 't Stadsbestuur mèt 1.000 daalders.  E jaor later, in 1679 veroverde Juan Salvador de Calvo, 't Hertogdom Kleef. Daonao deende heer nog in 't Rijnleger oónder Maarschalk Crequi. In 1684 deende heer in Catalonië oonder Maarschalk Bellefonde, boe-op zien benumming volgde tot Ridder, en heer 't commando kraog euver 'n tróppekorps vaan Vlaandere. Juan Salvador de Calvo woort in 1688 verheve tot Ridder, en op 30 Jannewarie 1679 opgevolg door George Frederik van Waldeck-Eisenberg, es de nuie Staatse Gouverneur vaan Mestreech.
Keuning Willem III Prins van Oranje 1650-1702.
Lodewijk XIV 1638-1714.
Carlos Aragón de Gurrea. 1634 -1692
Meinhard van Schomberg 1641-1719.
Boschpoort Schaepkens 1872.
Hoeve Lichtenberg.
1625-1690 Gouverneur Mestreech 1676-1678.