Guillaume Anne de Constant Rebecque de Villars
David Louis de Constant Rebecque
Seigneur d'Hermenches.
Dochter Annette.
1797-1873
Jules Thiery Nicolas baron de
Constant Rebeque de Villars.
1787-1837.
Willem V
Prins van Oranje Nassau.
1748-1806.
Guillaume Anne baron de Constant Rebecque de Villars woort gebore op 24 Aprèl 1750 in Den Haag, en is gestorreve op 12 Augustus 1832 in Den Haag. Zien awwers waore
David Louis de Constant Rebecque Seigneur d'Hermenches, gebore in Lausanne op 17 November 1722, en is gestorreve op 25 Fibberwarie 1785 in Parijs. Heer trouwde in
1744 mèt Anna Louise Jeanne Francois de Seigneux, gebore in 1715 en is gestorreve in 1773. David Louis trouwde veur de twiede kier in 1776 mèt Cathérine de Taines de
Raimonval. (?-1779). David Louis de Constant Rebecque waor amateur-musicus,`acteur, pamflettist, diechter, en chameur. Heer waor 'ne vrund vaan Voltaire, boe heer mèt
correspondeerde. Guillaume Anne baron de Constant Rebecque de Villars trouwde mèt Francina Godardina Constantia van Lynden van Hoevenlaken, gebore op 29
Jannewarie 1761, en is gestorreve op 5 Aprèl 1831.
Oet de ech vaan Guillaume Anne baron de Constant Rebecque de Villars en Francina Godardina Constantia van Lynden, woorte drei kinder gebore.
1.Thierry Auguste baron de Constant Rebecque, gebore op 3 Miert 1786 in Den Haag, en is gestorreve in Lausanne op 9 Oktober 1867. Heer waor Offeceer infanterie in
Pruisische deens, vaan 1803 tot 1807, in Oostenrijkse deens vaan 1807 tot 1814, in Nederlandse deens vaan 1814 tot 1857, Kamerheer vaan keizer Frans I van Oostenrijk vaan
1812 tot 1814, adjudant vaan de Prins van Oranje, de latere keuning Willem II en vaan Keuning Willem III vaan 1821 tot 1857, en gouverneur van de zonen vaan de Prins van
Oranje vaan 1822 tot 1834. Benump tot Ginneraol woort heer in 1849. Heer trouwt in Hemmen op 14-10-1825, mèt Margaretha Johanna Wilhelmina barones van Lynden
(1794-1840).
2.Jules Thierry Nicolas baron de Constant Rebecque. Heer is gebore op 13 September 1787 in Lausanne, en gestorreve op 5 December 1837.
3.Annettede de Constant Rebecque de Villars, gebore op 4 Oktober 1797, en gestorreve op 8 September 1873.
't Geslach de Constant Rebecque of de Constant de Rebecque dee Villars stamp oet Rebecques, of oet 't kortbij gelege Ariën in Artois in Fraankriek. Zie verhuisde al in de 16e
iew nao Zwitserland. Rebecques (Nederlands; Roosbeek) is e plaotske en gemeinte in 't Frans Departemint Pas-de-Calais in de regio Nord-Pas-de-Calais-Picardie en 't heet
oongeveer 1.000 inwoeners.
Guillaume Anne baron de Constant Rebecque de Villars, waor vaan komaof, oet 'n Zwitsers adellijk geslach “De Constant Rebecque “.
Guillaume Anne woort al op twaalf-jäörege leeftied (1762) benump tot twiede Luitenant en behuurde tot 't gezelsjap vaan de Prins. Heer trooj in 1766 in deens vaan zien
Regimint, en doorleep versjèllende oonderdeile vaan 't leger. In 1773 woort heer bevorderd tot Luitenant-Kolonel, en in 1779 tot Kolonel. In Juli 1782 trouwde heer mèt de
Gelderse freule Constantia (Stans) van Lynden. Zie waor in opspraok geraak, umtot zie 'nen affaire had mèt Stadhouder Willem V.
Guillaume Anne baron de Constant Rebecque de Villars waor evels verleef op häör, en 'n houwwelek zouw veur ederein neet slech oetkoume.
Zie trouwde in Brussel, en 't koppel verhuisde nao Lausanne, boe in Augustus 1783 'ne dochter woort gebore. In 1785 koum 't koppel weer trök, nao de Nederlanden.
Guillaume Anne baron de Constant Rebecque de Villars, woort hoof vaan de Zwitserse Garde, en lijfwach vaan Willem V van Oranje Nassau. Heer waor 'ne Nederlandse
Ginneraol, totdat de Franse in 1795 oonder leiding vaan Ginnerapol Pichegru de Republiek binnevele en bezatte. Op dat momint woort heer oontslage oet 't Staatse leger,
en verhuisde heer mèt zien vrouw nao Brunswijk, boe heer Landdrost woort. Heer naom deil aon 't Rassemblement vaan Osnabrük, gevörmd door de euversjotte vaan 't
Staatse leger en vaan Franse emigrante-korpse. In 1800 trooj heer in Ingelse deens, en kraog dao 't bevel euver e regimint Hollandse soldaote. Guillaume Anne baron de
Constant Rebecque de Villars woort wie heer 64 jaor waor, bij 't vertrek vaan de Franse bezètters in 1814 Gouverneur vaan Mestreech. Heer deeg mèt aon de Slag bij
Waterloo, en woort op 8 Juli 1815 door keuning Willem I veur zien verdeenste benump tot Commandeur in de Militaire Willems-Orde. Guillaume Anne baron de Constant
Rebecque de Villars is gestorreve op 12 Augustus 1832 in Den Haag, en woort opgevolg es Milletaer Gouverneur vaan Mestreech door Bernardus Johannes Cornelis
Dibbets.(1832-1839).
Femilie graaf
de Constant Rebecque de Villars.
Femilie Waope
de Constant Rebecque.
David Louis de Constant Rebecque Seigneur
d'Hermenches
1722-1785.
Thierry Auguste baron de
Constant Rebecque.
1786-1867.
1750-1832.
Gouverneur Mestreech
1814-1832.
Femilie Waope
de Constant Rebecque.