Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Alexander Batta
De beneump tot Commandeur vaan de Eikekroen waor hiel bezunder umtot ’t door ‘ne Keuning en ‘t ‘ne persoenleke verliende oondersjeiding waor. De orde vaan de Eikenkroen woort in 1841 door Keuning Willem II in ’t leve gerope wie heer ouch Groethertog waor vaan Luxemburg. Es Groethertog kós heer zoonder touwstumming vaan de Nederlandse regering dees benumming' s orde verliene. Neve ’t speule op ‘ne cello waor Alexander Batta ouch ‘ne componis. Veur ’t groetste gedeilte componeerde heer variaties vaan bekinde thema’s, die vaan bekinde Italiaanse en Franse opera’s oet de negentiende iew waore. Vaan d’n eine kant maakde heer groete indrök op ’t pebliek, meh vaan d’n aandere kant waor d’r  e bitsje kritiek umtot heer miejer ’t zwoertepunt had ligke op de techniek en minder op ’t romantische vlak. Meh in aandere gevalle kós Alexander Batta ouch laote zien tot heer ‘nen echte romanticus mèt de zjuste poortie sentimint en lyriek had, wie heer in zien stök  “ Prière veur Zaank, Cello en Ölger” leet zien. In ‘t jaor 1870 trok Alexander Batta ziech trök oet ‘t muziekaole leve en góng woene in Versaille, boe heer zoe af en touw meziek recenties sjreef veur de gezette. Ouch waor heer verzameleer vaan olie sjèldereie vaan oonder aandere Delacroix en Corot. Nao zien doet woort dee kuns collectie geveild. Alexander Batta waor getrouwd mèt Clémentine O’Mahony, gebore in 1819 en is gestorreve in 1880. Zie waor ouch musicus, die componeerde en ‘nen aontal composities publiceerde veur piano. Nao zien euverlije in Versailles, op 8 Oktober 1902, leet Alexander Batta aon Mestreech zien oondersjeidinge en geld nao, en dat gebruuk mós weure um daomèt ‘ne foonds veur studiebeurse, veur jonge violiste of celliste op te riechte. De lètste studiebeurs woort in 1911 oetgreik. Nao ’t aofbreke vaan de Vestigingsmör en Stadspoorte, breide Mestreech flink oet en d’r woort nao Luiks veurbeeld brei laone mèt buim aongelag. Ein vaan die laone is de noe Alexander Battalaan, meh dee naom kraog die straot neet metein. In de raodsvergadering vaan 8 Fibberwarie 1892 klaogde raodslid “Nijst” dr’euver,  tot de nui straot nog gein naom en de hoezer nog gein nommer hadde. Singelweg, Middenweg, Parallelweg,en Kerkweg dat waore gein gooi straotnaome wie heer zag. In de raodsvergadering vaan 14 Juli 1892 woorte aandere naome aon die straote gegeve. Ein vaan die brei straote woort de Wilhelmina Singel, genump nao de nui regerende keunigin Wilhelmina, en d’r woort e straot genump nao Alexander Batta. De stad Mestreech wouw op dees meneer hölde bringe aon de in Mestreech gebore musicus. Hiel bezunder, umtot Alexander Batta de einigste neet keuninklike persoen in leve waor boe  ‘n straot nao is vernump.
Nicolas Joseph Plattel   1777-1835
Petrus Alexander Batta is gebore op 9 Juli 1816 in de Wolfstraot nommer 3 in Mestreech, en is gestorreve op 8 Oktober 1902 in Versailles Fraankriek. Heer waor ‘ne  zoon vaan cellist en zanglieraar Pierre Jaques Batta (1793-1876) en  Isabella Laquesse. Neve Petrus Alexander kraog de familie Batta nog twie zäöns naomelek,  Joseph  en Jean-Laurent. Al de drei zäöns kriege de musikaole gaof vaan hunne pa mèt. Jean-Laurent  Batta (1817–1880) woort later pianis, en Joseph Batta (1819–1892) violis. Wie zie nog joonk waore verlete zie Mestreech um in ’t boeteland (miestal) Fraankriek ‘ne muzikaole carrière op te bouwe. Jean-Laurent en Alexander höbbe mer twie kier same in Mestreech opgetroje en wel in 1929 en in 1930. De recensie’s waore bezunder gepreze en me sjreef in de gezèt euver de vastig en behendigheid vaan die twie virtuoze Batta’s. In ‘t jaor 1821 vertrok de femilie nao ‘t conservatorium in Brussel, boe Pierre Batta es Solfège lieraar lès gaof. Dao op dat zelfde conservatorium kraog Alexander Batta lès vaan de bereumpde Nicolas Joseph Plattel (1777-1835), naotot heer iers thoes bij ziene pa studeerde. Wie Alexander Batta elf jaor waor gaof heer al konzerte in ‘t land. En wie heer twèlf jaor waor trooi heer op same mèt zien twie breurs.In ’t jaor 1835 góng heer in Paries woene, boe heer al snel ‘ne belaankrieke plaots in ’t meziekgebäöre innaom. Al gauw kraog heer de bijnaom vaan de “Chopin vaan de violoncel ". Vaanoet Paries maakde heer konzèr-reize door gans Europa. Heer had bezunder väöl suksès en kraog ‘nen aontal hoege oondersjeidinge. Heer späölde veur Keuning Willem II, Willem III, Keizer Napoleon III, en Keuning Leopold I vaan Belzj. Keuning Willem III beneumde häöm tot keuninklek violon-cellist. Heer woort  Commandeur in de orde vaan ’t Eikekroen en de keuning sjónk häöm ‘ne gauwe medaalje veur zien kunste.
Keuning Willem III.
Lithographie vaan de jonge Alexander Batta  1840.
Geboortehoes Alexander Batta Wolfstraat 3 (rechs; gesloop ca 1960)
                                      Composities 1.Duo sur Robert le Diable, door J. Benedict en A. Batta (1840) 2.Élégie composée par E.W. Ernst, Œuvre 10, bewerking door Alexander Batta (ca. 1840) 3.Fantaisie sur Lucie de Lamermoor de G. Donizetti (1841) 4.Una furtiva lagrima, bewerking van romance uit L’Élisire d’Amore van Donizetti (1843) 5.Souvenir. Chant (ca. 1843/1844) 6.Adieu donc belle France. Romance de Marie Stuart (ca. 1845/1846) 7.Souvenir de Dom Sébastien. Elégie, opus 48 (1847) 8.Fantaisie sur des Motifs de l’Opéra I Puritani (1850) 9.6 Lieder de Fr. Schubert, bewerkt door Alexander Batta (1854/1855) 10.Songe d’enfant. Rêverie voor piano, gecomponeerd door Clémentine Batta, bewerkt door Alexander Batta (1858) 11.Résignation. Méditation pour Violon, Violoncelle, P iano ou Orgue-Mélodium, opus 52 (1858) 12.Souvenirs de Gluck. Morceau de Concert (1861) 13.Il Trovatore. Opéra de Verdi. Fantaisie (ca. 1862) La Reine de Saba. Rêverie Arabe (ca. 1866) 14.Oh! Dites-lui. Romance de Madame la princesse Kotschoubey. Bewerking door Alexander Batta (1875) 15.Souvenirs du Béarn. Chants des montagnes (?) 16.Passiflore. Souvenir d’autrefois (?) 17.Réminiscences de La Juive (?)
Portrèt Alexander Batta. vaan Ernest Meissonier, 1859.
Alexander Batta. 35 jaor. 1851.
1816-1902.