Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Brusselse Poort
Brusselse Poort Veldkant 1865.
Brusselse Poort Stadskant 1865.
D’n oetvalsweeg nao Brussel leep vaanaof de Twiebergenpoort en de Brusselsepoort. De Brusselsepoort waor de drökste poort vaan de twiede umwalling in Mestreech. Meh ’t waor ouch ’t zwaakste punt in de verdeideging, umtot oonder aandere de stadsgrach bij de poort ummertouw druug stoont. De veur de poort gelege verdeidegings-werreke, maakde de doorgaank vaan de Brusselsepoort bezunder laank en duuster. De poort waor daodoor ouch meujelek passeerbaar veur ’t verkier. Me numde de poort iers Tweebergen poort, geliek aon de poort vaan den’ ierste umwalling,en pas in de 17 e  iew, waor me de naom vaan Brusselse poort gewoen. De Tweebergen poort numde me ouch Wymeringen poort. De Tweebergen poort waor vaan de ierste umwalling oet 1229, en woort in 1734 gedeiltelek gesloop. De poort woort op ein tore nao aofgebroke. Dee lètste tore verdween later in ’t jaor 1926. De Tweebergen waor e gehuch, zjus boete d’n ierste umwalling langs de weeg riechting en nao Brussel, en waor eigendom vaan ’t Servaos kapittel. In 1735 naom de stad, de leube  die bove de Twee Bergenpoort laog, vaan de leimplekkers (witmakers) tege betaoling euver. ’n Leube is of waor ‘ne vergader ruimte vaan ‘nen ambach, wie de Leimplekkers of Witmekers. Zoe hadde de mieste Ambachte in deen tied hunne leube bove ‘n stadspoort. In de zeventiende iew góng me de Lindekruispoort slete en touw make, um de Brusselse poort en de verdeideging weijer te kinne versterke. ’t Stadsbestuur had gedach tot de verdeideging sterk genóg waor, meh de mieste belegeringe kaomde vaanoet ’t weste, de Brusselse poort. D’n oetvalsweeg vaan de Brusselse-poort  waor zoegèt geliek mèt de heirbaan nao Bavay, dee boete de poort  aonsloot op de Brouwersweeg. De grachte stoonte ummertouw druug, meh me góng in oorlogs tied in de buurt vaan de Tongerse poort e deil vaan de Jeker aoftakke, um zoe die grachte weer mèt water te kinne völle. Iers deeg me dat door ‘ne greppel te graove, meh later maakde me ‘n oondergroonds (cunette) kanaal. Dat oondergroonds kanaal waor 110 cm breid en 170 cm hoeg en wel tot aon ’t Lindekruis 1165 meter laank. Meh ‘t bleef lèstig um die grachte vol te kriege mèt water. Vaan de Brusselse-poort waor de barbacane,’ne brögke-schans, e bezunder ingewikkeld gebouw. De passante lepe door ‘ne 15 meter lange, gèt geboge tunnel, wat neet gemekelek waor veur ’t transport vaan en door de poort. Den’ ierste vermelling vaan de Brusselse-poort waor in ’t jaor 1340, meh me meint tot de poort al in 1300 klaor waor. De walmoer bij de Brusselse-poort waor oonder aandere door de druge grachte, tösse de 5 en 6 meter uutzunderlek hoeg. Binne de moer woorte nen’aontal katte aongelach. Katte zien opstellings plaotse veur kanonne aon de binnekant vaan ‘n moer. De poort waor de drökste doorgaank en woort daodoor ouch es ierste poort in 1867-1868 aofgebroke. De naom Brusselse Poort bleef evels bewaord door de stadswiek Brusselse Poort, dee aongelag is gewore tösse 1952 en 1967.
Teikening Alexander Schaepkens 1863.
Brusselse Poort Veldkant.
Brusselse Poort Veldkant.
Brusselse Poort Stadskant.