Börgm.Willem Hubert Pijls
Willem Hubert Pijls gebore op 28 Fibberwarie 1819 in Mestreech, en is gestorreve op 6 Fibberwarie 1903. Heer waor 'ne zoon vaan Jan, Antoon Pijls (kaopmaan)
dee getrouwd waor mèt Antoinetta Voncken. Willem Hubert Pijls trouwde mèt Helena Hubertina Maurissen. Oet de ech woort ‘ne zoon gebore; Jan Alfred Marie
Maximum Pijls. Gebore op 3 Miert 1855, en is gestorreve op 27 Miert 1940. Jan Pijls waor getrouwd mèt; Maria,Hubertina,Berthe, Alice Weustenraad. Gebore in 1856
en is gestorreve in 1899. Heer trouwde veur de twiede kier mèt Hélène, Marie, Thérèse de Testa, gebore op 11 Juni 1878 en is gestorreve op 6 Juni 1922.
Willem Hubert Pijls waor vaan 1861 tot 1867 d’n opvolger vaan Börgemeister van Aken (1855-1860) en Börgemeister in 1873 tot 1900 d’n opvolger vaan Hendrik Raat
(1867-1873). Willem Hubert Pijls heet altied 'nen ierste plaots ingenome in 't openbare leve vaan Mestreech, en waor 'ne geslepe mach-politicus, oondaanks tot heer
mèr zjus allein 't atheneum gedoon had. Heer wisselde vaan polletieke riechting es 't häöm zoe oetkaom. Meh heer waor wel 'ne maan dee hiel väöl veur Mestreech
gedoon en beteikend heet. De invlood-rieke Pijls zat de gemeinteleke mach in de steigers en waor 'ne gooie vreund vaan Thorbecke. En zoe 'n direkte lijn nao Den
Haag lieverde altied wel gèt op. Pijls waor vaan beroop zeip-fabrikant en Raodslid vaan Mestreech vaan-aof 1855. Heer waor 'ne rieke kaopmaan en woort nog rieker
door 't aon-numme en aonlègke vaan spoorlijne in Duitsland. Daoneve ambieerde heer openbare poste en ambte boe heer in zien wijer leve gehiel en mèt väöl inzat in
is opgegoon. Mestreech boe-vaan heer bestuurder waor, heet heer economisch bestuurd, hoeg opgewèrk en gemoderniseerd. Meh mèt de sloop vaan de Vestigings-
wèrke is heer gèt te economisch veur de stad gewees. Es Börgemeister waor heer neet allein administrateur, meh ouch oondernummer en groond-lègker veur de
touwkoms en industrie vaan in Mestreech.
Door ‘ne groete oppositie woort heer in 1861 evels neet herkoze meh woort Hendrik Raat de nuie Börgemeister vaan Mestreech. En zoe
woort Pijls weer tot Wethouwer gekoze. In 't jaor 1873 woort heer evels weer Börgemeister vaan Mestreech en dat bleef heer tot 1900. Ouch
waor heer lid vaan de Twiede Kamer vaan 1869 tot 1873. Wijer waor heer lid en veurzitter vaan 't Burgelek Armbestuur, de kamer vaan
Koophandel, en de Baank vaan Liening. Belaankriek waor heer ouch es veurzitter vaan de Nederlandse Zuider spoorwegmaatschappij,
vaan 1891 tot 1899. Dao had heer 10 aondeile bij gekoch, vaan eder 1.000 gölde per stök.
Nao de Belzje opstaand en tied, heet heer de stad sterk verbeterd mèt de opbouw vaan de industralisatie en 't openbaar vervoer. D'r woorte
kanale gegraove vaan oonder aandere nao Luik (tösse 1845-1850) en nui spoorlijne geopend. Willem Hubert Pijls kaom ouch dèks in de
Momus Sociëteit. Dat waor 'ne Sociëteit boe de welgestèlde Katholieke - Liberale börgers ziech troffe. In de Momus kaom heer dèks zien
groete tege-speuler, Petrus Regout tege. Zjus wie Pijls waor Regout ouch raodslid en lid vaan den' Ierste Kamer.' Ne dominante
Börgemeister en 'ne dominante industrieël, en dat bótsde netuurlek. Zoe wouw Regout 'ne Spoorweeg Enplacemint bij zien febrikke höbbe
en Pijls weer neet. Ouch euver 't leech-gaas waor versjèl vaan meining, umtot Regout dat weer veur zien febrik wouw höbbe en Pijls liever
zaog tot de gaas gebruuk woort veur verleechting vaan de straote en in de hoezer.
Wijer waor d’r nog e probleem mèt 't openbaar vervoer. De Sphinx had 'ne peerde omnibös en 'ne gaastram
allein veur zien eige wèrklui. De Gemeinte had allein mer 'ne gaastram. Later kierde me weer trök nao
tramme die getrokke woorte door e peerd. Op 29 Mei 1867 teikende Keuning Willen III 't besluut, boe
Mestreech ziene status vaan Vestigings-Stad verloor. Dat waor 't gevolg vaan ‘t aanders dinke vaan de
regering, die de verdeidiging vaan Nederland wèlde concentrere op de vestiging Holland. Nog in 1867 woorte
den ' ierste Stads-Poorte gesloop, zoetot de stad touwgaankeleker woort. Door 't besluut kaome groete lappe
groond vrij, en 'ne commissie begós mèt 't opstèlle vaan planne. De stad kraog 'ne boulevard en groete singels
wie: De Hertogsingel, Prins Bisschop, Staate en Fróntesingel. In de raodsvergadering vaan 23 Jannewarie
1903, wie d'r nuie straotnaome te vergeve waore, is d'r euver gestrijd of de hoofweeg vaan 't Villapark,
Börgemeister Pijlslaan of St. Lambertuslaan benump zouw moote weure. Het lètste is gebäörd.!!!
Willem Hubert Pijls waor Ridder in de orde vaan de Nederlandse Leeuw en
Offeceer in de orde vaan Oranje Nassau.
Bögemeister Pijls woort in 1900 opgevolg door Börgemeister P.C.H. Bauduin.
De woening vaan
Bgm.Pijls in de
Batterijstraot.
Graaf-monumint Willem
Hubert Pijls.
Begraofplaots
Toongerseweeg.
Keuning Willem III.
1817-1890
Willem Hubert Pijls.
Ridder in de Orde
vaan
De Nederlandse
Leeuw.
Offecier in de
Orde vaan Oranje
Nassau.
