Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.Godard van Slijpe
Mr. Johan, Godard, Hubert van Slijpe gebore op 7 Fibberwarie 1732 en is gestorreve op 8 Mei 1791, trouwde op 5 Juni 1753 mèt Cornelia de Ron, gebore op 10 September 1721 in Frankfurt am Main, en is gestorreve op 6 Mei 1784 te Mestreech. Oet de ech vaan Cornelia de Ron en Johan Godard Hubert van Slijpe, woorte 4 kinder gebore: 1.Petrus van Slijpe gebore op 20 September 1756 en is gestorreve op 30 Aprèl 1824. 2.Jan Goderty Cornelis van Slijpe, gebore op 23 November 1757 en is gestorreve op 28 November 1838. Heer trouwde op 30 September 1783 mèt Jeanne Elenora Geyer, gebore op 4 December 1750 in Aoke, en is gestorreve in Leeuwarde op 16 Juni 1788. 3.Johanna Catharina van Slijpe gebore op 20 Juli 1760, en is gestorreve op 1 Juni 1782. Zie waor getrouwd mèt Isaac Hendrik Geyer gebore in Aoke op en is gestorreve op 15 November 1827. 4.Maria Sara van Slijpe gebore op 12 Mei 1762, en is gestorreve op 13 Juli 1834. Zie trouwde op 25 Aprèl 1788 mèt Quirinus Alexander Collard, gebore op 15 Juni 1766 en is gestorreve op 18 Jannewarie 1805. Zie kraoge same 5 kinder. Johan Godard Hubert van Slijpe waor vaan de Twie Hierigheid vaan de Braobantse kant, en schepen in Mestreech in de jaore vaan 1762 tot 1772. In 1763 waor heer vervèngend schout in Gulpe en curator vaan de Latiense sjaole in Mestreech in de jaore 1766-1767. In ’t jaor 1772 woort heer tot Börgemeister vaan Mestreech gekoze ( de Braobantse kant) en vervölde dee functie twie jaor laank. Bovenstaonde foto vaan ‘t sjèlderij vaan Johan Hubert hingk in ’t Stadhoes vaan Mestreech.
Joonkhier Godard Jan Cornelis van Slijpe woort gebore op 22 November 1757 in Mestreech, en is gestorreve op 28 November 1838 . Heer woort d’n daag nao zien geboorte op 23 November 1757, geduip in de St Janskèrk oppe Vriethof te Mestreech. Zien awwers waore Mr.Johan Hubert van Slijpe ( foto) en Cornelia de Ron, gezworene vaan Braobantse kant in Mestreech. Mr.Johan Hubert van Slijpe waor gezworene in de jaore 1762, 1763, 1768, 1769 en 1772. ‘n Gezworene waor ‘ne volksvertegenwoordiger, en adviseur vaan de Schepene, en móos de Schepene zoedaonig ouch oondersteune. Ouch mós heer touwzeen op beslute vaan ‘t college vaan  Schepene, en of die beslute wel woorte naogeleef of oetgeveurd. ‘n Gezworene woort benump door de Landshier, en woort later miestal Schepene. In de jaore vaan 1764, 1765, 1770, 1771, 1774, en 1775 waor heer Schepene vaan Braobantse kant in Mestreech. Op 6 Fibberwarie woort heer benump tot Substituut Schout in Gulpe. Curator der Latijnse Scholen woort heer in Mestreech op 6 Fibberwarie 1776, en Vice-Hoog-Schout vaanaof 23 Oktober 1781. Secretaris vaan de Hoofdbank (Regionale Rechbaank) in Beek, woort heer in ‘t jaor 1788. Op 4 November 1794 vele de Franse Mestreech binne, oonder de leiding vaan Jean-Baptiste Kléber, en dat beteikende 't einde vaan de twiehierigheid in Mestreech. Bij 't verdraag vaan Den Haag op 16 Mei 1795, stoond de Republiek der Verenigde Nederlanden häör rechte vaan Mestreech aof aon Frankriek. Mestreech woort de hoofstad vaan 't nui Franse Departement " Nedermaas " en Mestreech woort vaanaof noe bestuurd door zeve maan vaan 't gemeintebestuur, zjus wie de Franse dat in Fraankriek hádde. 't Doorde tot nao 1800 wie 't gèt röstiger woort in de stad en land, en kaom de leiding te ligke bij eine persoen, naomelek “De Maire”. Napoleon woort op 18 Juni 1815 verslage bij Waterloo, en dat waor ‘t einde vaan ‘t Franse riek in Nederland en Mestreech. Joonkhier Godard Jan Cornelis van Slijpe waor ‘ne tied laank Lutenant in ‘t regimint vaan Prins Frederik van Oranje-Nassau. Vaan Fibberwarie 1808 tot miert 1815, woort Joonkhier Godard Cornelis van Slijpe, Börgemeister (Maire) vaan Amby. Ouch woort heer lid vaan de Provinciale Staote vaan Limburg en vaan 1816 tot 1835 en Wethouwer in Mestreech vaan 16 Mei 1815 tot 18 Augustus 1818. Op 18 Augustus 1818 woort heer tot Börgemeister vaan Mestreech gekoze en bleef dat zeventien jaor laank tot 31 Miert 1835. Heer is, en waor daomèt de langs zittende Börgemeister in de historie vaan Mestreech. In de Hervormde Gemeinte waor heer Ouderling in de jaore 1795, 1815, 1819, 1822, 1825, 1827, 1832, en 1836. Ouderling waor e kerkelek ambt binne de Hervormde Gemeinte. Joonkhier Johan Godert Cornelis van Slijpe trouwde in de Waolse kerk vaan Vaols op 30 september 1783 mèt Johanna Eleonora Geyer, gebore in Aoke, op 4 December 1750 en is gestorreve op 20 Juni 1788 in Leeuwarde. Zie waor ‘n dochter vaan Jacobus Geyer en Elenora Fellinger. Joonkhier Johan Godert Cornelis van Slijpe en Johanna Elenora Geyer kraoge same drei dochters: 1.Cornelia Eleonora van Slijpe . Zie woort gebore op 18 Juli 1784 in Ax La Chapelle, en geduip in de Waolse Kerk vaan Vaols. Zie is gestorreve op 22 Miert 1840 in Mestreech. Cornelia Eleonora van Slijpe trouwde op 22 September 1814 mèt Frederic Cornelis Marie Pichot, gebore in 1784 en is gestorreve in 't jaor 1845. Zie kraoge same 5 kinder. 1.Elénora Jeanne Louise Pichot 2.Louise Cornelia Sophia Pichot. 3.Henriette Georgina Pichot. 4.Karel Godard Sophie Pichot (verheve in de adelstand) 5.Frederica Cornelia Elenora Pichot 2.Joonkvrouw Jacobina, Susanna,Louise van Slijpe. Zie is gebore in 1785 en is gestorrve op 4 Juli 1859 in Amby. 3. Joonkvrouw Johanna, Sara, Petronella van Slijpe. Zie is gebore op 4 Juni 1788 in Leeuwarde en dao ouch geduip, en is gestorreve op 5 December 1879 in Amby. Zie waor toen 91 jaor. Bij Keuninklek besluut woort Godard Cornelis van Slijpe op 31 Miert 1835 verheve in de Nederlandse adelstand. Umtot heer geine zoon had, woort bepaold tot den ‘adelstand zouw euvergoon nao ziene kleinzoon, Karel Godard Sophie Pichot. Op 28 November 1838 is Jonkheer Godard Cornelis van Slijpe gestorreve.
't Landgood Severe ligk aon de Wesrand vaan Amby.Iers waor 't landgood in bezit vaan de femilie Van 't Zievel, meh later kaom 't in bezit vaan de femilei van Slijpe.De lètste van Slijpe verkoch 't landgood in 1880.
Ridder in de Orde vaan De Nederlandse Lieuw
1732-1791. Börgemeister Mestreech 1772-1774.
1757-1838. Börgemeister Mestreech 1818-1835.
Portret vaan de jonge Jan Godart van Slijpe of ziene pa, Jan Hubert van Slijpe.
Femilie Waope Joonkhier Godard Jan Cornelis van Slijpe.
Femilie Waope Mr.Johan,Godard, Hubert van Slijpe.
Jan Hubert van Slijpe (1732-1791)
Cornelia de Ron (1721-1784)