Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 
Kristaluni
In ‘t jaor 1827 woort in Mestreech ‘n kristal & glaas-slieperij opgeriech door Petrus Regout, naomelek de Petrus Regout & Co. In 1834 woort ouch ‘nen eerdewèrk febrik opgeriech oonder dezelfde naom. In dee kleine slieperij wèrkde neet mie daan veer maan, en zie vörmde de basis vaan de latere gehiel geautomatiseerde glaasfebrik vaan De Kristalunie. Me bewèrkde iers glaasprodukte vaan ’t Belzje glaasfebrik Val Saint- Lanbert. In 1839 stopde die mèt ‘t lievere vaan glaas aon Petrus Regout, en dee riechde toen ‘nen eige glaas en kristal blozerij op. Regout had in dat zelfde jaor e stoommesjien gekoch, boe heer 16 nui slieptouwstelle op aon kós slete. In 1841 bestèlde keuning Willem II bij Regout ‘ne kritalle servies ter weerde vaan 1.000 gölde. ’t Jaor daonao bestèlde heer veur 24.000 gölde twie kandelere, die heer aon de Franse keuning Louis Philippe sjoonk. Die kandeleers waore 4.5 meter hoeg en gehiel samegestèld oet kristalle illeminte, die gemonteerd waore in vergölde verbindings stökke. In de voot vaan de kandeleers had me e oorwèrk gemaak dat den ‘olie-touwvoor nao de lampe regelde. In de laop vaan de 19e   iew greujde ’t febrik oet tot de belangriekste producent vaan glaas en kristal in Nederland. De ajdste bestaond gebleve verkaop-catalogus is dee vaan oet ‘t jaor 1864. In deen tied woorte dèks verkaop-catalogi oetgegeve die   veurzien   waore vaan geteikende produkten. Oet die catalogi kaom dudelek nao väöre tot me in Mestreech in ’t begin vaan de 20e  iew riek geslepe kristal maakde. In 1899 woort de naom vaan ’t glaasfebrik veranderd in N.V. Kristal-Glas en Aardewerkfabrieken De Sphinx. In Meerse woort in 1902 ‘ne twiede glaasfebrik in Mestreech opgeriech naomelek “De Stella “ door Louis Regout,’ne zoon vaan Petrus Regout. Stella waor e oonderdeil vaan ‘t Porseleinfebrik de Mosa dat in 1883 waor opgerich door Louis Regout. Hubert Gérard Louis Regout waor ein vaan de tien kinder vaan Petrus Regout, de stiechter vaan De Sphinx febrikke. Heer kreeg zien opleiding aon de “Handels en Industrieschool” in Mechelen Belsj. In 1850 kaom heer werke in ‘t febrik vaan ziene Pa Petrus Regout. Same mèt zien breurs bouwde me De Sphinx oet tot e groet febrik, dat bestoont oet e groet aontal divisies. Same mèt ziene zoon Louis Hubert Willem Regout, riechde heer e nui porcelein febrik op, De Mosa. In 1925 kaom ’ne fusie tot stand tösse de glaasfebrikke Stella en De Sphinx vaan de Regouts en de nui firma kraog de naom vaan  N.V. De Kristalunie. Es ierste directeur vaan de Kristaluni woort ir.De Nerée tot Babberich aongestèld, ‘ne sjoenzoon vaan Petrus Regout. De nuie Kristaluni góng nao ‘t terrein vaan de Stella Glaasfebrik gelege aon de Nieuwe Weg in Mestreech, boe ‘t glaasfebrik nog ummertouw is gelege.
De fusie waor ’t gevolg vaan ’t ummertouw miejer wegvalle vaan ‘ne boetelandse aofzètmèrret en de lèstige aonveur vaan groond en brandstoffe. De twie glaasfebrikke produceerde op dat momint veural hoeshoudelek gebruuks-glaas en dat in versjèllende kwaliteite. Meh ’t kristal woort wel riek verseerd en geslepe. De ierste jaore maakde me veural oontwerpe nao Frans of Ingels veurbeeld, meh in de jaore veerteg en viefteg begós De Kristalunie ouch oontwerpe vaan Nederlandse kunstenere te make. Vaanaof 1928 tot 1937 waor graficus W.J.Rozendaal verboonde aon de Kristalunie in Mestreech en gaof in deen tied nen' eigentieds beeld aon de Kritalunie. Rozendaal waor in 1924 al ieder verboonde aon ‘t eerdewèrk febrik vaan de Sphinx, es oontwerper vaan servieze en seer-decords. In 1928 woort heer aongetrokke door de Kristalunie um dao oontwerpe te make veur gebruuks-glaas en kristal werk. Kort daonao kreeg heer de algemeine leiding euver de vörmgeving mèt de oetdrökkeleke opdrach um kunstzinnige producte te oontwikkele vaan ’t niveau vaan de concurrent oet Leerdam. Nao ’t vertrek vaan Rozendaal woorte nog ‘nen aontal oontwerpe gemaak door Edmund Bellefroid en Frans Hollman. In 1938 woort de Kristaluni euvergenome door ’t Glaasfabrik Leerdam en in ’t jaor 1959 woort zie weer euvergenome door De Verenigde Glasfabrieken Schiedam.
In ’t jaor 1966 woort de productie vaan kristalglaas gedeiltelek euvergeplaots vaan Leerdam nao Mestreech, meh me stopde daomèt in 1977. In 1969 waor me begós mèt de productie vaan verpakkings-glaas, boe veural aw mijnwèrkers oet de geslote mijne woorte ingezat. Allewijl weurt in Mestreech allein nog mèr verpakkingsglaas gemaak. Op de locatie in Wiekerpoort zien 9 productielijne geplaots, die kinne eder  450 potte of flesse per minuut produceren. In 1995 woorte de Vereinigde Glaasfebrikke euvergenome door ‘t Franse concern: Boussois-Souchon-Neuvesel (BSN) en de naom woort veranderd in BSN Glasspack. Allewijl is ‘t bedrief eigendom vaan O-I Manufacturing.                                                 
Oet de Limburger Koerier vaan 27 April 1907. Maastricht. Mr. L.H.W. Regout deed ons toekomen de loonstaten over de laatste zes maanden van 1906, betreffende de 1230 arbeiders in dienst der Commanditaire Vennootschap Porselein- en Muurtegelfabriek Mosa en Glasfabriek Stella. Den heer Regout achtte dit noodzakelijk ter bestrijding van onware voorstellingen, van socialistische zijde gegeven omtrent het bedrag der loonen. De 565 mannelijke arbeiders boven 19 jaar verdienden gemiddeld 2 gulden 5 per 10-urige werkdag, de 117 vrouwen 1 gulden 14.Van de 354 jongens en 142 meisjes tussen de 12 en 18 jaar verdienden de 18 jarige jongens gemiddeld 97cent, de meisjes 85 cent.De 13 jarige jongens 59 cent, de meisjes 56 cent. De 12 jarige jongens 57 cent, de meisjes 54 cent per 10-urige werkdag. De 52 overige arbeiders waren in tijdelijke dienst. Eene bepaling van het fabrieksreglement om geene arbeiders beneden 13 en-een-half jaren in dienst te nemen, kon niet worden gehandhaafd wegens onvoldoende aanbod. Over de laatste zes maanden van 1906 werkten bij Mosa en Stella 133 jongens van 12-13 jaar en 16 meisjes van 12-13 jaar.
't Glaasfebrik vaan Petrus Regout 1829.
Twie wienglazer "Eisenloeffel", óntwerp  Jan Eisenloeffel 1928, 
                                                                   Hubertus Gérard Louis Regout                                                                                 1832-1905. Mestreechter oondernummer dee 23 jaor Ierste Kamerlid waoar. Stiechde same mèt zien breurs ‘ne bleujende porseleinfabrik. Ziene Pa Petrus waor ouch Ierste Kamerlid en twie van zien zäöns woorte minister. Wèrekde in glaas- en eerdewerkfebrikke vaan firma "P. Regout & Co." te Mestreech, vaanaof 1850 firmant firma "P. Regout en Co." te Maastricht, van 1870 tot 1899 lid Provinciale Staten vaan Limburg, vaan juli 1872 tot juli 1881 (veur ‘t keesdistrict Mestreech) lid Ierste Kamer der Staote-Generaol, vaan 11 juli 1881 tot 11 oktober 1884 (veur Limburg) eigeneer febrik vaan fijn porcelein, firma "L. Regout en Zn." te Mestreech, vaan 1883 tot 1899 lid Ierste Kamer der Staote-Generaol, vaan 17 november 1884 tot 17 augustus 1887 (veur Limburg) lid Ierste Kamer der Staote-Generaol, vaan 19 september 1887 tot 27 miert 1888 (veur Limburg) lid Ierste Kamer der Staote-Generaol, vaan 1 mei 1888 tot 23 juli 1904 (veur Limburg)
Graafmonumint femilie Louis Regout.
Graaf Louis Hubert Willem Regout in Rome.
Louis Hubert Willem Regout. Same mèt ziene pa, Louis, riechde heer de Kristaluini op. 1861-1915.
Hubertus Louis Gérard Regout 1832-1905.
Theresia Hubertina Berger. 1829-1899.
 Servies Logo’s W.J.Rozendaal 1929, 
Oontwerp Max Verboeket 1960.
Oontwerp Jan Eisenloeffe.
                                                                                                    Louis Hubert Gérard Regout. Hubertus Louis Gerard Regout, gebore op 16 december 1832 in Mestreech, en is gestorreve op 6 Jannewarie 1905. Heer  waor getrouwd mèt Theresia Hubertina Berger, gebore op 8 Juni 1829 in Venlo, en is gestorreve op 13 Oktober 1899 in Mestreech. Oet de ech vaan Louis en Theresia woorte 6 kinder gebore. 1.Louis, Pierre, Hubert, Regout, gebore op 20 Jannewarie 1856 in Mestreech, en is gestorreve op 24 Augustus 1856 in Venlo. 2.Maria, Louisa, Aldegonda, Josephina, Regout,  gebore op 31 Jannewarie 1858 in Mestreech, en is gestorreve op 18 Jannewarie 1907 in Mestreech. Zie waor getrouwd mèt Joannes, Michaël, van Waijenberg, gebore op 11 Mei 1852 in Amsterdam, en is gestorreve op 1 Aprèl 1922 in Amsterdam. 3.Eigine, Hubertine, Louise, Regout, gebore op 30 Juni 1859 in Mestreech, en is gestorreve op 20 Jannewarie 1909 in Mestreech. Zie waor getrouwd mèt Armand, Nicolas, Alexandre Claesens, gebore op 27 Juni 1855 in Luik, en is gestorreve op 4 Miert 1901 in Tóngere. 4.Emile Hubert Regout, gebore op 20 November 1860 in Mestreech en is gestorreve op 30 Aprèl 1905 in Ahrweiler Duitsland. Heer waor getrouwd mèt Regina Maria Westerwoudt, gebore op 12 Aprèl 1863 in Amsterdam, en is gestorreve op 11 Fibberwarie 1942 in Amsterdam. 5.Louis, Hubert, Willem,Regout,  gebore op 27 Oktober 1861 in Mestreech, en is gestorreve op 27 Oktober 1915 in Rome-Lazio. Louis waor getrouwd mèt Wilhelmina, Joanna, Everard, gebore op 2 Oktober 1868 in Amsterdam, en is gestorreve op 25 December 1956 in s’Gravenhage. 6.Edmond, Robert, Hubert, Regout, gebore op 4 Juni 1863 in Mestreech, en is gestorreve op 18 Jannewarie 1913 in s’Gravenhage. Heer waor getrouwd mèt Catharina, Monika, Maria van Sonsbeek, gebore op 30 Oktober 1860 in Leeuwarden, en is gestorreve op 22 Mei 1942 ins’Gravenhage. 7.Anna Emilia Louisa Hubertina Regout woort gebore op 14 Aprèl in Mestreech en is gestorreve op 13 Aprèl 1900 in Amsterdam. Zie waor getrouwd mèt mr. Willem Jan Maria Westerwoudt (1858-1952), 3 kinder. 8.Josephina Wilhelmina Theresia Hubertina ("Theresia") Regout woort gebore op 29 Oktober 1866 in Mestreech en is gestorreve op 21 Juni 1943. Zie waor getrouwd mèt jhr. mr. Theodorus Gijsbertus Maria Smits (1860-1919), 3 kinder. 9.Johannes Hubertus Regout woort gebore op 15 Jannewarie 1869, en is gestorreve op 25 Fibberwarie 1869. 10.Josefina Hubertina Regout woort gebore op 9 Miert 1870, en is gestorreve op 3 Fibberwarie 1874. 11.Johannes Pius Maria Eugene Hubert Regout woort gebore op 16 Juni 1871, en is gestorreve op 17 Juni 1871. 12.Louise Eugénie Hubertine Regout woort gebore op 10 Juni 1873, en is gestorreve op 17 Jannewarie 1881.
Hubertus Louis Gérard Regout 1832-1905.
Theresia Hubertina Berger. 1829-1899.
Vaas Rozedaal 1932.
Femilie Waope Regout.
1932-1905.