De Drei Sjoenste
Jacques Pirson sjreef in 1928 de kemikke Operette " De Drei Sjoenste" , en haolde zien inspiratie oet de Mestreechse Volleksefigure De Dre Sjoenste.
‘t Is ‘n “ Realistische “ Operette in drei akten. Jacques Pirson waor vaan beroop posmaan, en had es hobby 't sjrieve vaan operette's, gediechte en aander verhaole. In 1899 sjreef heer
oonder aandere ‘t gediech “Aon de Grachstraot, Errem kinder bij Aovend, en Lieske Duijzings uit Maastricht, en in 1927 en 1928 De Vastelaovends leedsjes “Mèt Carnaval”. De
kemikke Operette vaan de Drei Sjoenste woort veur 't iers gespäöld in 1928 door 't toneelgezelsjap vaan Fonds Olterdissen in de Bonbonníëre. Zien broor Guus, dee had same mèt Jean
Pécasse de regie en 't Symphonie Orkès stóng oonder leiing vaan Guus Olterdissen. De Drei Sjoenste waor wie me toen zag 'ne Realistische Operette vaan drei riechtige Mestreechse
Volleksfigure en is gesjreve door Jaques Pirson. Op zoondag 15 Jannewarie 1928 um 20.00 oor waor de Première.’t Stök waor e groet suksès, en de Bonbonniëre waor weke laank
achterein oetverkoch. In deen tied betaolde me veur op de Baignoirs (balkon) fl.1.93, de Stalles fl 1.63, Parterre fl 1.32 en Galerie fl 0.97. De hoofpersoene waore Flup de Kooistart, Pie
de Bökkem en Ensinck de Kletskop.
‘t Verhaol vaan de Volleksfigure,” De Drei Sjoenste”. In de jaore '20 waor me aon de sluisdeure vaan 't kanaal aon 't wèrke, en die wèrke woorte gevolg en
bekeke door de Mestreechtenere. Zoe ouch op 'ne werme zomerdaag door uzze drei Stads Hang Tiepe, Flup de Koojstart, Pie de Bökkem, en Ensinck de Kletskop
alias De Drei Sjoenste. De Drei Sjoenste waore vrun vaanein en waore bekind in Mestreech es Batjakkers, Volleks figure, meh mèt ‘t hart op de gooi plaots. Zie
zaote dèks op e bènkske langs 't water vaan ‘t kanaal vlaakbij de Aw Maosbrök te kieke nao die wèrke. Dat bènkske langs ‘t kanaal waor in deen tied de
hoeskamer vaan de Drei Sjoenste. Op ins veel Pie de Bökkem mèt ‘n houp bombarie in 't water, en de twie aandere stoonte langs de kant te keke. De lui langs de
kant en op de brök versjrókke ziech, meh Pie zwom rösteg nao den’ euver kant, kledderde oet 't water en hong zien humme te druge aon 't stranketsel vaan 't
kenaal. Heer waor weer n’s lekker aofgekeuld en góng eve later weer bij zien vrun zitte. Zie hadde daan de groetste lol, meh ‘t waor ‘nen allegasie veur de lui die
dat allemaol gezeen hadde, en dachte tot heer dr ‘ in gevalle waor, en bekans verdroonke ! De Drei Sjoenste dege dat dèkser mèt werm weer, en hadde daan
ummertouw de groeste lol !Väöl is neet bekind euver de Drei Sjoenste, Volleks tiepe vaan Mestreech die noets verlege zaote um örgens gèt bij te verdene, um zoe
e tas koffie mèt gèt dröpkes te kinne drinke. Edere hospes in Mestreech kós die drei Sjoenste wel. Flup de Koojstart waor 'ne viedreiver bij 't slach-hoes. Heer
waor bekind, tot es 'n kooj neet nao binne wèlde goon, daan drejjde heer hèl aon de start vaan 't bies. Vendao ziene bijnaom vaan Flup de Koojstart. 't Slach
hoes laog in de negentiende iew neve 't Paoter Vink teurensje aon de Jeker, en waor 't openbaar slach hoes vaan Mestreech. 't Water achter 't Bastion de "Vief
Köp " woort neet veur niks de Bloodbaank genump, umtot me 't slach aofval zoe de Jeker ingoeide. Vaan Ensinck de Kletskop is wieneger bekind. Allein tot heer
vreug kaal waor en de "Kletskop" es bijnaom kraog. Pie de Bökkem dee zwom gere in 't kanaal, ouch um de lui te laote vesjrikke, en had de bijnaom vaan d’n
Hiering. Heer góng mèt ziene vèskaar langs de hoezer en kaffee's um hiering en aander vès soorte te verkoupen .
Fons Olterdissen.
Beeldsje De Drei Sjoenste.
Jacques Pirson.
1899 - ?
De Drei sjoenste. 1930
Links Flup de Koojstart, midde Pie de Bökkum, en rechts
Ensink de Kletskop.
Annaos vaan
De Drei Sjoenste
11-1-1928.
Limburgs Dagblad.
14-12-1927.
Limburger Koerier.
11-1-1928.
Pie de Bökkum
gebore 29-05-1867.
Kemikke Operette "De Drei Sjoenste”.
‘t Verhaol vaan ‘t kemedie stök “De Drei Sjoenste”waor tot Pie de Bökkem, Flup de Koojstart, en Ensinck de Kletskop, ziech op ‘ne derde Keersdaag in de binnestad troffe, um te zien of d’r gèt veur niks te hole
of te verdene waor. Zoe trokke De Drei Sjoenste nao de Mèrret, um te zien of ze op de ein of aandere meneer dao e tas koffie en netuurlek mèt gèt dröpkes debij kóste verdene. Dat zouw good meugelek kinne
zien, umtot nao de twie Keers-Zoondäög d’r ummertouw gèt te verdene waor bij de börregerlike stand. In ‘t begin vaan de veurege iew waor ‘t verplieg um twie getuige te höbbe bij den’ aongifte vaan ‘n
geboorte. Umtot de mieste lui aon ‘t wèrk waore, had me neet ummertouw getuige bij de hand. Ouch waor ‘t zoe tot de mieste dao geine weet vaan hadde, en me meh daan nao boete góng um iemes op straot
te vraoge um te getuige. En dao proffiteerde de Drei Sjoenste vaan, en zaote op de trappe vaan ‘t Stadhoes te wachte tot iemes nao boete kaom um getuige te vraoge. Zie dege daan getuige veur ‘n handgeld um
zoe e dröpke mèt koffie te kinne drinke. Mèt dee gedach gónge de Drei Sjoenste op weeg nao ‘t Stadhoes, en stónge al um nege oor aon d’n ingaank vaan ‘t Stadhoes. Zie hadde gelök umtot dat jaor ‘nen aontal
Keerskinnekes waore gebore, en veur ‘t twèlf oor waor hadde zie alle drei genóg cent um gèt te goon drinke. Meh opins kaom dao ‘ne rare vreemde mèt ‘nen ezel aongelaope, en reep op de Drei Sjoenste of zie
mèt wouwe goon um zien zäönsje aon te geve. Heer had jummers gein getuige um de geboorte vaan ‘t keend aon te geve. Op de vraog wie en boe dat kinneke gebore waor, vertelde ‘t buurke dat heer op weeg
waor nao de mèrret mèt groete eikele, denne-greun en huls, um die dao mèt de Keersemes te kinne verkaope. Meh zien vrouw die in verwachting waor, voolt ziech evels neet good wie zie weer op weeg waore
nao hoes. Bij de Boschstraot aongekaome, kós zie neet mie weijer en zien zie nao de Kazzematte gelaope. Zie hadde dao wel dèkser geslaope, en dao waor ‘t kinneke, hun zäönsje gebore. De vraog waor noe of
zie getuige wouwe zien, bij den’aongifte. Zie voonte ‘t mer ‘n vreemd menneke, umtot dee in vief minute miejer verteld had es in die tien jaor tot zie häöm kóste. Oeteindelik gónge de Drei mèt um aongifte te
doen. Wat hun toen euverkaom wiste ze zelver neet. ‘t Fijt waor tot zie dees meneer vaan aongifte al doezend kier hadde mèt gemaak, meh ‘t noe gans aanders in de oere kloonk en in aandere gevalle nao
aoflaop euver niks aanders dachte aon hun koffie mèt dröpkes. Mèt ‘t al ieder verdeende geld op tes, genóg veur ‘ne have lieter koffie en dröpkes, waor hunne wins um ouch n’s ‘t kinneke te kinne zien. ‘t Waor
of ‘t buurke gedachte kós leze, en góng zoonder gèt te zègke mèt hun de Boschstraot aof, riechting kazematte, zoe es zie al dèkser hadde gedoon. Zie waore zoe taam wie e lemke wie zie de Mèrretvrouw en ‘t
kinneke zaoge ligke. Zie waore deep oonder d’n indrök vaan ‘t keend. Flup de Koojstart friemelde gèt in zien broketes en gaof ‘t moederke ‘t geld veur ‘t pas gebore kinneke. Ouch Ensinck de Kletskop en Pie
de Bökkem grejde good in hun binnetes, en gaove ‘t geld veur de kleine. Zoegèt aondonelek kós me neet zoe achter laote, en zie gónge stèllekes weer nao hoes. En in hun binneste brande gèt, es-of zie e jonge
klaore hadde gekrege mèt e werm tas koffie !!
Pie de Bökken en Ensinck de Kletskop.