Belègk Mestreech 1830
De blokkade of belègk vaan Mestreech vaan 1830 tot 1833, waor 'n ruim drei jaoreg militaire blokkade vaan de op dat momint Nederlandse vesting-stad Mestreech en 't dörp Sint
Pieter, door 't Maasleger vaan 't veurluipeg Belsj bewind. De blokkade waor e gevolg vaan de Belzje Revolutie, dee in Oktober 1830 waor begós. 't Belègk woort in de laop vaan 1832
einegzins gèt minder, en woort in November 1833 veur e groet deil geïndeg mèt 't “Verdrag van Zonhove “. In 1838 trokke de Belzje tróppe ziech trök oet 't Nederlands-Limburg, boe-
mèt de blokkade vaan Mestreech feitelek waor geeïdeg. Evels offisjeel eindigde de belègk-staot pas nao 't oonderteikene door beids pertijje vaan 't “Traktaat van Londen” op 19 Aprèl
1839. Bij de opriechting vaan 't “Verenigd Koninkrijk der Nederlanden”door 't “Congres van Wenen“ in 1814-1815, woort de stad Mestreech 'n Nederlandse Provincie-hoofstad. Militair
Gouverneur vaan Mestreech waor al vaanaof 1815 Guillaume Anne de Constant Rebecque de Villars, dee evels in 1830 gezeen zien hoege leeftied neet mie in staot waor um bevel te
veure euver zien tróppe. Werkelek bevelhöbber waor Bernardus Johannes Cornelis Dibbets, dee vaanaof 1829 Commedant vaan de Veerde Landmach-divisie waor. Gouverneur vaan
Limburg waor in deen tied Maximilien Henri Ghislain de Beeckman, dee evels door Dibbets gewantrouwd woort en in 1831 ziene congé kraog. In Mestreech waor in deen tied Godart
van Slijpe Börgemeister, en wel vaan 1818 tot 1835. Eind Augustus 1830 braoke in de Zuid-Nederlandse stei wie, Brussel, Luik, Verviers, Hoei, Namen en Leuven relle oet tege Keuning
Willem I, en zien door Noord-Nederlands gedomineerde bestuur. Veural in 't Luikse brandde 't Revolutionaire vuur, dat aongezat woort door de sociaole oonrös bij de werklui. In
Brussel waore begin September e gróp vaan 300 gewaopende Luikenere aongekaome, oonder de leiding vaan Charles Rogier, die 't stadhoes bezatte en 'n aard had vaan 'n rivvelutie.
Luikeneer Erasme Louis Surlet de Chokier, woort gezeen es de leier vaan de Belzje Revolutie. Väöraon-staonde revolutionaire waore de oet Mestreech aofkomstige bestuurders Jean-
Fracois Hennequin en Charles Destouvelles, die alletwie lid waore vaan 't Nationaal Congres (Volksraod), en de gebreurs Félix en Frédéric de Merode. In de mieste stei en dörpe vaan 't
“Verenigde Limburg” waor neet väöl belangstèlling veur 'n Revolutie. In Mestreech waor pas eind September gèt te merreke, vaan protès tege 't “Hollands” gezag. Veurnaomelek vaan
nen' aontal achter gebleve, vrijzinnige advocaote, koupluij en fabrikante, vereineg in de “Kamer van Koophandel en Fabrieken”, koze veur “Nederland ”. Zoe ouch de katholieke
geisteleke. Wijer waor allein in Tongere, Sint-Truiden, Hasselt, Maaseik en Roermond spraoke vaan einegste drökde, evels neet te vergelieke mèt de georganiseerde opstand zoe wie die
in Luik waor. Oondaanks 't gebrek aon steun bij de mierderheid vaan 't volk, wis 't Belzje Maasleger, bestaonde oet gedeserteerde Offecere en soldaote vaan 't Nederlandse leger, hiel
Limburg te bezètte, mèt oetzundering vaan Mestreech. Ouch twie aander Vestings-Stei wie Luxemburg en Antwerpe bleve in Nederlandse han. Eind September 1830, aon 't begin vaan
den’ opstand, kraog Lutenant-Ginneraol Von Heldring iervol ziene congé, es chef vaan 't Vijfde Commando, en woort dee functie euver gedrage aon Bernardus Johannes Cornelis baron
Dibbets, dee 'nen aontal aander hoeg functies bekleide in 't Nederlandse leger. Heer veurde 't bevel euver 't Garnizoens-leger vaan oongeveer 6.000 maan. Dibbets gaof aon alle Zuid-
Nederlandse Offecere en Soldaote de käös um bij 't Nederlandse leger te dene of um nao hoes te goon. Mestreech Vesting-stad woort begin Oktober in staot vaan belègk verklaord door
Dibbets. Op 22 November 1830 sjreef Dibbets dat de twiede divisie vaan 't mobiele leger oonder leiding vaan de Hertog van Saksen-Weimar-Eisenach, de stad waor binnegetrokke en
dat dee koms vaan die tróppe väöl indrök had gemaak. Begin 1831 woort Dibbets offisjeel benump tot Opperbevelhöbber vaan de Vestiging Mestreech. Zien ierste daod waor ‘t
vervaange vaan 'n gróp soldaote oet Limburg, en vervóng die mèt soldaote vaan oet Breda. Daomèt waor de kans op 'n revolutie vaan binne-oet bekans oonmeugelek. Ouch veur de
Mestreechse inwoeners had de Staot vaan Belègk groete gevolge. Neet allein de Militaire dreiging, meh ouch door 't groet aontal militaire en de krie aon geujere, en algemeine fieste
zoewie de Vastelaovend woorte verboje. 't Verdrag van Zonhoven woort op 18 November 1833 door de twie parteije oonderteikend, en dat beteikende 't einde vaan de blokkade vaan
Mestreech. Dibbets storf op 29 Miert 1839, drei weke veur de oonderteikening vaan 't “Traktaat van Londen”, dat 't einde beteikende vaan de opstand en de Belzje Revolutie.
Femilie waope vaan
Dibbets.
Belzje soldaot.
1830.
Femilie waope vaan keuning
Willem I.
Belègk Mestreech 1830.
Tranchot-kaart oet de Franse tied.
Nederlandse soldaot
1830.
Baron Surlet de Chokier.
Ierste Staotshoof vaan Belsj,en
woort gezeen es de leier vaan de
Belzje revolutie.
1769-1839.
Jean Francois Hennequin,
Börgemeister vaan Mestreech dee
veurstander vaan ‘n euvergaank vaan
Limburg nao Belsj waor.
1772-1846.
Félix de Merode waor ‘n Belzje
polletieker en sjrijver, lid vaan
‘t veurluipeg Belsj bewind.
1791-1857.
Charles Rogier waor ‘n Belzje
polletieker en ein vaan de
groond-lègkers vaan de
Belzje staot.
1800-1855
Karel Bernard Hertog van Saksen-
Weimar-Eisenace.waor ‘n Duitse
Ginneraol in Nederlandse deens.
1792-1862
Charles Destouvelles waor ‘n Frans-
Nederlands-Belzje
advocaot,politicus,en magistraot.Heer
waor oonder aandere lid vaan ‘t Belsj
Nationaal Congres.
Belzje patriot in Brussel
1830.
De Belzje Burgerwach
aon ‘t eind vaan de
Belzje Revolutie.
Frédéric de Merode patriot
en gesneuveld bij de Belzje
opstand in 1830.
(1792-1830)
Gouverneur vaan Limburg
Maximilien de Beeckman de Libersart
woort door Dibbens neet vertrouwd.
(1781-1834)
Guillaume Anne de Constant
Rebecque de Villars, waor Milletair
Gouverneur vaan Mestreech vaan
1815 tot 1832.
(1750-1832)
Keunig Leopold Joris Christiaan
Frederik van Saksen-Coburg-Saalfeld
gebore in Coburg Zuid-Duitsland.
Ierste Keuning vaan Belsj.
(1790-1865)