Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Pierre Hugues Victoire Merle
Legrand. 1762-1815
Marshal Jean-Babtiste Bessieres 1768-1813.
Fort Socoa.
Pierre Hugues Victoire Merle. 1767-1830.
Pierre-Hugues-Victoire Merle woort gebore op 26 Augustus 1767 in Montreuil (Pas-de-Calais), en is gestorreve op 5 December 1830 in Lambesc (Bouches-du-Thône). Heer  waor 'ne Ginneraol vaan de Franse revolutie, vaan 't het Keizerriek Fraankriek. Pierre-Hugues-Victoire Merle góng al op zien 14e in 1781 in Franse deens, vaan 'n infanterie-regimint. Nao e paar maond kraog heer evels ziene congé, umtot heer te joonk waor, en geloge had euver ziene leeftied. Evels twie jaor later in 1783 woort heer wel es soldaot aongenome bij 't Franse leger. Naotot de revolutie in Fraankriek waor begós, woorte de kanse veur häöm groeter um promotie te make. Dat gebäörde daan ouch in Juni 1792 wie heer woort bevorderd tot Sous-Luitenant, en veer maond later tot Luitenant. Pierre-Hugues-Victoire Merle waor iers gelegerd bij 't Leger vaan de Pyreneeën, en gèt later bij 't Leger vaan de Westerse Pyreneeën, wie dat leger toen woort opgesplits. In de zomer vaan 1793 woort Merle bevorderd tot Kaptein vaan de Artillerie. E jaar later in 1794 kraog heer 't bevel euver e bataljon Artillerie in Bayonne. Al snel woort heer weer bevorderd en wel tot Generaol vaan de Brigade, en kraog 't comando euver Fort Socoa. In Augustus vaan dat jaor naom heer 't comando euver vaan de 1e Brigade vaan de 1e divisie, en in November voch heer mèt, bij de slag vaan Bergara. In 1795 had heer 't comando deils euver de brigades vaan 't Leger van 't Westen en 't Leger van de Kusten van de Oceaan. Later in 1796 woort heer gesjik nao 't Leger van de Alpen, en daonao, nao de 8e Militaire divisie. In 't jaor 1800 waor Pierre-Hugues-Victoire Merle iers bij 't 17e Militaire divisie, meh in Mei vaan dat jaor trooj heer touw tot 't Leger van de Reserve. In juli woort heer alweer euvergeplaots nao 't Leger van Italië, boe heer 't jaor daonao in 1801 't comando euver naom vaan de 27e Militaire divisie.
In 1803 góng heer nao 't kamp vaan Saint-Omer. Mèt 't oetbreke vaan de oorlog in 1805, deende Pierre-Hugues-Victoire Merle in de Divisie vaan Legrand. Naotot heer had mèt gevochte in December1805 aon de gevechte bij Austerlitz, woort heer bevorderd tot Divisie- Generaal. In Miert 1806 woort heer Chief of Staff vaan 't IV Corps Marshal Soult's, en in September naom heer 't comando euver in Braunau. Twie jaor later in 1808 woort Pierre-Hugues-Victoire Merle nao Spanje gesjik um dao 't bevel vaan de 1e Division Marshal Bessières corps euver te neume. In Juni veroverde heer Valladolid, Lantueno en Santander, en heet heer mèt gevochte bij de verovering vaan Medina del Rioseco. Es beloening woort Pierre-Hugues-Victoire Merle benump tot Baron vaan 't Riek en Grootofficier in 't Legioen van Eer. Heer voch ouch mèt bij de slag vaan Lugo, boe heer 't commando had euver de 2e divisie. In Miert 1809 raakde heer gewond bij de gevechte bij Oporto. In 1810 kraog heer 't bevel vaan de 1e divisie vaan 't Reynier's II Corps. En in September woort heer weer gewond, door 'ne kogel in zien erm. Meh in Mei 1811 voch heer weer mèt bij de Slag vaan Fuentes de Onoro. Pierre-Hugues-Victoire Merle kierde trök nao Fraankriek en naom deil aon de campagne nao Rusland in 1812, boe heer 't commando op ziech naom vaan de 9e Aofdeiling oonder 't Oudinot's II Corps. Heer voch in Oktober in Polotsk, en e paar daog nao de Slag naom heer 't commando vaan 't korps euver. Pierre-Hugues-Victoire Merle zouw daonao neet mie actief mèt vechte zien. In Augustus 1813 naom heer 't commando vaan de 25e Milletaere Divisie euver en woord benump tot Gouverneur vaan Mestreech. Nao de troens aofstand vaan Napoleon in 1814, woort Pierre-Hugues-Victoire Merle Inspecteur-generaal vaan de Gendarmerie, en Ridder vaan Saint Pouis. Wie Napoleon in 1815 veur de “Honderd Dagen” weer trök kierde, woort Pierre-Hugues- Victoire Merle 't bevel gegeve vaan 't korps Opservation van de Var. E jaor later in 1816 trok Pierre-Hugues-Victoire Merle ziech trök oet 't Franse leger. Pierre- Hugues-Victoire Merle waor Gouverneur vaan Mestreech vaan 1813 tot 1814. In 1815 woort heer opgevolg door Guillaume Anne de Constant Rebecque de Villars.
Napoleon 1814.
Napoleon Bonaparte 1769-1821.
Graaftobe van Merle. Begraofplaots St.Baudile in Nimes.
1767-1830. Gouverneur Mestreech 1813-1814.
Femiliewaope Merle.