Frans Theunisz
Callepins woorte vol gesjreve meh Frans en zien vrun hadde nog ummer geine naom gevoonde veur de gróp. Umtot zie dèks s' aovends laat en miestal deep in de nach
thoes kaome, woort al snel de naom vaan "De Nachraove" bedach. Den' ierste lp in 1981 die ze maakde "De Nachraove" woort 'n groet suksès. Mèt de groete hit
netuurlek vaan Sjogkel Sjogkel, Rel Del Del, Jao us Mestreech, Nachraove Samba, en Errem Mestreech. In 1982 brachte zie de twiede L.P. oet, “Good Gebek”, mèt
bekinde nommers wie, De Limbo, Can-Can, Tant Nèske, en leef is mien stad. ‘t Jaor daonao in 1983 kaom de L.P. Ammezasie oet, mèt ‘t Skieleedsje, D’n Tango
d’Amoer, op ut Vötsje gevalle, en De Muzikant waore de bekindste nommrs vaan dee L.P. In 1984 kaom de L.P. harte Veer op de mèrret. Mèt oonder aandere de
nommers, Calypso, Pak Uuch Oonder d’n Errem, Sjengske, en De Posmaan. ‘t Doorde tot 1989 veurdat zie hun ierste C.D op de mèrret brachte. Dat waor de C.D.
“Hoppa”, mèt gèt aw nommers en aw hits d’r op. ‘t Jaor daonao kaom de C.D. Laot Mer Goon, en in 1993 de C.D. Veer Goon Door. In 1995 hadde zie mèt Sjèng aon de
Gèng 'n moonsterhit en stóng 21 weke in de top 40. D'r woorte 68.000 singles vaan verkoch en 40.000 lp's vaan " Sjeng aon de Gèng ". Zie hadde suksès en zónge ouch
gere, meh 't kin gebäöre tot me 't meujelek heet en d'r probleme kaome. En zoe gebäörde 't ouch tot nao 'n optrejje in 1995 in 'ne tent in Horst-America, de zaak
oontplófde en 't waor gedoon mèt de gróp "De Nachraove" . Frans góng solo weijer oonder de naom vaan Frans de Nachraof en gèt later woort 't gewoen Frans
Theunisz. Hoegtepunt waor ouch de langste pollenaise oets oppe Vriethof boe 40.000 lui mèt dege in de struimende rege. 'nen Aander hoegtepunt waor ouch e optrejje
mèt Beppi Kraft in e vol MVV stadion. De CD vaan dat optrejje kraog de naom vaan "Same Hoonderd" . Zie zónge dao same hun groetste suksèsse. In 1997 kump Frans
mèt 'n CD oet vaan " Hei is gèt Loos" en bringk daovaan 'ne single oet vaan de "Boerinnekes Dans". De single vaan "Zing 'ns eve Spring 'ns eve " weurt 'n kleine hit.
Frans Theunisz stong in deen tied zoe gèt 8 kier per week op de buun, meh heer deeg zien wèrrek nog ummertouw dao bij. In 2006 prizzenteerde Frans edere week e
program op TV Limburg mèt de titel "Aon de gèng ". De programs die Frans maakde woare miestal löstig vaan opzat en hadde versjellende ónderwerrepe. Neve zien
activiteite es zènger en TV prizzentater woort Frans ouch erkind es Nach-Börgemeister vaan Mestreech. Heer is ouch benump tot iereböger vaan de stad Mestreech,
Toongere, Genk, en Pineda. De optrejjes zien noe gèt minder meh nog ummertouw weurt e leuk singelke gemaak, en kinne veer nog ummertouw genete vaan de leedsjes
vaan Frans Theunisz.
Beperkde Discografie
5 LP's (o.a. De nachraove, Ammesasie, Rundsje Roontelum),
7 album-cd's (o.a. Hoppa, oan de Gèng, best of the Nachroave
3 LP-singles (Venile, Sjoghel, Nachraove)
20 cd-singles
2 dvd's (o.a. Nachroave op volle toeren)
6 videoclips (Tirol, Sjeng oan de Gèng, Deej Zomeroavond, Polonaise Nachraove,
Zing ‘ns even spring ‘ns even, de Beer is los, heimwee naar me Stamcafé)
Frans Theunisz is gebore in 1946 in Mestreech en woende in de Mestreechse wiek Lummel. Wie heer ach jaor waor verdeilde heer ziene tied tösse 't
voetballe en trommele . Heer woort lid vaan Hermenie "De Gele Rijders" . Heer doch iers beroepsvoetballer te weure meh kaom neet wijer daan 't twiede
vaan MVV, en koos daorum mer veur de meziek. Eind jaore '60 späölde Frans es drummer bij de Mestreechter Popgróp " Opus 23" , boe zie bij de plate
firma Bovema twie singele’s oetbrachte. ‘t Ierste singelke waor mèt op de A. kant, Master of my Fate, en op de B. kant Cucumber Sandwiches. Evels die twie
single’s flopde alle twie. Wel troje zie op bij den' ierste editie vaan Pink Pop in 1970, en maakde zie wijer optreijens in Belsj, Duitsland, en Ingeland. Later
späölde heer nog bij de Sharons, boe de gróp nog 'n top 40 hitsje had. In 't jaor 1981 Späölde en zóng heer bij de Vastelaovends gróp de Straotzèngers same
mèt Raymond Quadvlieg vaan Fietseframe en Harry Heltzel en,....mèt de Banane Boxer Harry Vroegop. De optreijes woorte gèt minder en d’r kaom ‘n haor
in de boter bij de Straotzèngers. In deen tied sjreef Frans mèt e paar vrun e singelke, mèt 't clubleed dr'op vaan en veur de volleybalclub Sutherland. Aon
den 'aandere kant, de B kant, hadde zie ‘n nommer gesjreve vaan Sjoggel, Sjoggel (Specie Trecie) dat woort gezónge door Monique Bakker. Dat leedsje
woort gries gedrejd op de radio en in kaffees en woort 'ne groete hit. Me had nog geine naom veur de gróp die zie hadde gevörremd, mèt 'nen ierste optreje
in Kanne. Nao 't optrejje verdrónge de Vastelaovends vereiniginge en aander fies organisaters um Frans en zien gróp veur 'n fies te kinne contractere.
De Nachraove
Polonaise 1995.
Opus 23.
1969
De Nachraove.Ierste LP.
De Nachraove
Beppie & Frans
2015.
1965.
The Sharons.