Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.Michiels van Kessenich
In 1959 weurt Nölke Slange es 90.000 ste inwoener vaan Mestreech gebore. In 1949 tot 1953 geit me euver tot 't sanere vaan 't Stokstraot-keteer en weure nui woeninge gebouwd in Witte Vrouweveld en de Ravelijn. In 1955 brand de midde-tore vaan de Sint Servaos aof en weurt neet mie opgebouwd. In dat zelfde jaor woort op de Greend 'ne Helihave geopend en zien 'd'r vluchte mèt 'ne helicopter nao Keule en Brussel. In 1967 woort de Heli-have weer geslote. In 1962 weurt e begin gemaak mèt de restauratie vaan 't Stokstraot keteer. En in 1963 weure op 't binneterein ( "Op de Thermen") aw Romeinse bad-hoezer gevoonde. Neet lang nao d'n twiede wereld-oorlog woort heer gepeild um Minnister vaan Binnelandse Zaken te weure, in 't kabinet vaan Willem Schermerhorn-Drees, meh aon 't begin vaan d'n oorlog waor heer betrokke gewees bij 't aongeve vaan 'nen aontal gijzeleers aon de Duitse bezètter. Dee besjöldiging heet häöm altied achtervolg, oondaanks zien zuver optrejje oonder d'n oorlog. Michiels van Kessenich waor de lètste Nederlander dee den ' ier heet gehad um Geheim Kamerhier mèt Kap en Degen van Zijne Heiligheid (de Paus) te kinne zien. Dat waor 'nen ierefunctie dee woort verliend aon 'ne katholieke leke vaan adellijke aofkoms. Michiels van Kessenich waor twie kier getrouwd.  Op 17 Juli 1971 her-trouwde heer in Laonaoke mèt Madeleine Marie Blanche Charlotte Ghislaine Comtesse du Chastel de la Howarderie. Zie waor gebore op 2 Juli 1905 in Brussel en is gestorreve op 9 December 1997. Oet 't ierste houwelek kraog heer hij twelf kinder,vijf zäöns en zeve dochters. Börgemeister Baron Miechiels van Kessenich woort in 1967 opgevolg door Börgemeister Fons Baeten.
Mr. Willem baron Michiels van Kessenich, heer van Kessenich en Hunsel (Langebrük)  gebore op 16 Oktober 1902 in Hunsel Saksen, Duitsland en is gestorreve in De Bilt op 9 Jannewarie 1992. Zien awwers waore Jhr. Mr. Willem Johan Hubert Michiels van Kessenich, gebore op 26 Juli 1871 in  Roermund, en is gestorreve op 11 Miert 1941 in Amsterdam. Heer waor getrouwd mèt Mathilde Louise Charlotte Menten, gebore op 2 Aprèl 1876 in Muntok, Banta, en is gestorreve op 8 Aprèl 1976 in Mestreech. Op 30 December 1929 trouwde Mr. Willem baron Michiels van Kessenich in Den Bosch mèt Joonkvrouw Emilie Louise Josephe Marie van Meeuwen. Zie is gebore op 11 Miert 1907 in Mestreech en is gestorreve op 5 Juni 1970. Oet de ech vaan Willem en Emilie woorte 12 kinder gebore; 1.Jhr. Eduard Maria Michiels van Kessenich, gebore op 26 Jannewarie (twieling) 1931 in 's-Hertogenbosch. Heer waor hoofd jur. zake vaan ‘t Centraol bureau Rijvaardigheids bewijze.Heer waor getrouwd mèt Caroline Josepha Maria Gevers gebore op 20 Juni 1944. 2.Jhr. Willem Maria, Baron Michiels van Kessenich, gebore op 26 Jannewarie 1931 (twieling) in 's-Hertogenbosch. Heer waor consul-generaol vaan München, en trouwde mèt Marie Louise Paula Schulte, gebore op 30 Jannewarie 1934. 3.Jkvr. Jeanne Marie Georgine Michiels van Kessenich, gebore in Vucht op 24 Aprèl 1932. Zie waor getrouwd mèt Jan Marie Gerard Gijssen, hoes-arts, gebore in Sittard op 22 Augustus 1928. 4.Jhr. Georges Louis Hubert Anna Marie Michiels van Kessenich, gebore op 5 November 1933 in Beek, en waor getrouwd mèt Mea Antoinetta Henriette van Lanschot, gebore in s’Hetrtogenbosch op 6 Juni 1937. 5.Jkvr. Anne Maria Catherine Lucie Michiels van Kessenich, gebore in Beek op 12 December 1934, en waor getrouwd mèt Mr.Cornelius Ignatius Antonius de Graaf, gebore in s’Gravenhage op 30 September 1933. 6.Jhr. Hubert Henri Julien Mathieu Marie Michiels van Kessenich, gebore op 17 Fibberwarie 1936 in Beek. Heer waor staffunctionaris gezoondheids zörg in s’Gravenhage. En trouwde mèt Stefanija Zuzek (harpiste), gebore in Ljbljana op 16 Juni 1940. 7.Jhr. Mr. Louis Marie Michiels van Kessenich, gebore op 12 Fibberwarie 1938 in Mestreech. Heer waor Börgemeister vaan oonder aandere Mheer en Sint Geertruid vaan 1974 tot 1981, en vaan Mergraote vaan 1982 tot 1985. Heer waor Secretaris-generaal bij ‘t Ministerie van Financiën en waor getrouwd mèt mr. Irene Michiels van Kessenich-Hoogendam. lid vaan de Eerste Kamer, gebore op 22 Jannewarie 1940 in Soebandjerigi (Zuid-Sumattra). 8.Jkvr. Mathilde Sosèphe Emilie Marie Michiels van Kessenich, gebore op 26 Miert 1940 in Mestreech, en waor getrouwd mèt Mr.Paulus Otto Numans, gebore op 22 Aprèl 1933 in Djokarta. Heer waor vaan beroop Journalis. 9.Jkvr.Emilie Hélène Alberte Gérarde Marie Michiels van Kessenich, gebore in Mestreech op 30 Juli 1941, en waor lierares. Zie trouwde mèt Guillaume Marie Joseph Widdershove, gebore in Hoensbroek op 17 Jannewarie 1926. Heer waor vaan beroop zenuw arts. 10.Jkvr.Octavie Jacqueline Julie Ignace Marguerite Marie Michiels van Kessenich, gebore op 19 Juni 1943, en waor getrouwd mèt Maria Paul Willibrord Christopher Emery William Martin Bruning, gebore in Budapest op 1 November 1942. 11.Jkvr.Beatrice Eleonore Jeanne Huberte Ignace Bernice Michiels van Kessenich, gebore op 4 Juni 1945 in Mestreech, en werkde bij de Nationale Nederlande NV. 12.Jkvr.Beatrice Elenore Jeanne Huberte Ignace Emilie Marie Michiels van Kessenich, gebore op 18 December in Mestreech, trouwde mèt Frits Johan Hilgers, gebore op 12 December 1947 in Nijmege, en waor dao Wethouwer. In 1947 oontfermde de femilie ziech euver twie Honggaarse meidskes, die aon ‘t ind vaan d’n oorlog hun awwers hadde verlore. Michiels van Kessenich waor Börgemeister van ' t Limburgse Beek vaan 1933 tot 1937. Heer waor ' ne Nederlandse politicus en de langs zittende Börgemeister vaan Mestreech en wel vaan 1937 tot 1967. In de oorlogs jaore vaan 1940 tot 1945 naom heer aofstand vaan zien Börgemeister-sjap en woort in Mestreech de N.S.B 'r  Mr. Louis Ph. J. Peeters, Börgemeister vaan 15 Oktober 1941, tot 1943. Nao d'n oorlog heet Michiels van Kessenich ziech bezunder ingezat veur de groete woening-noed in Mestreech en um de nao-oorlogse sjaoj in de stad te herstèlle. Heer leet väöl woeninge en woen-wieke bouwen in Mestreech. Michiels waor 'ne flamboyante maan en joonk, zjus 37 jaor, wie heer Börgemeister woort. 't Waor 'ne maan mèt niveau en vol mèt humor. Heer had 'ne caravan en góng altied mèt 't ganse gezin, vrouw en 14 kinder, in Holland op vakantie. Door zien oetstraoling waor 't alsof heer gere e gleeske wien had gedroonke, meh heer waor vaan de blaowe knäöp, en droonk euveral boe heer kaom droevesap. Same mèt zien directeur openbare wèrke, Jaques de Vente, heet heer väöl gedoon um de stad weer snel op te bouwe, nao de sjao vaan de twiede wereld oorlog. D 'r woorte planne gemaak tot 't bouwe vaan nui wieke wie Caberg, Potteberg en Malpertuis.  
Mr. Willem baron Michiels van Kessenich,
Roerbosch In 't jaor 1400 kaom 't gebeed, zoewie 't kestiel vaan Roerbosch in bezit vaan de Hiere vaan Kuyk.Versjèllende bewoeners en bezitters höbbe in de jaore daonao gewisseld meh in 1920 koch Baron Joonkhier Meester Willem Michiels van Kessenich 't kestiel . In 1988 woort 't kestiel weer verkoch aon Frau Dielemans die 't leet restaurere en 'n Hotel / Restaurant daoin is begós.
Prins Bernard land mèt zien vleegmesjien op de Sint Pietersberg en weurt door Michiels welkom geheite.
Keuningin Wilhelmina en Willem Michiels van Kessenich (1945).
Femilie foto. Aprèl 1937.
Mr. Willem baron Michiels van Kessenich.
1902-1992. Börgemeister Mestreech 1937-1941 1944-1967.
Femilie Waope Willem baron Michiels van Kessenich