Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.Philippus Houben
Oondersjeiinge  - Ridder in de orde van de Nederlandse Leeuw - Officier in de Kroonorde van België  - Het Erekruis Eerste Klasse van de Duitse Bondsrepubliek ( Das Verdienstkreuz 1 klasse      des Verdienst ordens der Bundesrepublik Deutschland )  - houder van de eremedaille der stad Maastricht in goud  - houder van de Erepenning der Provincie Limburg  - houder van de Dr. J.G.H. Tans - penning van de universiteit Maastricht  - naamgever van de Philip Houben Award jaarlijks uit te reiken door MSM Maastricht School of Management.
Mr. Philippus, Josephus, Ignatius, Maria, (Philip) Houben gebore op 29 Jannewarie 1941 in Den Haag, en is gestorreve op 23 Aprèl 2017 in Mestreech. Zien awwers waore François Joseph Marie Anne Hubert (Frans) Houben, gebore op 23 Mei 1898 in Den Haag, en is gestorreve op 25 September 1976. Heer trouwde op 3 Mei 1929 mèt Pauline Philippine Marie van der Ven, gebore op 22 Juni 1904 in Rotterdam, en is gestorreve op 7 December 1997 in Noorbeek. Oet de ech vaan Pauline en Frans woorte 3 zäöns en 5 dochters gebore. Zoon Frank Houben, gebore op 19 Fibberwarie 1939, waor van 1987 tot 2003 Commissaris van de Koningin in Noord-Braobant. ‘nen Aandere zoon, Mr. dr. Piet-Hein Houben, gebore in Rijswijk, op 11 september 1931, waor ‘ne Nederlands Ambassadeur en diechter. De derde zoon waor Phillip Houben, en kaom es menneke vaan zes jaor in Mestreech woene. Ziene Pa waor vaanaof 1947 tot 1963 Gouveneur ( Commessaris vaan de Keuningin) vaan de Provincie Limburg. Nao de liegere sjaol góng heer nao 't internaat De Breul in Zeist, boe heer 't gymnasium volgde. In 1960 studeerde heer aon de universiteit vaan Fribourg rechte wete sjappe, en vaanaof 1961 góng heer wijer rechte studere aon de universiteit vaan Nijmege, boe heer aofstudeerde en zien doctoraal Nederlands recht behaolde. Philip had väöl aonlegk veur tejater, en maakde toen tekste veur ‘t studente-cabberet. Nao zien studie leep heer stage bij de Europese Gemensjappe in Brussel en aonsletend leep heer stage bij 't Salzburg Seminar in American Studies ' te Salzburg. 'nen Aontal jaore heet heer gewerk in Den Haag es directeur vaan 't Algemeen Nederlands Verbond (A.N.V.), en later bij de Ministeries van Algemeine Zaken en Binnelandse Zake. Wie heer 31 jaor waor woort mr. Philip Houben Börgemeister vaan de Friese gemeinte Haskerland. Vaan Friesland verhuisde heer in 1979 nao Twente, boe heer door de Kroen woort benump es veurzitter vaan 't Gewes Twente. Heer waor veurzitter vaan 't Gewes Twente vaan 1979 tot 1985. Nao tot heer in de drei windstreke had gewerk kaom heer weer trök nao 't zuie, de streek boe heer opgreujde en in 't bezeunder Mestreech. Houben waor lid vaan de Katholieke Volkspartij (KVP) en ‘t Christen-Democratisch Appèl (CDA). Mr. Philip Houben waor vaan 1 Mei 1985 tot 1 Fibberwarie 2002 Börgemeister van de gemeinte Mestreech. Op 1 mei 1985 trooj heer aon es börgermeister en nao twie weken kaom op 14 Mei Paus Johannes Paulus II in Mestreech op bezeuk . 
Vaanaof 1985 waor heer veurzitter vaan de Vereiniging vaan Limburgse Gemeentes. En vaanaof 1990 wie de reorganisasie vaan de Nederlandse Pelitie waor, waor heer Korps beheerder vaan de Regio Politie Limburg-Zuid.De ambsperiood vaan Philip Houben woort gekinmerk mèt 'n vergaond structuur versterking en internationalisering vaan de stad Mestreech.Deenk mer 'ns aon den' Eurotop en 't verdraag vaan Mestreech, de greuj vaan de Universiteit, en 't nui Ziekenhoes 't A.Z.M.Ouch op 't gebeed vaan stei bouwkundige aonpak wie 't Céramique terrein, Tejater aon 't Vriethof en 't vernuie vaan wieke en of buurte. Houben heet 't landelek nuits mierdere kiere gehaold. Zoe waor heer twie kier gashier vaan de Eurotop. In 1992 o.a. mèt de koms vaan de Euro dee woort vasgelag in 't verdraag vaan Mestreech. Tien jaor later wis heer Den Haag te euvertuige veur de Historische Topcoferentie euver de opriechting vaan de EMU, mèt Kohl, Mitterand, en Lubbers in Mestreech te organisere. Ouch haolde heer 't nuits wie heer 't Junkepark op De Greend in Wiek zuver veegde . In zien bestuurs-optrejje boe heer väöl aondach heet gegeve aon de lui vaan Mestreech, heet Börgemeister Philip Houben al die jaore leiding gegeve aon 't proces vaan vernuiing vaan de stad Mestreech. Nao zien vertrek in 2002 es Börgemeister vaan Mestreech, kós heer ziech bezig houwe mèt zien groete hobby: ’t sjrieve vaan poëzie. Zoe maakde heer gediechte veur ‘n aontal mur in ‘t Kruushieren-hotel. Es apprècieatie veur zien belangeloeze inzat veur Unicef, sjreef Houben veur Paul van Vliet, ‘t book Koester de Klown. En same mèt componis Tonny Eijk, maakde heer e stök op ‘t zèlvere regerings-zjubilei vaan Keuningin Beatrix. ‘t Geveul veur tejater bewees heer ouch ummertouw mèt de Vastelaovend bij de sleutel euverdrag in ‘t Stadhoes. Bij de begraffenis umsjreef ziene zoon Roderick Houben ziene pa es ‘n arties, vaanwege zien väöle talente, vaan bestuurder tot diechter. Ouch vaanwege zien aondeil aon de regionaole blaosmeziek in Mestreech woort ‘nen aubade gebrach, boebij 70 muzikante  “ Mie Leef Mestreech “ späölde.
Mr. Philippus, Josephus, Ignatius, Maria, (Philip) Houben
Mr.Philip Houben mèt zien   opvolger Gerd Leers.  
Oet 't peersberiech vaan de gemeinte Mestreech dd. 8-5-2001: Aon 't begin vaan de raodsvergadering vaan mei 2001 heet börgemeister Philip Houben aongekondig tot heer op 1 Fibberwarie 2002 aofsjeid nump, es börgemeister vaan Mestreech. Nao bekaans zeventien jaor Börgemeister te zien gewees, maak heer gebruuk vaan 'ne Flexibele Pensioen Oettrejjing. Heer waor toen 33 jaor laank wèrkzaom in 't openbaar bestuur. Mr.Philip Houben trouwde mèt Margarita, Maria, Josepha, van Acker. Oet de ech vaan Philip en Margarita woorte drei kinder gebore; Margriet Houben, Roderick Houben en Carole Houben. In 2002 woort heer opgevolg door Börgemeister Gerd Leers.
Börgemeister  Philip Houben nump veur 't stadhoes aofsjeid vaan de Palestijnse president  Yasser Arafat.
Pauline Philippine Marie van der Ven en François Joseph Marie Anne Hubert (Frans) Houben.
1941-2017. Börgemeister Mestreech 1985-2002.