Börgm.Pascal Wijnandts

Jacques Pascal Wijnandts woort in Mestreech gebore op 28 Mei 1797 en is gestorreve in Mestreech op 16 Miert 1855. Heer waor ne zoon vaan Severinus Josephus Wijnandts gebore oongeveer in 1774, en is gestorreve in Mestreech op 15 november 1832, trouwde mèt Catharina Theresia Gijselinx, gebore oongeveer in 1764, en is gestorreve in Mestreech op 12 juli 1801, zie waor e dochter vaan Lambert Guillaume Gijselinx en Jeanne Catherine Willems. Oet de ech vaan Severinus Josephus Wijnandts en Catharina Theresia Gyselinx woorte drei kinder gebore; 1.Jaques Pascal Wijnandts gebore op 28 Mei 1797 en is gestorreve op 16 miert 1855. 2.Maria Cornelia Wijnandts gebore circa 1800, en is gestorreve in Mestreech op 11 augustus 1849, trouwde in Mestreech op 1 mei 1821 mèt Joannes Christianus Neven, gebore In Mestreech op 26 miert 1792, zoon vaan Joannes Henricus Neven en Maria Margaretha Simons. 3.Marie Catherine Therese Wijnandts (ook Maria Catharina Theresia) gebore in Mestreech op 8 mei 1801, en is gestorreve  in Mestreech op 7 augustus 1848. Zie trouwde in Mestreech op 27 juli 1824 mèt Lodewijk Jozef Polis, gebore in Mestreech op 21 mei 1801, en is gestorreve in Mestreech op 4 miert 1878, zoon vaan Olivier Joseph Polis en Maria Catharina Nettancourt. Jaques Pascal Wijnands dee vaan beroop groond-eigeneer waor, woort in 1851 lid vaan de Gemeinteraod vaan Mestreech en in 1853 tot 1855 lid vaan de Provinciale Staote vaan Limburg. Jaques Pascal Wijnands woort op 23 Oktober 1851 Börgemeister vaan Mestreech en bleef dat tot aon zien doed in (16 Miert) 1855. Jaques Pascal Wijnands waor ouch lange tied veurzitter vaan ‘t Geschied en Oudheidkundig Genootschap. Belangrieke gebäörtenisse in die jaore waore oonder aandere in 1852 de trök-kier vaan de Jezuïte en mèt ‘ne Collegium Maximum veur de opleiding vaan hun Preesters. In ’t zelfde jaor woort Joseph Hollman in de Spilstraot nommer 4 gebore. Heer woort later Hof-violon-cellist vaan Keuning Willem III en behuurde tot ein vaan de miest oondersjeide Mestreechtenere. In ’t jaor 1845 waor den’ opening vaan de spoorweeg Mestreech - Aoke en dat waor den’ ierste spoorweeg-verbinding vaan-oet Mestreech. Ouch woort in 1853 Nederland kèrkelek verdeild in ‘nen Aartsbisdom mèt veer Bisdomme en 't waor de trök-kier vaan de Franciscane aon de Toongersestraot / Paotersbaon.In 1855 bouwde me ‘nen ierste Spoorbrök euver de Maos veur den’ aonlègk vaan ’t spoor Mestreech–Hasselt. Vaanaof 1856 rijde d’n ierste trein (tram) vaan Mestreech nao Hassselt en vaanaof 1861 góng ne trein vaan Mestreech nao Luik.

Jaques Pascal Wijnandts trouwde in Mestreech op 7 Oktober 1823 mèt Maria Gertrudis Nijst, en zie kraoge same vijf kinder naomelek; 1.Maria Josephina Carolina Sibilla Wijnandts, gebore in Mestreech op 27 Juli 1824 en is gestorreve op 28 September 1886. Zie trouwde op 10 Oktober 1848 mèt Jan Hubert Joseph Schreinemacher, dee gebore waor op 23 Aprèl 1820, en is gestorreve op 2 Juni 1892. Heer waor ‘ne zoon vaan Jan Willem Schreinemacher en Maria Theresia Habets. Heer waor doktor in de Genees, Heel en Verloskunde; veurzitter vaan de Maatschappij veur Geneeskunde in de Provincie Limburg en vaan de Commissie vaan Geneeskunde in Mestreech. Lid vaan de Gemeinteraod vaan 1867 tot 1892. Ouch waor heer lid vaan de Twiede Kamer der State Generaal vaan 1888 tot 1892.Vaanaof 1848 waor heer Erme-Dokter (vaan erm lui die geine dokter kóste betaole) vaan de Parochie St.Mathias in Mestreech. Wie heer zestien jaor waor deeg heer al eindexame aon ’t Atheneum in Mestreech. Heer leed ziech in dat zelfde jaor insjrieve es medisch student aon de Universiteit vaan Luik. In 1838 deeg heer zien kandidaatsexamen in de Natuurlijke Wetensjappe in Brussel en in 1840 eindexame in de Medicijne. Heer wèrkde toen al es assistent in de Klinieke vaan Bonn, Brussel en Paries. In 1842 woort heer Doktor in de Chirugie aon de Universiteit vaan Leide. Heer is gestorreve op 2 Juni 1892. 2.Petrus Eugenius Wijnandts gebore in Mestreech op  13 augustus 1827. 3.Maria Josephina Wijnandts gebore in Mestreech op 18 november 1828, en is gestorreve in Mestreech op 28 november 1831. 4.Maria Emelia Catharina Wijnandts gebore in Mestreech op 14 juni 1830, en is gestorreve in Mestreech op  12 mei 1835. 5. Ludovicus Josephus Wijnandts.Heer kaom es vijfde keend op de wereld vaan de femilie Wijnandts. Ludovicus Josephus Wijnandts woort gebore op 29 Aprèl 1836 en is gestorreve op 16 Mei 1876. Heer waor neet getrouwd. Börgemeister Jaques Pascal Wijnandts is gestorreve op 16 Miert 1855, en woort opgevolg door Börgemeister Hieronymus van Aken.(1855-1860).

Trein/tram Mestreech-Aoke vaanaof 1845

Aw spoorbrögk Mestreech-Hasselt.

1797-1855. Börgemeister Mestreech 1851-1855.

Femilie waope Pascal Wijnandts.