Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 
Roal Mosa
In 't jaor 1883 heet Hubert Gérard Louis Regout, de vijfde zoon oet de ech vaan Petrus Regout en Maria Regout-Hoeberechts same mèt ziene zoon Louis Hubert Willem Regout, aon de Meersenerweeg toen nog de gemeinte Meerse, e porselein febrik opgeriech oonder de naom vaan  " Firma Louis Regout en Zoon ".  De pa vaan Louis waor de bekinde Petrus Regout, d'n ierste groet-industriëel vaan Nederland, opriechter en groond lègker vaan o.a. de Sphinx febrik. Hubert Gérard Louis Regout 1832-1905, trouwde in jaor 1855 mèt Theresia, Hubertina, Berger gebore op 5 Juni 1829 en is gestorreve op 13 Oktober 1899. Same kraoge zie èlf kinder. In 't jaor 1888 begós heer, neve 't producere vaan porselein ouch de productie vaan moer-tegels. Ziene neef Alfred Hubert Regout begós toen aon de Franciscus Romanusweeg 'n vloertegel febrik oonder de naom vaan REMA. In 't jaor 1888 heet ziene zoon Louis Hubert Willem de leiding vaan de moertegel febrik in han umtot ziene pa Hubert Gérard Louis 't te drök heet es directielid vaan de CV Petrus Regout en Co, febrik vaan eerdewerk,kristal en glaas.  Oet historische bronne vaan de Gemeinte Meersse,(umtot toen nog de Meersenerweeg, gemeinte Meerse waor), had 't febrik in 1890 'ne stoommachien gekoch vaan 70 peerdekrach en mèt twie stoomketels. In 't jaorverslaag vaan de Mosa in 1891 sjreef me tot de Mosa 12 manne, 12 jongens, en 95 meidskes dat jaor in deens had. 't Jaor daonao had me 150 manne in deens en in 't jaor 1905 had de Mosa 480 manne en vrouwe in deens. In de porseleinfebrik maakde me in 1900 't bekinde " Blauw Chinees" dat me ummertouw weer verbeterde en dat jaorelaank good verkoch woort. Meh 'nen aontal jaore daonao woorte ouch aander motive bekind zoewie 't Hollands Zie, Strand en ‘t Boere dessin. Wie d'n ierste wereldoorlog oetbraok puilde de maggezijne oet vaan 't tegelfebrik en me dach tot d'n oorlog snel veurbij zouw zien. Me wouw aofwachte en eve neet mie producere. Meh Louis Regout II dach dao evels aanders euver en gaof d’n opdrach um gewoen door te producere mèt moer tegele en servies. Louis Regout II veurspelde tot d'n oorlog nog lang zouw dore, en heer had dao achteraof gezeen geliek in. Wie in 1917 d'n aonveur vaan groondstoffe vaanoet Ingeland stèl kaom te ligke, en 't vervoor euver zie, neet mie meugelek waor es gevolg vaan d'n duukbote oorlog, had de Mosa de maggezijne vol ligke en de verkoup leep gewoen door boe aandere nein móste verkoupe. D'n periood tösse de twie wereld orloge waor en gaof veur de Mosa oonbeperkde meugelikhede, umtot de vraog nao tegele, sevies en elctronische geujere vaan porselein toen groet waor. 't Blauw Chinees servies stopde roontelum 1925 umtot de vraog nao 't deftiger Ingelse thee servieze groeter woort. 
In 1925 woort 't glaasfebrik vaan de Sphinx en de Mosa samegevoog en góng in 't glaasfebrik wijer oonder de naom vaan NV.Kristaluni, op 't terrein vaan 't Stella glaasfebrik. In de begin jaore dertig geit me ziech ummer miejer touwlègke op de binnelandse merret en neet zoonder suksès. Me maakde en verkoch zellevers mèt suksès barokke serviezer .Wie op 't eind   vaan de twiede wereld oorlog 't febrik zwoer woort getroffe door 'ne bombardemint doorde 't tot nao 1945 tot me 't febrik weer had opgebouwd. Gebrek aon groond en brand stoffe verlamde de productie. Meh zoe tege 't jaor 1949 had me weer 't productiepeil vaan 1939 bereik en had de Mosa väöl werk, umtot in Mestreech woening noed waor en väöl góng bouwe. Bouwvereinginge wie St’ Servatius en Beter Wonen bouwde gaanse nui wieke en de vraog nao Mosa wand en vloer tegels waor bezunder groet. 't Góng zoe good tot me in de wiek Lummel 'e nui vloertegele febrik opende en dao riechde me ziech veurnaomelek op kwaliteit en vörm. In 't jaor 1958 wie 't febrik 75 jaor bestóng had me bij de Mosa e stapelbaar servies óntworpe speciaal veur hotels en horeca.
‘t Suksès had me veural te daanke aon de vörmgevers en oontwerpers vaan de serviezer. In 1983 vierde de Mosa 't 100 jaorig bestoonsfies en woort 't predikaat Keuninklik verliend door Keuningin Beatrix en  euvergedrage door de Gouverneur vaan Limburg. Venaof deen daag is de naom veranderd in “Royal Mosa Maastricht”. In 1991 woort de Royal Mosa euvergenome door de holding Franca Alfa mèt de hoofzetel in Paries. Zes jaor later kaom de Mosa weer in Nederlandse han, umtot 't huidige consortium besteit oet drei Nederlandse investerings-maotsjappije naomelek : Holland Veture BV, TVI Investmens BV, en Wagram Equity Partners BV. Umtot nog altied groete vraog is nao de producte vaan Mosa tegels en porselein, geit 't good mèt de Mosa en zuut de Directie en 't personeel de touwkoms mèt vertrouwe tegemoot.
Kahla Theeservice 1913.
Mosa Febrik 1899.
Louis Hubert Willem Regout. 
Femilie Graaf Louis Regout. Begraofplaots Tóngerseweeg.
Wilhelmina Johanna Everard.
Louis Hubert Willem  Regout
Hubert Gérard Louis Regout.
Louis Hubert Willem Regout woort gebore in Mestreech op 27 Oktober 1861, en is gestorreve in Rome op 27 Oktober 1915. Heer waor getrouwd mèt Wilhelmina Johanna Everard. Gebore op 20 Oktober 1868 en is gestorreve op 25 December 1956. Zie trouwde op 17 Mei 1888 in Amsterdam en oet de ech woorte 9 kinder gebore. 1.Theodora, Theresia, Maria Regout, gebore op 29 Miert 1889 in Mestreech en is gestorreve op 8 Augustus 1989 in Arnhem. Zie trouwde op  1 Juni 1909 in Meerse, mèt Clemens Zeno Gysbert Adriaan Josef, Baron van Dorth tot Medle. Gebore op  23 Oktober 1875 in Apeldoorn, en is gestorreve op  26 Jannewarie 1947 in Vorden. 2.Ludovicus, Franciscus, Hubertus (Louis III), Regout, woort gebore op 3 Aprèl 1891, en is gestorreve op 20 Augustus 1966 in Mestreech. Heer waor getrouwd mèt, Marie, Louise, Paula, Hubertina, Josepha Michiels van Kessenich, gebore op 19 Miert 1900 in Meerse, en is gestorreve op 7 December 1997 in Beek. 3.Wilhelmina, Emilia, Maria, Regout, gebore op 11 Oktober 1892, en is gestorreve op 13 Fibberwarie 1986 in Mestreech. Zie waor getrouwd mèt Jacobus, Henricus, Cornelus, Marie van der Cun, gebore op 20 Juni 1882 in Rijswijk, en is gestorreve op 22 Juli 1962 in Warnsveld. 4.Johanna Sophia Maria Regout gebore in Mestreech op 29 Aprèl 1894, en is gestorreve op 16 December 1981 in Pully, Lavaux-Oron District, Vaud, Switzerland. Zie waor getrouwd mèt Louis Marie de Neree tot Babberich, gebore op 11 Jannewarie 1889 in Arnhem, en is gestorreve op 9 Juni 1970 in Pully, Lavaux-Oron District, Vaud, Switzerland. 5.Robert, Hubert, Willem, Regout, gebore op 18 januari 1896 in Mestreech, en is gestorreve op 28 December 1942 in Dachau. Heer waor zjezwiet, rechtsgelierde en verzèts-strijer tijdens de Twiede Wereldoorlog. 6.Elisabeth, Johanna, Maria, Regout, gebore 20 Augustus 1898 in Mestreech, en is gestorrevein 1952. Zie waor non in de Orde van de Kanunnikessen vaan de H. Augustinus in Vught. 7.Theodorus, Josephus, Hubertus, Regout, gebore op 19 Miert 1901, en is gestorreve op 3 November 1988 in Lausanne-Vaud in Zwitserland. Heer waor getrouwd mèt Louise, Rudolphine, Maria, Huberta, van Scheiber, gebore op 3 November 1911 in Lorch am Rhein Duitsland, en is gestorreve op 16 Miert 1983 in s’Gravenhage. 8.Eugenie, Catherine, Marie, Regout, gebore in Mestreech op 9 Juli 1903, en is gestorreve op 16 Juni 2000 in Den Haag. Zie waor getrouwd mèt Anton, Leo, de Block, gerbore op 19 Juni 1901 in Amersfoort, en is gestorreve op 15 Jannewarie 1986 in Den Haag. 9.Anton, Louis, Hubert, Regout, gebore op 26 Augustus 1905 in Mestreech, en is gestorreve op 30 Augustus 1928 in s’Gravenhage. Louis Regout deeg in 1878 examen bij ‘t “Stedelijk Gymnasium” in Mestreech. Daonao góng heer nao de Universiteit vaan Leuven, boe heer in 1883 ‘t diploma vaan Civiel- Ingenieur behaolde.  Heer góng toen wèrke bij de door zien Bompa opgeriechde Ceramische Sphinx febrik in Mestreech. Mèt ziene pa stiechde heer in 1883 ‘t Porceleinfebrik de Mosa, boe heer d’n ierste directeur woort. Allewel Louis Regout zien leve laank industrieel bleef, góng heer in de polletiek. Nao ziene tied góng heer s’aovends rechte studere, en op 29 Juni 1896 promoveerde heer aon de Universiteit vaan Amsterdam, es Doctor in de Rechtswetenschap, op ‘t proofsjrif vaan de “Feitelijke Situatie van de Jaren 90”. Oondertösse waor Louis Regout gekoze tot lid vaan de “Provinciale Staten” vaan Limburg, en vaanaof 1898 maakde heer deil oet vaan  ‘t College vaan Gedeputeerde Staote vaan Limburg. Heer maakde ziech sterk veur gooi tramverbindinge in Limburg, en behuurde ouch tot de Limburgers die de veurige iew pleite veur ‘t bevaarbaar make vaan de Maos. In 1913 woort Louis III Regout, de zoon vaan Louis II, de nuije directeur.
Servies Cylindriek 1907.
Servies Wilma. E. Bellefroid, ca 1958.
Servies mèt Lange Lijs- decor (ca 1917)
Herdinkings Teleure (1928, 1937, 1919)
Femilie Waope Regout.
1861-1915.