Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 
Brouwerij   Eugène Marres
Eugene Marres II 1875-1930.
Eugène Marres waor de ajdste zoon vaan Michaël Marres (1797-1865) dee de Brouwerij-Marres, vaan zien pa Michaël in 1873 euver naom, naotot al zien breurs en zusters 't awwerlek hoes hadde verlaote. Eugène Marres gebore op 22 November 1847 in Mestreech, en is gestorreve op 13 Mei 1922. Heer trouwde mèt Maria Barbara Hubertina Rosa (Rosalie) Roebroeck, gebore op 20 September 1850 in Berg en Terblijt, en is gestorreve op 29 Juni 1910 in Mestreech. Oet de ech vaan Eugène en Rosalie woorte 12 kinder gebore; 1.Maria, Hubertina, Elisa, Josefina Marres, gebore op 22 Mei 1874, en is gestorreve op 11 Augustus 1874. 2.Jan Hubertus, Eugenius, Marres, gebore op 5 Juli 1875, en is gestorreve op 14 Juni 1930. Heer waor getrouwd mèt Constantia, Helena, Houtappel. Gebore op 1 November 1880 in Aoke, en is gestorreve op 25 September 1957 in Mestreech. 3.Maria, Catharina, Hubertina, Lëonie Marres, gebore op 28 Fibberwarie 1877, en is gestorreve op 12 Aprèl 1880. 4.Marie Hubertine, Theodorine, Berhta, Marres, gebore op 15 November 1878, en is gestorreve op 13 December 1938. Zie waor getrouwd mèt de bekinde Katonrechter en sjrijver Mr. Edmundus, Jacobus, Hubertus Jaspar, gebore op 17 Oktober 1872, en is gestorreve op 7 Augustus 1946. Heer sjreef oonder aandere 't book “ Kint geer eur eige stad”. 5.Anna, Maria, Hubertina, Julie Marres g3ebore op 15 Miert 1880, en is gestorreve op 17 Jannewarie 1943 in Venlo. Zie waor getrouwd mèt Auguste, Charles, Marie, Hubert, Canoij, gebore op 28 Juli 1877 in Tegele, en is gestorreve op 2 November 1941 in Venlo. Heer had 'n stein-febrik in Venlo. 6.Marie, Sophie, Henriëtte, Eise Marres, gebore op 22 September 1881, en is gestorreve op 20 Oktober 1952. Zie waor getrouwd mèt Carolus, Maria, Josephus, Ignatius, Hubertus Hollman, gebore op 31 Augustus 1877, en is gestorreve op 19 November 1953. Heer waor Wienhandeleer en 'n bekinde Kunssjèlder. 7.Marie Joséphine Clémentine Marres, gebore op 11 Jannewarie 1883, en is gestorreve op 6 September 1936. Zie waor getrouwd mèt Eduard Christiaan Alphonse (Fonds) van den Boorn, gebore op 21 Juni in Groonsveld, en is gestorreve op 3 Mei 1939 in Mestreech. Heer waor lieraar Frans. 8.Arthur August Joseph Henri Marres, gebore op 18 Aprèl 1884, en is gestorreve op 3 Mei in Jutphaas, en waor getrouwd mèt Gezina, Johanna, Maria, (Molly) Grasé, gebore op 20 Juni 1892 in Amersfoort, en is gestorreve op 30 September 1974 in Amsterdam. Arthur waor keel, neus en oer arts. Arthur waor tot aon zien doed roeicoach. Heer storf in 1959 op 75 jarige leeftied, aongerije door 'ne motor en waor op slaag doed. 't Gebäörde nao aoflaop vaan de Varsity boe zien club ASR Nereus, de roeivereiniging vaan de Amsterdamse studente, den’ euverwinning hadde behaold. Heer zouw hun toen es iereveurzitter 'ne beker goon uitreike. 9.Joseph Hubert Charles Marres, is gebore op 15 Mei 1886, en is gestorreve op 7 Aprèl 1887. 10.Maria Hubertina Rosalia Marres, is gebore op 3 Augustus 1888, en is gestorreve op 22 Jannewarie 1964. Zie waor getrouwd mèt Jan Jacob van de Velde, gebore op 29 November 18856 in Menado, Celebes, en is gestorreve op 1 November 1981 in Rotterdam. Jan Jacob waor hoesarts in Rotterdam. 11.Hubert Joseph Gerard Alfred Marres, gebore op 14 November 1886, en is gestorreve op 7 Aprèl 1887. 12.Charles Eugène Joseph Marres, gebore op 15 Juni 1891, en is gestorreve op 17 November 1963. Heer waor getrouwd mèt Theodora Carolina Ruijg, gebore op 27 December 1894 in Amsterdam, en is gestorreve op 23 Aprèl 1966 in Laren. De jongste zoon Charles Marres vesteg ziech es makeleer in effecten in Amsterdam, en geit in Laren woene. Heer krijg twie zäöns die in Laren 1 späöle dat in hun tied landskampioen woort. Beids späöle ouch in 't Nederlands hockey elftal.
Eugène Marres en zien verloofde Rosalie Roebroek kaope in 1865, zjus wie vreuger ziene pa en ma dege, eder de helf vaan de Brouwerij-Marres, en weure zoe same eigeneer vaan de Brouwerij. 't Adres vaan de Brouwerij is daan nog altied Plaankstraot nommer 2916-2917, allewel de Sint Nicolaaskerk al in 1830 waor aofgebroke. Eugène brouwt mierder soorte beer, boevaan e nuij beer dat oonder aandere twie jaor in groete houte vaat naogiste, 't toen zier bekind gewore Marres Oud bier. Dat naogiste hèdde 'lagere'. Op 't einde daovaan woort 't mèt veers beer versnooje en kraog 't zien frisse rinse wienechtige smaak. Eugène bouwt in 1886 in de Havenstraot 'n woenblok vaan veer verdepinge en in 'n nuije rooilijn 'ne hoege achtergievel tot aon de Plaankstraot. 't Jaor daonao verbouwt heer de brouwerij dee oetgerös woort mèt 'n Ingelse stoom-machien. Heer bouwt dao ouch nui beerkelders oonder de hoezer en tuine, vaan de Havenstraot en aan beids kante vaan de Plankstraat. De hoesnommers 7 en 9, en aon d'n euverkant 10 en 12  weure samegevoog tot groetere woeninge, en de kelders oonderein, zjus wie de brouwerij-kelders verboonde woorte, veur de greujende behoofte aon beeropslaag en de lagering vaan Aajd beer, dat twie jaor moos riepe. In ein vaan die hoezer waor vreuger vaanaof 1674, de “Brouwerij De Plank”. Dao woort toen 'ne kaffee vaan gemaak, en is noe restaurant 't Plènkske. De Gelagkamer kaom aon de aandere kant vaan de poort, en noe is dao 't restaurant “t Kläöske gevesteg. In 1894 verbouwd heer 't woenhoes, en dao weure bij 't oetgraove interessante archeologische voondste gedoon, vaan oet de Romijnse tied.Eugène verköp zien beer neet allein in Mestreech, meh adverteerde ouch in Hollandse gezette, en zellevers in Nederlands Indië.
Woening Femilie Marres.
Preuf lokaal.
                                                                                  Eugène II Marres (1875-1930). Nao d'n euverdrach vaan de Brouwerij aon zien ajdste zoon Eugène II (1875-1930), goon Eugène Marres en Rosalie Roebroek woene in de Groete Lurestraot. Wie Rosalie in 1910 storf, woort Eugène Marres verzörg door zien hoeshelderste Mej.M.J. Simons. Eugène II trouwt mèt Constance Houtappel, achter-kleindochter vaan Lambert Houtappel dee anderhalve ieuw ieder in 't hoes neve de brouwerij de distilleerderij vaan “De Rode Hoed” had. In 1905 kraog heer de leiding euver de Brouwerij, en köp zien breurs en zuster in 1922 oet. Neve 't brouwe waor heer ouch op maotsjappelek gebeed bezig. Heer woort lid vaan de stiechting “Pro Infantibus”, nen’ opvaank veur hölp behovende moojers en kinder. Ouch waor Eugène veurzitter vaan de Brouwersboond, boe ouch ziene zoon Eugène III (1905-1993) secretaris waor. Weijer waor heer bestuurslid vaan “de Maasvereniging”, opgeriech um de maashandel te stimulere. Oet de ech vaan Jan, Hubertus, Eugenius,(Eugène II) Marres, gebore op 5 Juli 1875, en is gestorreve op 14 Juni 1930 en Constantia, Helena, Houtappel. gebore op 1 November 1880 in Aoke, en is gestorreve op 25 September 1957 in Mestreech, woorte 7 kinder gebore; 1.Marie Constant Eugène William (Willy) Marres, gerbore op 4 Augustus 1904, en is gestorreve op 9 Aprèl 1981. Heer waor Ingeneur Ambteneer Monumintezörg. Eugène waor getrouwd mèt Ottilie Mathilde Essre, gebore op 27 Augustus en is gestorreve op 3 Miert 1993. 2. Eugène III, gebore in 1905 en is gestorreve in 1993. Heer is de twiede zoon in 't gezin vaan Marres Eugène II, en nump later de brouwerij euver. 3. Alfred Charles Emile Edgard Marres, gebore op 16 Aprèl 1908, en is gestorreve op 28 Oktober 1964. Heer waor directeur vaan pepierfebrik Wesley en Cie. 4.Marie Josée Christine Alphonsine Marres, gebore op 22 Jannewarie 1913, en is gestorreve op 28 November 1989. Zie trouwde mèt Hendricus Bartholomeus van Tiel, gebore op 1 September 1907 in Soerabaya, en is gestorreve op 7 Mei 1966 in Drunen. Heer waor thee-planter in Bandoeng en later commercieel leier vaan Lips N.V. Metaalbedrijf. 5.Robert Edouard Jules Alphonse Marres, gebore op 25 Oktober 1914, en is gestorreve op 20 September 1982 in Tiel. Heer waor productieleier bij de N.V. Koninklijke Metaalfabriek. 6. Charles Rudolph Marres, gebore op 10 Aprèl 1916, en is gestorreve op 16 Juni 1987 in Groninge. Heer waor verkoupleier vaan fa.Wilmerick en Muller B.V. 7.Nora Wilhelmina Amélie Marres, gebore en gestorreve in 1919. De ajdste zoon Willy wèlt neet es opvolger vaan de Brouwerij in aonmerking kaome, en geit kuns-gesjiedenis studere aon de Aokense Hoegesjaol.
                                         Eugène III Marres (1905-1933). De twiede zoon in 't gezin vaan Marres, Eugène II,  dee weurt daan d'n opvolger vaan ziene pa. Heer geit stage laope in 'ne brouwerij in Zuid-Duitsland. Eugène moot dees stage in 1930 aofbreke um ziene pa in dat zelfde jaor al op te volge es directeur vaan de Brouwerij. Eugène waor toen nog koelek 22 jaor. Neve de Brouwerij had heer ouch de leiding euver 'n mouterij, 'n distilleerderij en 21 kaffees in eige höb in Mestreech, Amby, St.Pieter, Meerse, en Sustere. Eugène III waor in 1920 ouch al opgetroje es secretaris veur ziene pa tijdens de jaorvergadering vaan de Nederlandse Brouwersbond. In 1938 köp heer de femilie oet, en vaan aof dat momint waor 't gehiel zien eigendom. Heer geit de febrikke modernisere en köp oonder aandere in Ingeland nui brouw-ketele. De Brouwerij oetbreie kin heer evels neet good, umtot de ruimte in de stad te klein is. 't Aontal kaffees greujt vaan 21 nao 36. In d'n oorlog vaan 1940-1945 woort 't brouwe aon väöl beperkinge oonderworpe, meh 't lök häöm um nao d'n oorlogstied weer door te goon mèt brouwe. Evels groete investeringe um te modernisere is neet mie debij, en geit heer e contrac aon mèt de Brands Beer Brouwerij. Nao de meujeleke  jaore in d'n oorlog en de oonzekere jaore nao de bevrijding, höbbe de Brouwerije 't meujelek, en vechte veur d'n umzat. Veur de kleinere Brouwerije weure de noedzakelike investeringe te groet en ouch Eugène beslut um mèt de iewe aw-femilie brouwerij  traditie te stoppe. De brouwerij is gestop op 1 Augustus 1946, en de brouwersrechte en verkoupfaciliteite weure aon de Brouwerrij vaan Brand-Beer in Wylre euvergedoon. 't Woenhoes op 't Sle Vrouweplein weurt aon de gemeinte Mestreech verkoch en op febrikscomplex weure nui woeninge en apparteminte gebouwd.
Personeel Eugene Marres 1918.
Limburger Koerier 1935.
Limburger Koerier 1934.
7-12-1935.
Eugène III Marres 1905-1993.
Brouwerij Marres.
1847-1922.
Femilie Waope Marres.