Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Benny Neyman
Heer waor noe d' r vaan euvertuig tot heer Chansonnier zouw weure en had toen al väöl bewondering in de Franse Chanson's en zèngers wie Edith Piaf en Yves Montand. In 1974 waor 't de plaotefirma Dureco dee 'ne langspeulplaat mèt häöm wouw make mèt es titel " Ik wilde Orpheus zinge". Dees L.P. waor 'nen aonleiing um häöm oet te nudige in 1975 um mèt de doen mèt de Nederlandse ploog veur 't Songfestival vaan  Oostende. Heer wónt toen den ' ierste pries es bèste solist. 'nen Aander hoegtepunt waor wie heer Conny Vandenbos tegekoum, en zie Benny oetnudigde veur e optrejje in häör program. Dao-oet is 'ne groete vrundsjap ónstande en neumde heer Conny later zien "Vakmutti ". Boe Benny Neyman ouch väöl aon te daanke heet gehad waor zien plate-producer Bart van der Laar. Heer haolde Benny nao de Plate-maotsjappij  CNR en veurspèlde häöm 'ne groete touwkoms en gaof häöm eiges väöl vertrouwe. In 1978 brach heer de L.P. oet vaan Same Rijk mèt es singles Lotje en 15 Jaar en dat kraog väöl aondag op Radio en Tillevisie. Benny had 'ne veurkäör  vaan Franse Chansons, Griekse nommers of Amerikaanse Country-ballades. Zoe woort zien album Gouden Regen mèt 't nommer Ode aon Mestreech 'nen echte Benny Neyman evergreen. 't Album woort bekroend mèt de productie-pries vaan de Tros. Ouch mèt 't nommer vaan "Je hoeft me niet te zeggen hoe ik leven moet " zat Benny de zaol op ziene kop. 't Nommer daonao waor "Vrijgezel " en sloog in wie 'ne bom. In  Belsj  Vlaanderen, woort 't leedsje oetgerope tot 'ne twiede Volksleed.                                                                                                                                                                                                           
1975 Ik Wilde Van Orhpeus Zingen (LP) 1976 In Mijn Fantasie (LP) 1978 Samen Zijn We Rijk (LP) 1979 Gouden Regen (LP) 1980 Ik Weet Niet Hoe (Single) 1980 De Beste Van Benny Neyman (LP) 1981 Vlinders Van De Nacht (LP) 1982 Leven Van Liefde (LP) 1983 Skizzen (LP) 1984 Het Zwarte Goud (LP) 1985 Het Beste Van Benny Neyman II (LP) 1986 Voor Als Je Ooit Weer Bij Me Weggaat (LP) 1990 Grenzeloos (CD) 1990 Jeugdsentiment (CD) 1992 Later Is Te Laat (CD)
1993 Dichter Bij Jou (CD)  1994 Und Ewig Rugt Die Liebe (CD) 1995 Neyman Live : Hoogtepunten Uit 10 Jaar Concerten (CD) 1995 Scherven Van Je Leven (CD) 1996 Bloemen Op Ijs (CD) 1997 Dann Ruf Ich Wieder Deinen Namen (CD) 1997 Je Dromen Achterna (CD) 1999 Puur Neyman (CD) 2001 American Duets (CD) 2002 Neyman Live (DVD) 2002 Het Mooiste Van Benny Neyman (3CD) 2003 Bitter & Zoet (CD) 2004 Trök Nao Blouwdörrep (CD) 2006 Onverwacht (CD)
Discografie Benny Neyman
Wilhelmus Albertus Neyman woort gebore op 9 Juni 1951 es zoon vaan 'ne mijnwèrker in Mestreech (Blauw Dörp). Wie heer zes jaor waor kraog heer vaan Sinterklaos ‘n gitaar, boe heer bekinde leedsjes op perbeerde te speule. Es zien vrundsjes gónge voetballe pakde heer zien gitaar en zóng en späölde leedsjes vaan Adamo, umtot dat zien idool waor in deen tied. Wie heer zestien jaor waor riechde heer e meziek-bandsje op " The Crew " en zie zónge nommers vaan “De Outsiders” umtot  Benney good de leadzènger Wally Tax kós naodoen. Naotot heer zien Mulo diploma had gehaold, waor Benny euvertuig tot heer artiest zouw weure, ouch umtot Benny mie es normale belangstèlling had veur de meziek. Meh e kinnes vaan häöm adviseerde häöm um toch nao de MTS te goon um dao e vak te liere. Neet langer es nege maond heet heer 't dao vol gehawwe op de aofdeiling Bouwkunde - houtbewèrking. Meh 't waor niks veur häöm en heer góng daan ouch vaan sjaol aof. Zien Godsdeens- lieraar paoter-Jezuïet Wim Buys erkinde zien artestieke talente en vertèlde häöm um nao de Kleinkuns-Academie in Amsterdam te goon. Benny wis nog neet ins 't bestoon vaan zoene Kleinkuns-Academie in Amsterdam, boe heer kós actere, zinge en musicere. Heer druimde  es keend al um  nao Amsterdam  te kinne goon. Paoter Buys reisde aof nao Amsterdam um dao te informere wie heer deen opleiding kós goon volge. Nao e week pakde Benny de tellefoon op en kraog te hure tot heer touw-laotings exame kós kaome doen. Nao 't zinge vaan e paar leedsjes en gèt actere tege euver 'ne vakzjuri wie Albert Mol en Ank vaan de Moer,  woort heer touwgelaote tot de Klein-Kuns  Academie. ' Ne druim waor oetgekoume veur Benny Neyman. Woene op kamers en op de Klein-Kuns Academie in Amsterdam ! In 't begin waor 't wene veur Benny en heer naom spraok-lèsse um zien Limburgs accent kwiet te rake. Nao veer jaor studie deeg heer eind-exame en wel in de Bonbonnïere in Mestreech.
‘t Album  " 't  Zwarte Goud " waor n’ode aon 't Limburgse land dat heer, wie heer zeventien jaor waor, verleet um in Amsterdam weier te studere. Vaan dat album woort de single " Waarom fluister ik je naam nog " dat in 't begin neet väöl suksès had. Meh e paar weke later, begós de single beter te verkoupe en stóng eve later op den ' ierste plaots vaan  de Hitparade en ....bleef dao elf weke op nommer ein stoon !!  Pas nao 10 Maonde verdween 't nommer oet de Hitparade en woort ‘t later oetgerope tot 't bèste nommer vaan de jaore "80. 't Nommer waor vaan de Griekse componist Nikos Ignatiadis en 't woort 'ne gouwe plaat umtot mie es 75.000 plate daovaan verkoch woorte. In 1985 góng 'ne groete wins vaan Benny in vervölling umtot heer 'nen ierste tejater tour maakde door Nederland en Belsj. Mèt de tejater-tour vaan " Same zijn we Rijk " is heer de groond-lègker gewore vaan dees tejater tours  vaan en veur  alle  zèngers. In 't jaor 1987 maakde heer 'ne Keers CD " Genesis " mèt mètwerking vaan de Mastreechter Staar en Bonnie St.Claire en zien neefke Jeroen van Barneveld. Heer  woort in dat zèlfde jaor gekoze door mie es ein miljoen lezers vaan 't Veronica blaad tot de populairste zènger vaan Nederland. De 23e Tejater-tour " Silhouet " woort in 2008 aofgelas umtot Benny kraank woort. Op 7 Fibberwarie 2008 is Benny Neyman in Soesterberg gestorreve. Heer waor veur us 'ne groete Chansonnier mèt ' nen eigenste steil, dee us  väöl sjoen dinger heet naogelaote.
Samen zijn we rijk 1978.
Vlinders van de Nacht 1981.
Het Zwarte Goud 1984.
Gouden Regen 1979.
Het Beste van Benny Neyman 1985.
Het mooiste van Benny Neyman.
1951-2008.
Optrejje Vriethof bij André Rieu. 2005.