Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
    George Frederick van Waldeck Eisenberg
George Frederik van Waldeck-Eisenberg, gebore op 31 Jannewarie 1620 in Bad Arolsen, en is gestorreve op 19 November 1692, in zien kastiel Arolsen, in 't graofsjap Waldeck. Schloss Arolsen, ouch Residenzschloss Arolsen genump, is e 18e-iews kestiel in barokstijl, gelege in Bad Arolsen in de Duitse deelstaat Hessen. Heer waor 'n Duits Edelman en 'n veuraonstaond Milletaer in deens vaan “De Staten-Generaal van de Nederlanden”. Heer woort gebore es derde zoon vaan, Wolrad IV van Waldeck-Eisenberg gebore op 7 Juli 1588, en is gestorreve op 6 Oktober 1640, en Anna van Baden-Durlach gebore op 13 Juni 1587, en is gestorreve op 11 Miert 1649. Ziene pa Wolrad IV, stamde oet 'n Lutherse geslach, vaan de Grave van Waldeck. George Frederik van Waldeck-Eisenberg trouwde op 29 November 1643 in Culemborg mèt Elisabeth Charlotte van Nassau-Siegen, gebore op 11 Miert 1626 en is gestorreve op 16 November 1694. Zie waor 'n dochter vaan Wilhelm van Nassau-Siegen oet Hilchenbach, en Christine van Erbach. Oet de ech vaan George Frederik van Waldeck-Eisenberg en Elisabeth Charlottevan Nassau-Siegen woorte nege kinder gebore; 1.Wolrad Christian van Waldeck-Eisenberg, gebore op 4 Aprèl 1645, en is gestorreve in 1650. 2.Friedrich Wilhelm van Waldeck-Eisenberg, gebore in 1649, en is gestorreve op 15 Miert 1651. 3.Karl Wilhelm van Waldeck-Eisenberg, gebore op 21 Juni 1650, en is gestorreve in 1653. 4.Louise Anna van Waldeck-Eisenberg, gebore op 18 Aprèl 1653, en is gestorreve op 30 Juni 1714. Zie trouwde op 22 Augustus 1671,  mèt George IV Graaf vaan Erbach-Fürstenau. 5.Charlotte Amalie van Waldeck-Eisenberg, gebore op 20 Oktober 1654 en is gestorreve in Juni 1657. 6.Friedrich Wilhelm van Waldeck-Eisenberg, gebore op 3 November 1657, en is gestorreve op 21 November 1670. 7.Karl Gustav van Waldeck-Eisenberg, gebore op 28 Fibberwarie 1659, en is gestorreve op  24 Juni 1678. 8.Sophie Henriette van Waldeck-Eisenberg, gebore op 3 Augustus 1662, en is gestorreve op 15 Oktober 1702. Zie trouwde op 30 November 1680 mèt Ernest Graaf vaan Saxe-Hildburghausen. 9.Albertine Elisabeth van Waldeck-Eisenberg, gebore op 9 Fibberwarie 1664, en is gestorreve op 1 November 1727, trouwde op 16 Jannewarie 1706 mèt Philipp Louis, Graaf vaan Erbach-Erbach.
George Frederik van Waldeck-Eisenberg 1620-1692.
George Frederik van Waldeck-Eisenberg góng al op jäögdege leeftied in deens vaan 't leger vaan de “Republiek der Zeven Verenigde Nederlanden”. In 1648 nao de “Vrede van Munster”, stapde heer euver nao 't leger vaan keurvorst Frederik Willem I van Brandenburg. In 1656 veurde heer es Generaal-Majoor 't bevel bij de “ Slag van Warschau ”. In 1664 kraog heer vaan de Duitse vorste, de algemeine leiding in de oorlog tege de Turken. In 't rampjaor vaan 1672, naom heer op verzeuk vaan Stadhouder Willem III, 't opperbevel euver “ De Staatse “ tróppe op ziech. In September 1673 veroverde heer mèt e leger vaan 25.000 maan, in zeve daog de Vesting Naarden op de Fransen. E jaor later in 1674, raakde heer zwoer gewond bij de “ Slag bij Seneffe ”. In Aprèl 1677 voch heer alweer mèt, in de “ Slag bij Kasselberg ”. Op 30 Jannewarie 1679 woort heer Milletaer Gouverneur vaan de Vestings-Stad Mestreech, naotot de stad bij de “ Vrede van Nijmegen ”, door de Franse weer waor trök gegeve. In Mestreech gaof heer d'n opdrach um de Vestingswèrke te herstelle, nao de planne vaan Vauban. Vauban waor oonder de Franse bezètting (1673-1678) al begós um herstèl en versterkinge oet te veure. Die wèrrke woorte wijjer aofgemaak door de Vestigings-Ingenieur, Daniël Wolff Baron van Dopff. Ein vaan de nui aongelagde bastions, woort nao George Frederik van Waldeck-Eisenberg (Waldeck Bastion) genump. In 1682 verliende de Duitse keizer häöm de titel vaan “ Rijksgraaf  “, oet daank veur de meujte, dee heer gedoon had um Vrede te kriege, tösse 't Vorstendom Fulda en de Bisdomme Bamberg, Würzburg en Münster. In 1683 wis Waldeck, same mèt Hertog Karel V van Lotharinge, Wenen te oontzètte, beter bekind es 't Belèk vaan Wenen. Twie jaor later woorte de Turken ouch oet Hongarije verdreve. Daonao veurde George Frederik van Waldeck-Eisenberg diplomatiek euverlègk, dat in 1686 kaom tot de opriechting vaan de “ Liga van Augsburg ”. George Frederik van Waldeck-Eisenberg, waor bevreund mèt Stadhouder Willem III van Oranje. Nao-tot Willem III van Oranje in 1688 nao Ingeland waor vertrokke, benumde heer George Frederik van Waldeck-Eisenberg tot zien plaotsvervènger in “ De Staten-Generaal ”.
Bij 't begin vaan de “Negenjarige Oorlog” vaan 1688 tot 1697, woort George Frederik van Waldeck-Eisenberg, Veldmaarschalk vaan de Staatse tróppe, in de Spaonse Nederlande. Nao de “ Slag bij Walcourt “ in 1689, moch George Frederik van Waldeck-Eisenberg ziech nog euverwinner numme, meh dat zouw evels veur de lètste kier zien. In dat zelfde jaor woort heer benump tot “ Grootcommandant ” (Magnus Commendator) vaan de Duitse Orde in Saksen, Pommeren en Westfalen. E jaor later in 1690, leijde heer 'ne zwoere nederlaog, bij de Slag bij Fleurus, en weer e jaor later bij de Slag bij Leuze. Alle twie de nederlaoge leijde heer tege de Franse Maarschalk Frans van Montmorency, Hertog van Piney-Luxembourg. Es Gouverneur vaan Mestreech verbeterde heer de bewoening vaan 't garniezoen in de barakken. Ouch bouwde heer 'n Milletaer Hospitaol in Mestreech en betaolde heer mèt, aon de bouw vaan 'n Lutherse kèrk gelege in de Hondstraot. Op 19 november 1692 is George Frederik van Waldeck gestorreve op zien kastiel in Arolsen in 't graafschap Waldeck. Mèt de doed vaan de Veldmaarschalk, George Frederik van Waldeck-Eisenberg, storf de Eisenbergse tak vaan 't Huis Waldeck oet, umtot  heer bij zien doed gein manneleke naokommelinge had. Oondaanks 't feit, dat oet zien houwelek met Elisabeth Charlotte van Nassau-Siegen (1626–1694), dochter van graaf Willem van Nassau-Siegen, op 29 november 1643 in Culenborg geslote, vijf zäöns en veer dochters woorte gebore, evels zien alle zäöns al op jonge leeftied gestorreve. 't Vorstendom Waldeck-Pyrmont veel toen touw aon Christiaan Lodewijk van Waldeck-Wildungen. 't Graafschap Culemborg woort wel door zien dochters geërf, en woort daodoor in 1714, aon zien kleinzoon Ernst Frederik I van Saksen-Hildburghausen touwgewese. Op 19 november 1692 is George Frederik van Waldeck gestorreve op zien kastiel in Arolsen in 't graafschap Waldeck, en woort es Gouverneur vaan Mestreech, in dat zelfde jaor opgevolg door Johan Adolf van Sleeswijk-Holstein-Sonderburg-Plön.
Kestiel  Bad Arolsen.
Femilie Waope Waldeck-Eisenberg. 
George Frederik van Waldeck-Eisenberg 1620-1692.
George Frederik van Waldeck-Eisenberg 1620-1692.
George Frederik van Waldeck- Eisenberg 1620-1692.
Vesting Naarden. 1672.
1620-1692. Gouverneur Mestreech 1679-1692.
Femilie Waope Waldeck-Eisenberg.