Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Lenie Menten
Theo Menten, de pap vaan Lenie, numde ziech bij de platefirma Telstar (Johnny Hoes) Thei en waor oonder aandere 'ne Mestreechter Vaostelaovends zènger. In Mestreech en umstreke waor heer bekind es " De Vogel" en woort gebore op 20 November 1918 in Mestreech, en is gestorreve in 1998. Wie heer twintig jaor waor begós heer accordeon te speule en dat mèt väöl suksès. In korte tied waor heer de leveling vaan 't publiek, en mèt ziene stijl vaan speule maakde heer ziene eigeste Menten sound. D'n accordeon kaom veur 't iers in Nederland in 't begin vaan de 19e iew, en kaom woersjijnelek via Duitsland us land in. In 1950 waor d'n accordeon 't mies bespäöld instremint. Same mèt ziene vreund Piet Bex vörmde heer jaore-laank 't duo Bex -Menten en zie höbbe same 'nen aontal accordeon L.P.'s en singles gemaak die in deen tied good woorte verkoch. Hun groetste suksèsse  waore  de Kèrmiswals, de Cacewalkpolka, en Heinzelmänchenwachtparade. De Kèrmiswals woort bekroend mèt 'ne gouwe plaat. Theo Menten woort dèks begeleid door 't studio orkès vaan Johnny Hoes oonder leiding vaan Sjèng Kraft boe heer ouch 'nen aontal L.P.'s mèt heet opgenome. Bekinde Vastelaovends leedsjes zien Hi Ha Happening, Mestreech is eine groete Kaffee,enz.  't Broor vaan Thei waor Steve Menten en heer waor accordeonist bij De Straotmuzikante.
Lenie Menten is gebore in Mestreech op 11 Oktober 1940, en gestorreve op 26 Juli 2012. De femilie Menten waor ein groete muzikaole femilie, en allemaol speule of späölde zie op nen' accordeon of wie me zeet in Mestreech 'ne trèkzak. Lenie Menten, de dochter vaan Thei, heet in de begin jaore vaan häör muzikaol leve gezónge in 't achtergroond koer vaan Mary Servaes beter bekind es de Zangerès Zoonder Naom. In 1975 is Lenie same mèt häör neef Harrie Menten accordeon goon speule oonder de naom vaan Lenie & Harrie. Nao 'nen aontal jaore waor 't gedoon mèt 't duo en Lenie góng zelf weijer op de solo tour en neet zoonder suksès. Lenie maakde häör ierste C.D. " Puur "  mèt  dao op, 'nen aontal nommers mèt ode aon häöre Pap Thei. Oet ierbetoen aon häöre Pap heet zie de nommers vaan de Kermis Wals en de Cacewalk Polka op häör eigenste wijze opgenome. 't Nómmer "In Mestreech bin iech gebore" is 'ne groete hit gewore en weurt mèt de Vastelaovend nog ummertouw euveral gedrejd. De C.D  " Puur woort in 1997 opgenome in de studio vaan Daan Smid. Bekinde nommers vaan dee C.D. zien In Mestreech bin iech gebore, Kermiswals, Heinzelmänchen- wachtparade, en de bekinde Cake Walk Polka. In 1999 volgde de twiede C.D. Langs de Maos. Dee C.D. behaolde neet de groete verkaop aontalle wie de C.D. vaan In Mestreech bin iech gebore, meh waor toch ‘n suksès. Veural de nommers C’est l’amour, Leeveling, J’attendrai mèt zaank vaan Anneke Augustin en netuurlek ‘t nommer s’Aovends langs de Maos. In 2000 brach zie oet, ‘t Vastelaovends singelke Us Hermenieke, dat dèks te hure waor op de radio en in Kaffees. ‘t Jaor daonao in 2001 kaom weer ‘ne single op de merret, naomelek ‘t Vastelaovends Kenon. Ouch dat leedsje geit euver de kaomende Vastelaovend, vaan Es ‘t Vastelaovends kenon weurt aofgesjote oonder de Sint Jaan.....steit Mestreech op ziene kop enz. In 2002 woort ‘t weer tied um ‘’n album oet te bringe, en ‘t woort ‘t album “Dit is Mien Leve”. ‘t Bekindste nommer op dees C.D. is, In Mestreech bin iech gebore, Miene Gouwe, Mestreech iech höb diech leef, Foxtrot Medley, en Wilde rozen. Daonao blijf ‘t ‘n tiedsje stèl mèt ‘t oetbringe vaan Singles of Album’s. Meh in 2008 brach zie op de merret, Mèt hart en ziel , ‘n Mini-Album mèt drei nommers, Boe de Maos struimp, Spanje Olé, en Mét Hart en Ziel.Achter de geraniums zitte waor neet aon Lenie bestump en zie trooj altied nog op mèt fieste, in Kaffees en zier zeker mèt de Vastelaovend in de Kaffee bij " Kien"  in Wiek. Um ‘t gezèlleg te make, en ‘t publiek te ammesere had zie neet miejer nudeg, daan ‘ne stool en ‘n dröpke en häör accordeon.Op 26 Juli 2012 is Lenie Menten op 71 jaorige leeftied gestorreve.
Theo Menten alias De Vogel. 1918-1998.
 Lenie & Harrie Menten
Muziekbase Allein en verlaote Aloha oe Als de nacht daalt in Marokko (in medley) Aon de moer vaan 'n aajd kerkhof (in medley) Ballalaika Beij m'n grameer op 't stupke (in medley) Boe de Maos struimp Boerum Cake walk polka C'est l'amour Dansend op 'nne tango De leefde De wereld drejt weijer D'n eige stad (limburgse versie) Europa mars Foxtrot medley Grampeer Had je niet die mooie blauwe ogen (in medley) Heij had ze niks (in medley) Heinzelmänchenwachtparade Iech deenk aon diech Iech loup verloate Iech wèl met diech danse
Je eigen stad (nederlandse versie) Jij bent geen schoonheid Kermiswals Kijk ik 's avonds even naar de sterren (in medley) Leeveling Maar over honderd jaar is alles weer voorbij (in medley) Meid van de straat (in medley) Mestreech iech höb diech leef Miene gouwe Mit hart en ziel Moeder ik kan je niet missen (in medley) Monte Video Onder mijn lompen (in medley) Op vakansie Plaza del Toro 's Aovends langs de Maos S'aoves is alles aanders Spanje olé 't Vastelaovens kenon Visserswals Wals medley Wilde rozen
Lenie Menten.
Bex - Menten.
1940-2012