Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 
Sphinx
Petrus Regout 1876.
Femilie wape Regout.
Servies Cambrigde Old England.
Graaf-kapel Petrus Regout Meersen. 1869.
Merk teike Petrus Regout
Sphinx febrik 1900.
De femilie  Regout, kaom oersprunkelek oet Wallonië, meh waor in Mestreech al lange tied wèrkzaom es piepemekers en handelere in eerdewèrk en porselein. 'Ne zekere  Carolus Richo Regout, gebore in 1680 en gestorreve op 22 December 1706, waor getrouwd mèt Maria Meijers. Heer vestegde ziech aon 't eind vaan de zeventiende iew op 't terrein gelege aon de Boschstraot, boe väöle jaore later, 't ierste Sphinx febrik gevesteg zouw weure. Petrus Carolus Regout (ouch Regau) woort gebore in Mestreech op 30 Jannewarie 1704 en is gestorreve op 7 aprèl 1781, trouwde op 16 Oktober 1729 mèt Maria Margareta Vasseur, dochter van Petrus Vasseur en Susanna Ramparts. Oet dees ech weurt es derde zoon gebore, Petrus Hendricus Regout, gebore in Mestreech op 24 december 1735, en gestorreve op 22 Miertrt 1784. Heer trouwde in Mestreech op 6 juni 1762 mèt Maria Agnes Ghijsen, gebore in Itteren op 11 Aprèl 1734, en is gestorreve in Mestreech op 6 September 1780. Zie waor ‘n dochter vaan Leonardus Ghijsen en Catharina Wiliarts. Petrus Henricus Regout trouwde in 1762 mèt Maria Agnes Ghijsen, meh sjeide al in 1764 vaan häör. Maria Agnes Ghijsen, die in verwachting waor, opende toen same mèt häör zuster 'ne winkel in eerdewèrk en porselein op de Mäöntstraot. Oet de ech  vaan Maria Agnes Ghijsen en Petrus Henricus woort, naotot de sjeiding al waor oetgesproke, Petrus Leonardus Dominicus Regout geboren. Petrus Leonardus (Dominicus) Regout (heer numde ziech Pierre Dominique) gebore in Mestreech op 27 Jannewarie 1765, en is gestorreve op 10 Jannewarie 1814, trouwde in Mestreech op 9 september 1800 mèt Maria Geertruida Nijsten, gebore in Geleen, op 23 Mei 1766, en is gestorreve in Mestreech op 7 Juni 1835. Zie waor e dochter vaan Theodoor Nijsten en Cornelia Martens. In 1814 kaom Petrus Leonardus (Dominicus) Regout te euverleije es gevolg vaan 'ne cholera epidemie. Zien vrouw deeg 't werk in de winkel wijer, en later mèt de hölp vaan haore  ajdste zoon, Petrus Laurentius Regout (ziech ouch nummende Petrus Dominicus), Oet de ech vaan Maria Geertruida Nijsten en Petrus Leonardus (Dominicus) Regout woort gebore; 1.Petrus Dominicus Laurentius Regout woort gebore in Meerse op 23 Miert 1801, en is gestorreve op 17 Fibberwarie 1878. Heer trouwde mèt Maria, Aldegonda, Hoebrechts. 2.Johannes Thomas Regout (ouch Jean Thomas) gebore in Mestreech op 10 Aprèl 1803, en is gestorreve op 20 Mei 1871. Heer waor neet getrouwd. 3.Thomas Dominicus Regout (roopnaom Thomas) gebore in Mestreech op 7 Miert 1805, en is gestorreve op 4 Juli 1862. 4.Maria Ida Regout (ouch Marie Ide) gebore in Mestreech op 12 Oktober 1807, en is gestorreve op 25 Fibberwarie 1810. 5.Henricus Hubertus Philippus Regout (ouch Henri Hubert Philippe) gebore in Mestreech op 30 Aprèl 1810, en is gestorreve op 29 September 1810.
Petrus, Dominicus, Lautrentius Regout.
Maria, Aldegonda, Hoebrechts.
Petrus, Dominicus, Lautrentius Regout, is gebore in Mestreech  op 23 Miert 1801, en gestorreve in Meersen op 18 Fibberwarie 1878. Heer  trouwde op 17 Juli 1825 mèt, Maria, Aldegonda, Hoebrechts, gebore op 19 September 1798 in Mestreech, en is  gestorreve op 14 November 1878 in Meersen – Mestreech. Zie waor e dochter vaan Francois Houberechts en Marie Jeane Margarithe Botti. Aldegonda Maria Hoeberechts waor ‘ne rieke vrouw. Oet de ech vaan Maria en Pie regout woorte 10 kinder gebore; 1.Maria Gertrudis Hubertina Regout, gebore op 23 Oktober 1826 en is gestorreve op  4 September 1898 in Limmel. Zie trouwde op 29 Aprèl 1851 mèt Johannes Jacobus Adolphe Weustenraad, gebore op 23 Mei 1813, en is gestorreve op 25 December 1859. Opriechter vaan 't pepier-febrik Lhoëst-Weustenraad in 1850. (later KNP) 2.Petrus Alexander Hubertus Regout, gebore op 24 Fibberwarie 1828, en is gestorreve op 11 Fibberwarie 1897. Heer waor getrouwd mèt Gertrudis Hubertina Amelia Polis, gebore op 5 Mei 1830 en gestorreve op 10 September in 1904. 3.Hubert Eduard Thomas Regout, gebore op 24 Oktober 1829, en is gestorreve op 6 November 1878. Heer waor getrouwd mèt Marie Marguerite Theodosie Leontine Kersten, gebore op 13 Oktober 1829 en is gestorreve 20 Mei 1893. 4,Euginius Bernard Hubertus Regout, gebore op 20 Aprèl 1831, en is gestorreve op 20 Mei 1908. Heer waor getrouwd mèt Carolina Hotensia Victoire Bonhomme, gebore op  17 Augustus 1831 en is gestorreve op 12 Mei 1861. 5,Hubertus Gerardus Louis Regout, gebore op 16 December 1832, en gestorreve op 6 Jannewarie 1905. Heer waor getrouwd mèt Theresia Hubertina Berger, gebore op 5  Juni 1829 in Venlo en is gestorreve op 13 Oktober 1899 in Mestreech. 6. Anna Emilia Maria Hubertina Regout, gebore in Luik op 12 Augustus 1834, en is gestorreve in Mechelen-Wittem op 24 November 1886. Zie waor getrouwd mèt Hubert Joachim Brouwers, gebore in Gronsveld op 18 Augustus 1833, en is gestorreve op 26 Oktober 1892 in Den Haag. Heer waor lid vaan de twiede kamer. 7. Hubert Francois Victor Regout, gebore op 25 November 1835 en is gestorreve op 25 November 1837. 8. Josephine Hubertine Pauline Regout, gebore op 4 Oktober 1837, en is gestorreve op 30 Miert 1864. Zie trouwde op 28 Oktober 1862 mèt Carolus Henricus Gijsbertus Hubertus Leurs. Gebore op 6 Aprèl 1828 in Roermund, en is gestorreve op 5 Fibberwarie 1900. Heer waor doctor in de genees-, heel- en verloskunde. 9.Johan Hubert Gustaaf Regout, gebore in Mestreech op 4 November 1839, en is gestorreve in Meersen op 8 Fibberwarie 1923. Heer trouwde op 15 Miert 1869 mèt Marie Louise Phlippinne Ghislaine Eugine Louise Pétry, gebore op 21 December 1849 in Luik, en is gestorreve op 31 Juli 1916 in Meersen. Heer waor vaan beroop veurzitter vaan NV. De Sphinx. 10. Wilhelmina Aldegonda Hubertina Regout, gebore op 26 Augustus 1841, en is gestorreve  in Gent op 5 November 1868.
Petrus Laurentius Dominicus Regout góng, wie heer 12 jaor waor, al vreug vaan sjaol, toen ziene pa Petrus Leonardus Dominicus Regout (1765-1814) in 1814 storf. Heer góng zien ma helpe in de zaak vaan  glaas, eerdewerk, en aander geujere veur in 't hoeshawwe. 't Waor in deen tied, d'n aonstoet tot de industriële rivvelutie, en 'ne groete greuj, boevaan Petrus hendig gebruuk vaan góng make. In 't jaor 1819, wie heer 18 jaor joonk waor, bezeukde heer al 'nen aontal plaotse in de Zuideleke Nederlande en kaom zoe in kontak vaan ’t nui industriële tiedperk. Wie heer 26 jaor waor, begós heer achter ’t hoes, dat zien ma gekoch had en gelege waor aon de Boschstraot nommer 1303, zien ierste glaas en kristal-slieperijj. Heer koch 't oongeslepe kristal in Walonië ('t latere Belsj), vaan de Kristal febrikke Vonêche, Val-St.Lambert in Seraing en van Zoude in Name. Ouch koch heer e hoes in Luik in Rue au Pont nommer 17, en 'n winkel aon de Soeverain Pont nommer 317. Heer waor bang tot heer dao nao touw moos goon verhuize, umtot in Mestreech 't ummertouw lestiger woort um te produceren, en um aon groondstoffe te kaome. Meh in 1830 weurt Belsj oonafhaankelek, en Mestreech blijf bij en vaan de Nederlande. Daodoor woorte de Waolse zakerelatie's vaan febrikke en geujere mèt Petrus Regout verbroke. Heer bleef, wel mèt meujte, produceren, meh kraog 't in 1834 vaan Ginneraol Dibbits gedoon, um weer groondstoffe en of haaf-fabrikaote, um die vaanoet Belsj weer te mage importere. Dat allemaol, ouch um de vrei binne de Vestiging Mestreech te bewaore, zoetot d'r weer werk waor veur de lui binne de Vestiging Mestreech. In dat zelfde jaor vaan 1834, riechde Petrus samen mèt zien broor  Thomas Regout en zien zwaoger Gérard Lambriex,  't spiekerfebrik op, oonder de naom vaan “Firma Thomas Regout & Lambriex”. E paar jaor later, woort 't febrik “N.V. Thomas Regout” genump. Dees maotsjappij is oetgegreujd tot e groet febrik op 't gebeed vaan  telescopische geleiders, die me noe lieverd aon bedrieve wie Océ, Ikea, Siemens, General Electric, HP enz. Op 't momint heet 't geine band mie mèt de Femilie Regout. Petrus Regout koch in 1834 bij Cockeril-Serain e stoom-mesjien veur zien Kristal-slieperij en kós de oondernumming daodoor behuurlek laote doorgreuje.'t Jaor 1834 waor ‘t zoe wie zoe, e belaankriek jaor in de annale vaan de Femilie Regout.
In dat jaor riechde Petrus ‘t eerdewèrk febrik op, gelege aon de Boschstraot, dat zouw oetgreuje tot e begrip in Mestreech en wiet daoboete, naomelek  “De Sphinx”. In 1838 riechde Petrus, gebore oondernummer, zien eige glaas- en kristalblozerij op. Heer trok daoveur wèrklui vaanoet oonder aandere 't Belzje Vonêche aon. Ouch is heer in 1838 de mèt-opriechter vaan de stoombootlijn tösse Mestreech en Luik. In 1842 opende heer 'n wèrkplaots um vuurstein-gewere um te bouwe tot percussie-gewere. E percussiegeweer is e vuurwaope boevaan de laojing weurt oontstoke door 'ne slaag-as. In 1847 bouwt heer e gaasfebrik, um zien febrikke vaan de nudige energie te veurzien. Heer lag ouch e net-wèrk aon, vaan glaasbuize, veur de lievering vaan gaas veur de stad Mestreech.  Meh nao e lang proceduur verloor Petrus dees concessie. In 't jaor 1850 riechde heer same mèt ziene sjoenzoon Weustenraad, 't pepierfebrik Lhoest Weustenraad & Co. op. Later woort de naom veranderd in N.V. Koninkijk Nederlandse Papierfabriek, of beter wie me zag in Mestreech de KNP. Op 't momint ís 't febrik in han vaan Sappi. Petrus Regout waor vaan meining tot de arbeiders in gooi en gezón woeningen móste woenen, en wel in de buurt vaan 't febrik. Heer gaof daan ouch in 1868 d'n opdrach aon 'nen architek oet Aoke, Wilhelm Wickop (1824-1908), um e tehoes te bouwe veur zien wèrklui. 't Woort 'n hoes vaan 7 verdepinge hoeg. 't Toregebouw, in Mestreech woort al gaw gesproke vaan “De Groete Bouw”, had 76 kamers boe-in 40 gezinne kóste woene. De gèng en 't trappehoes waore vaan gemeinsjappelek gebruuk, en me had op eder etage 'n waterpoomp. Veur Regout waor de kazern daan mesjiens 'ne daod vaan paternalisme, sjariteit en zörregzaomheid. De bewoeners zaoge ‘t veural es ‘n rampplaots vaan oongesieferte en cholera. Normaal sanitair had me neet !!. De ganse wiek roontelum de Boschstraot vörmde 't imperium vaan Petrus Regout. De groete bouw woort in 1938 weer aofgebroke. In 1851 riechde Petrus 'n kraankegheid-kas op, gevolg in 1870 door ‘n  wèrk-rangatie, boein bepaold woort tot 'ne wèrkdaag in ’t febrik, neet langer es 10 oor móch zien. En 't woort verboje um kinder oonder de 12 jaor te laote wèrke. Heer waor daomèt ziene tied wiet veuroet. Meh oondaanks dat had Petrus Regout 'ne slechte reputatie, en mesjiens waor dat wel zjeloezigheid vaan aander oonderneuminge.
Wie Petrus Regout in 1878 storf, hadde de febrikke vaan Regout same 2.537 werklui in deens. Neve zien febrikke had Petrus ouch väöl hoezer in Mestreech en in Meersen. Heer had veer Kestiele: Groot Vaeshartelt, de veurmaolige keuninkleke residentie vaan 1841 tot 1851, 't landgood Mariawaard, mèt 't kastiel La Grande Suisse en de villa La Petite Suisse, de villa Kruisdonk en de villa Canne. Villa Aldegonda in Amby woort  nao 'ne brand in de jaore 1980 gesloop. De Febriksnaom, boe me 't eerdewèrk en kristal op de merret brach, waor  tot 1870 “ Glas- en Aardewerkfabriek Petrus Regout”, vaan 1870 tot 1879 “Firma Petrus Regout”, en vaan 1879 tot 1899,”C.V. (Commanditaire vennootschap) Petrus Regout”. In 1899 woort de naom gewijzig in “N.V. Kristal- Glas- en Aardewerkfabrieken de Sphinx v/h Petrus Regout” . Dees naom bleef oonveranderd tot 1958, allewel de kristalproductie in 1925 woort oondergebrach in 'ne apaarte vennootschap, de N.V. Kristalunie.In 1958 woort 't concurrerend bedrief N.V. Céramique, dat vaanaof 1851 in Wijck aon den’ euverkant vaan de Maos laog, en waor opgeriech door de twie Belzje oonderneumers, Nicolas Winand Clermont en zien zwaoger Charles Chenaye, same-gesmolte mèt de “Sphinx”. 't Nui bedrief numde me  N.V. Sphinx-Céramique mèt in 1959 bij 't 125 jaoreg bestoon de touwveuging vaan 't predicaat “Koninklijke”. De femilie Regout beheel 't beheer euver de totaliteit vaan de twie  bedrieve.
In 1969 evels velt 't dook veur de productie vaan ‘t eerdewèrk-servies. 't Suksès vaan  tegels en sanitair-produkte trok den aondach vaan de Ingelse grop Reed International, die in 1974 e bod uitbrach op al de Sphinx bedrieve, 140 jaar naotot Petrus Regout zien ierste bedrief op had gezat. In 1986 woorte de aondeile vaan  de Sphinx nao de Amsterdamse beurs gebrach. 't Ferbriks-terrein in Wijck, vaan  Céramique woort in 1988 aon de Stad Mestreech verkoch. 't Historisch  febrik vaan de Sphinx aon de Boschstraot sloot veur altied zien poorte op 31 december 2006. De productiefaciliteite woorte euvergebrach nao 'n nui en modern febrik in Beatrix-have in Mestreech, dat evels weer snel woort geslote. De productie, mèt machines en inventaris, weurt verplaots nao Zwede....Aon 't eind vaan dees twie iewe laank suksès, blijf in Mestreech vaan De Sphinx neet väöl mie euver, es allein e verkaop-kentoer, mèt de naom vaan de Sphinx d'r op.......
Old England.
Sphinx sanitair.
Servies Boere Bont.
1801-1878.
Femilie wape Regout.