Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 
Brouwerij   De Valk
De Brouwerij De Valk waor me iers begonne oonder de naom vaan Brouwerij Michaël Marres en zoon, meh dee naom woort later veranderd in Brouwerij  M.J.Marres, en daonao in Stoombrouwerij De Valk. In 't jaor 1927 lag me de beuk neer vaan de brouwerij. Michaël waor de ajdste zoon vaan Michaël Marres, dee 'n brouwerij had aon de Plankstraot (later Sle Vrouweplein). De femilie Marres woende dao vaanaof 1838. In 1849 trouwde Michaël Jacobus, Marres, gebore op 8 Oktober 1826 en gestorreve op 7 Fibberwarie 1898, mèt Maria Cecilia Clementina Fissé, gebore op 1 November 1819, en is gestorreve op 7 Oktober 1890. Oet de ech vaan Michael en Maria woorte 8 kinder gebore; 1.Michael Clemens Marres, gebore op 1 Aprèl 1848, en is gestorreve op 9 Aprèl 1927. Heer waor getrouwd mèt Maria Francisca Evelina Starren, gebore op 6 Mei 1849, en gestorreve op 7 Miert 1897. Heer hertrouwde later mèt Maria Josephina Henrica van Aubel, gebore op 27 September 1856 in Meerse, en is gestorreve op 6 November 1934 in Mestreech. 2.Michaël Josephus Marres, gebore op 19 December 1849, en is gestorreve op 3 Miert 1893 in London Greater, wie heer 43 jaor waor. Heer waor wienhandeleer. 3.Anna Maria Hubertina Marres, gebore op 20 December 1850, en is gestorreve op 9 Jannewarie 1921. Zie waor getrouwd mèt Nicolaas Eduard Smeets. 4.Jan Constant Marres, gebore op 28 December 1851, en is gestorreve op 18 Juni 1916. Heer waor getrouwd mèt Marie Hubertine Gertrude Angelique Chambille (1855- 1939). Jan Constant had 'n branderij en 'n wien en jeneverhandel. 5.Maria Theresia Clementina Marres, gebore op 23 Aprèl 1853 en is gestorreve op 24 Miert 1924. Zie waor getrouwd mèt Gerardus Smits, lieraar wiskunde.(1847-1932) 6.Maria Henrica Eugnia Marres, gebore op 17 Oktober 1856, en is gestorreve op 10 December 1863. 7.Maria Paulina Marres, gebore op 18 Augustus 1858, en is gestorreve op 21 Miert 1930. Zie waor getrouwd mèt Heinrich Joseph Hoffmans (1842-1925), dee directeur waor vaan de H.B.S. In Mestreech. 8.Louis Victor Marres, gebore op 16 Augustus 1859, en is gestorreve op 22 November 1863 in Mestreech.
Michaël jr. trouwt in 1849 mèt Maria Cecilia Clementina Fissé en zie beginne daan 'n Brouwerij genaomd Michaël Marres aan de Boschstraat. (Noe kaffee De Gouverneur) .Later numde me de Brouwerij “de Valk”, of ouch wel  De Valkenbrouwerij. Aon d'n ingaank, vreuger de aw poort, zien veer noe nog de twie valke. In 1862 weurt heer gekoze in de gemeinteraod en vaanaof 1867 is heer Wethouwer vaan Mestreech. In 1882 weurt heer lid vaan de Provinciaole Staote vaan Limburg. Dees functies bekleide heer tot aon zien doed in 1898. De aajdste zoon vaan Michaël Marres, Clément, officieel Michaël Clemens Marres, volgde ziene pa in 1883 op, in al zien functies, in de Brouwerij, in 1898 in de Gemeinteraod, en in 1915 in 't Stadsbestuur vaan Mestreech. Clémens heet ouch twie distilleerderije. Eine laog bij zien Brouwerij op de Boschstraot en d'n aandere laog in de Anthoniusstraot, en heite “De Engel”. Clémens waor wie me zeet 'nen eigezinnig persoen meh ouch eine mèt geveul veur humor. In 1907 trèk Clémens ziech trök, en gief heer de directie euver aon ziene zoon George Marres, gebore op 4 Aprèl 1889, en is gestorreve op 19 Miert 1960 in Mechelen Belzj. George Marres waor einigs kind. Maria Francisca Evelina Starren ziene ma, is gestorreve wie George ach jaor waor. Ziene pa hertrouwde mèt Maria Josephina Henrica van Aubel. Oet dees ech woorte gein kinder gebore. George Marres woort einigsins tege ziene zin Brouwer, meh deeg dat toch um ziene pa te plezere. Wie ziene pa storf in 1927 stopde George daan ouch mèt de Brouwerij De Valk, verleet heer 't land en leet niks mie vaan ziech hure. Heer trouwde mèt Clara Hubertina Barbara van Schoonwinkel, gebore op 6 Miert 1889 in Kortessem, Belzj, en is gestorreve op 18 Jannewarie 1982 in Leuven. Zie leet e foto-album nao, dat via 'nen umweeg terech kaom in 't Jenevermuseum vaan Hasselt. Die gaove 't later weer aon 't Sociaal Historisch Centrum vaan Limburg, en is noe tezien in ‘t RHCL in Mestreech.
Michaël Clemens Marres wethouwer in Mestreech 1915-1919.
Brouwerij De Valk Boschstraot nommer 105. 1897.
Michaël (midde) mèt zoon Clément (links) en de bookhouwer. 1890.
Febriksmerk Valkenbrouwerij M.J. Marres Zoon, 1849.
Kaffee De Gouverneur.
Personeel Valk Brouwerij. 1891.
De Limburger Kourier 1930.
 Brouwerij De Valk
1826-1898.
Femilie Waope Marres.