Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
 
Brouwerij   Michaël  Marres
Michaël Marres, 1797 - 1865
Anna Maria Bemelmans 1803-1881
Catharina Marres 1789-1851.
In 1710 kaom de bouw klaor vaan ‘t nui gebouwde Pannenhuis, gelege aon de Susserweeg en Vroenhovenweeg (Biesland) en woort vaan deen tied bewoend door Gilles Marres 1682-1722, en Elisabeth van Geleen 1685-1730. Daonao bewoende hunne zoon Jan Willem Marres 1701-1751 en zien vrouw Catharina Mares de brouwerij-woening. ‘n Broor vaan Catharina, Michel Mares woort in de Franse tied den ierste maire (Börgemeistyer) vaan Vroenhof. Hunne zoon Michaël Marres, gebore op 17 Mei 1759 en is gestorreve op 26 Oktober 1818, trouwde op 11 Mei 1788 mèt Maria Catharina Kruyen, gebore op 9 Fibberwarie 1767, en is gestorreve op 30 December 1847. Zie waor e dochter vaan Leonard Kruijen, distillateur op de Bisschopscommel in Mestreech. Häöre opa waor Leonard Kruyen (ouch wel Kreuen, Creuen of Creuwen) waor schepen van de heerlijkheid Vaesrade.Oet de ech vaan Michel Mares en Maria Kruijnen woorte 10 kinder gebore. 1.Catharina Marres, gebore op 15 Juni 1789 in Wolder en is gestorreve op 21 Jannewarie 1851. 2.Leonardus Marres, gebore op 9 Oktober 1790 in Wolder, en is gestorreve op 18 Oktober 1790. 3.Maria Agnes Marres, gebore op 29 November 1791 in Wolder, en is gestorreve op 11 Juli 1793. 4.Maria Gertrudis Marres, gebore op 11 Aprèl 1793 in Wolder, en is gestorreve op 5 Aprèl 1813. 5.Joannes Wilhelmus Marres, gebore op 29 November 1794 in Wolder, en is gestorreve in ? 6.Michaël Marres, gebore op 28 Mei 1797 in Wolder, en is gestorreve op 10 Miert 1865. 7.Agnes Marres, gebore op 15 Aprèl 1800 in Wolder, en is gestorreve op 16 Fibberwarie 1850. 8.Leonardus Marres, gebore op 4 Juni 1802 in Wolder, en is gestorreve op 11 Augustus 1822. 9.Hubertus Marres, gebore op 2 November 1804 in Vroenhove, en is gestorreve op ? 10.Francois Marres, gebore op 13 Fibberwarie 1807 in Wolder, en is gestorreve op 13 Juli 1807.
Slevrouwe Plein nommer 4 + 5.
Michaël Marres.1797-1865. Op 31 mei 1825 kaope Michaël Marres en zien geangazjeerde Anna Maria Bemelmas de brouwerij “Het Sint Nicolaes Panhuis” vaan Jan Pieter Nypels, gelege aon de Plankstraot in Mestreech, en veranderde de naom in die vaan Brouwerij Michaël Marres. Dees brouwerij zouw de moojer vaan alle Marres brouwerije in Mestreech weure. Michaël Marres gebore op 28 Mei 1797 in Vroenhove, en is gestorreve op 10 Miert 1865 in Mestreech, trouwde mèt Anna Maria Bemelmans, gebore op 8 September 1803 in Mestreech en is gestorreve op 21 Mei 1881 in Mestreech. Michaël Marres woort in Mestreech es de keuning vaan de Brouwerije genump. Oet de ech vaan Michaël en Anna Maria woorte 14 kinder gebore boevaan twie dochters en 12 zäöns. 1.Michaël Jacobus Marres, gebore op 8 Oktober 1826 in Mestreech, en is gestorreve op 7 Fibberwarie 1898 in Mestreech. 2.Johannes Leonardus Marres, gebore op 31 Oktober 1827 in Mestreech en is gestorreve op 3 Aprèl 1893 in Mestreech. 3.Petrus Antonius Marres, gebore op 18 Oktober 1828 in Mestreech en is gestorreve op 7 Fibberwarie 1829 in Mestreech. 4.Petrus Hubertus Marres, gebore op 16 November in Mestreech, en is gestorreve op 3 Jannewarie 1900 in Mestreech. 5.Dominicus Augustus Marres, gebore op 20 Jannewarie 1831 in Mestreech, en is gestorreve op 22 Juli 1899 in Mestreech. 6.Wilhelmus Leonardus Marres, gebore op 14 Aprèl 1832 in Mestreech, en is gestorreve op 9 Miert 1833 in Mestreech. 7.Johannes Ludovicus Hubertus Marres, gebore op 14 Aprèl 1834 in Mestreech, en is gestorreve op 2 Oktober 1875 in Mestreech. 8.Maris HubertinaIda Marres, gebore op 21 September 1836 in Mestreech, en is gestorreve op 12 September 1913 in Mestreech. 9.Carolus Philippus Marres, gebore op 9 Juli 1838 in Mestreech, en is gestorreve op 31 Juli 1906 in Venlo. 10.Jacobus Franciscus Marres, gebore op 2 Fibberwarie 1840 in Mestreech, en is gestorreve op 9 Augustus 1902 in Mestreech. 11.Christiaan Leonard Marres, gebore op 18 Juli 1841 in Mestreech, en is gestorreve op 2 Juli 1842 in Mestreech. 12. Maria Helena Sophia Marres, gebore op 7 Miert 1843 in Mestreech, en is gestorreve op 21 Jannewarie 1906 in Mestreech. 13.Philippus Josephus Marres, gebore op 11 Juli 1845 in Mestreech, en is gestorreve op 21 Augustus 1911 in Mestreech. 14.Hubertus Eugenius Marres, gebore op 22 November 1847 in Mestreech, en is gestorreve op 13 Mei 1922 in Mestreech.
't Hoes en de Brouwerij vaan Michaël en Anna Maria laoge oersprunkelek tegen euver de Sint Nicolaaskèrk in de Plaankstraot. De Sint Nicolaaskèrk woort in 1838 aofgebroke, en vaan aof deen tied laog de poort en 't woenhoes aon 't Sle Vrouweplein. 't Woenhoes heet nommer 4 en de poort nommer 5. Op 't momint 's 't noe e restaurant oonder de naom vaan 't Kläöske. Vaanaof 1825 heet Machaël dao beer gebrouwe, en heer woort tege 't eind vaan zien leve in Mestreech, Le Roy des Brasseurs genump. Michaël Marres heet in Mestreech väöl Brouwers 't vak vaan Brouwer aon gelierd. Zellevers had heer twèlf zäöns, boevaan d'r nege volwassen woorte en vijf daovaan Brouwer. Twie zäöns woorte preester, Pierre en Charles. Jean Marres woort lieraar klassieke taole, en Joseph Marres koch in 1870 e zoutziederij, gelege aon de Breuselse straot. De aander vijf zäöns woorte Brouwer. Michaël Marres de ajdste zoon, start in 1849 de Brouwerij Michaël Marres & Zoon op de Bosch straot nommer 105, oonder de naom vaan Brouwerij De Valk, ouch wel Valkenbrouwerij genump. Ouch woort heer in 1862 lid vaan de gemeinteraod in Mestreech, en in 1867 Wethouwer. Later zouw ziene zoon häöm opvolge in die twie functies. August Marres, getrouwd mèt Hélène Ceulen, köp in 1859 e groet hoes op de Groete Grach, nommer 60, en bouwt dao in d'n tuin de Brouwerij Marres-Ceulen, dee d'n oetgaank had in de Capucijnestraot. In 1903 geit hunne zoon Edmond, woene in de Capucijnenstraot op nommer 98, dat heer vaan ziene oma Anna Maria Bemelmans had geërf. In dat hoes is noe 't Cultuurcentrum Marres gevesteg. Louis Marres trouwde mèt Christine Gilissen, en begós in 1873 de Brouwerij Marres-Gilissen op de Mèrret (noe Panhoes-Frituur Reitz), hook Heilige Geis-straot. De brouwerij is in 1915 gestop.
Groet houte ton veur ‘t lagerbeer. (Marres Oud Bier) 1904.
Jaques Marres woort in 1886 directeur vaan de Brouwerij De Ridder. Heer volgde dao ziene gestorreve zwaoger Leon van Aubel op, dee getrouwd waor mèt zien zuster Sophie Marres. Hunne zoon Léon waor toen pas 12 jaor, dee evels in 1902 nao 't euverlije vaan Jaques Marres de leiding euvernaom. Eugène Marres, de jongste vaan 't gezin, volgde ziene pa in 1865 op, in de Brouwerij gelege aon 't Sle Vrouweplein. De naom woort toen veranderd in “Brouwerij Eugène Marres”. Eugène Marres brouwde mierder soorte beer, boe oonder e nui beer dat twie jaor laank in houte tonne naogiste, en bekind woort oonder de naom vaan Marres Oud Bier. Dat naogiste nump me ouch lagere. In 1887 koch heer e stoom-mesjien, en de naom woort toen veranderd in Stoom-Bier- Brouwerij Marres.
Femilie Eugène Marres mèt aonhang nen’eeuw geleie in 1918 vlak nao den’ ierste wereldoorlog in de nuie Panhard.
Brouwerij Marres
1797-1865.
Woenhoes femilie Marres gelege oppe Sle Vrouwe plein.
1906.
Femilie Waope Marres.