Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
    Godefroi d’Estrades
Godefroi d 'Estrades is gebore in 't jaor 1607 in Agen, en gestorreve in Parijs op 26 Fibberwarie 1686. Agen is e gemeinte in 't Franse département Lot-et-Garonne in de regio Aquitanië. 't Maak deil oet vaan 't arrondisemint Agen en ligk in 't zuie vaan Fraankriek. Godefroi d 'Estrades  waor 'n Frans Edelmaan, Diplomaat en Maarschalk, en waor Gouverneur in Mestreech vaan 1673 tot 1678 ónder Franse bezètting. Zien awwers waore Francois d 'Estrades, Heer van Colombier en Ségougnac,gebore in 1580 en gestorreve op 26 Fibberwarie 1653, en trouwde op 15 Oktober 1604 mèt Suzanne de Secondat. Oet de ech woorte 6 kinder gebore; 1.Godefroy d'Estrades, gebore in 1607, en is gestorreve op 26 Fibberwarie 1686, en waor getrouwd mèt Marie de Lallier du Pin gebore in 1577, en is gestorreve in  1637. 2.Jean d'Estrades, gebore in 1608 en gestorreve in 1685. Heer waor Kardinaal en Bisjop vaan Périueux. 3.Antoinette d'Estrades. 4.Anne Henriette d'Estrades. Trouwde op 29 Juni 1632 mèt Jean de Carbonnières, Heer van Capelle-Brion. 5.Jacqueline d'Estrades. 6.Angélique d'Estrades. Ziene pa, Francois d 'Estrades waor 'n vertrouweling vaan Hendrik IV, Keuning vaan Fraankriek. Godefroi d 'Estrades trouwde op 26 Aprèl 1637 mèt Marie de Lallier du Pin. Oet de ech woorte vijf kinder gebore. Zien ajdste zoon Lodewijk d 'Estrades (Louis) gebore in 1685 en gestorreve in 1769, waor getrouwd mèt Charlotte Thérèse de Rune, Dame van Fouquesolle, en volgde häöm op es Gouverneur vaan Duinkerken en Graqvelines, en es Börgemeister vaan Bordeaux.
Goderfroi d ‘Estrades. 1607-1686.
Nen' aandere zoon, Jean-François d 'Estrades woort abt van Moissac en Saint-Melaine de Rennes en waor Ambassadeur in Venetië en Piemonte. Graaf Godefroi d'Estrades woort page vaan Keuning Lodewijk XIII. Wie heer negentien jaor waor, vertrok heer veur 'n diplomatieke opdrach, nao Maurits van Oranje. In 1646 woort heer benump tot boetegewoen Ambassadeur veur Fraankriek in de “Republiek der Zeven Verenigde Nederlanden”, en naom heer deil aon de besprekinge die leide tot de “Vrede vaan Munster”. Bij de Slag van Duinkerke in 1658 woort Duinkerke veroverd door 'n Frans-Engels leger oonder aonveuring vaan Maarschalk Turenne. Duinkerke woort veroverd en woort  Ingels groondgebeed. In 1661 woort Graaf Godefroi d'Estrades  nao Ingeland gesjik, en e jaor later kós me Duinkerke aofkaope, en woort de stad weer Frans. Graaf Godefroi d'Estrades kraog daodoor es daank 't Gouverneur-sjap vaan Duinkerke. In 1667 waor heer ein vaan de ónderhandeleers bij “De Vrede van Breda”, mèt keuning Frederik III van Denemarke. In 1678 ónderhandelde heer euver 't verdrag dat bekind steit es  “De Vrede vaan Nijmege”, dat 't einde vaan de oorlog mèt Fraankriek beteikende. Es Milletaer naom Godefroi d 'Estrades deil aon de expeditie's vaan Keuning Lodewijk XIV vaan Fraankriek. In Italië in 1648, Catalonië in 1655, en de Republiek vaan 1672 tot 1673. Vaan 1673 tot 1678 waor heer Gouverneur vaan Mestreech. Nao 't belègk vaan Mestreech in 1673, verbeterde heer mèt de höllep vaan Vauban de zwoer verrinneweerde  Vestingsmör, die door 't belègk vaan de Franse tróppe zwoer waore gesjendeleerd. In 1675 woort heer benump tot Maarschalk vaan Fraankriek. Vaan zien zäöns woort Jean Francois d'Éstrades, Frans Ambassadeur in Venetië en Piedmont. Louis Markies d'Estrades volgde ziene pa op es Gouverneur vaan Duinkerke, en waor de pa vaan Godefroi Louis Graaf d'Estrades, 'ne Luitenant-generaal dee in 1717 storref bij de Slag vaan Belgrado. Godefroi d 'Estrades  storf in Parijs op 26 Fibberwarie 1686.
Godefroi d’Estrades.
Hendrik IV Keuning vaan Fraankriek.
Lodewijk XIV.
Femilie Waope Goderfroi d’Estrades.
Godefroi d’Estrades.
Godefroi d’Estrades.
Francois d 'Estrades 1580-1653.
Belègk vaan Mestreech 1673.
1607-1686. Gouverneur in Mestreech 1673 - 1678.
Femilie Waope Goderfroi d’Estrades.