Karel Christiaan van Nassau-Weilburg
Karel Christiaan van Nassau-Weilburg woort gebore op 16 Jannewarie 1735 in Weilburg, en is gestorreve op 28 November 1788 in Münster-Dreisen, Duitsland. Heer waor den’
einigste zoon vaan Vorst Karel August van Nassau-Weilburg (1685-1753) en Augusta Frederika Wilhelmina van Nassau-Idstein (1699-1750). Karel Christiaan van Nassau waor 'n
Milletaer en Diplomaat in deens vaan de Republiek der Zeven Verenigde Nederlanden, en waor oonder aandere Milletaer Gouverneur vaan Mestreech en Bergen op Zoom. Karel
Christiaan van Nassau-Weilburg trouwde in den Haag op 5 Miert 1760 mèt Carolina van Oranje-Nassau.(1743-1787). Carolina waor e zuster vaan Stadhouder Willem V.
Oet de ech vaan Karel Christiaan van Nassau-Weilburg en Carolina van Oranje-Nassau woorte 15 kinder gebore;
1.George Willem Belgicus van Nassau-Weilburg, gebore op 18 December 1760 en is gestorreve op 27 Mei 1762.
2.Willem Lodewijk Carel van Nassau-Weilburg, gebore op 12 December 1761 en is gestorreve op 26 Aprèl 1770 in Den Haag.
3.Augusta Maria Carolina van Nassau-Weilburg, gebore op 6 Fibberwarie 1764 in Den Haag en op 25 Jannewarie gestorreve in 1802 in Herford.
4.Wilhelmina Louise van Nassau-Weilburg, gebore op 28 September 1765 in Den Haag en is gestorreve op 10 Oktober 1837 in Greiz. Zie waor getrouwd mèt Hendrik XIII Reuss.
5.Frederik Willem van Nassau-Weilburg, gebore 25 Oktober 1768 en is gestorreve op 9 Jannewarie 1816. Heer waor getrouwd mèt Louisa Isabelle van Kirchberg.
6.Carolina Louisa Frederica van Nassau-Weilburg, gebore op 14 Fibberwarie 1770 in Kirchheimbolanden en is gestorreve op 8 Juli 1828 in Wiesbaden.
7.Karel Lodewijk van Nassau-Weilburg, gebore op 19 Juli 1772 in Kirchheimbolanden en is gestorreve op 25 juli 1772 in Weilburg.
8.Karel Frederik Willem van Nassau-Weilburg, gebore op 1 Mei 1775, en is gestorreve op 7 Mei 1807 in Weilburg.
9.Amalia Charlotte Wilhelmina Louise van Nassau-Weilburg, gebore op 6 Augustus 1776 in Kirchheimbolanden en is gestorreve op 19 Fibberwarie 1841 in Schaumburg.
Zie waor getrouwd mèt Victor II van Anhalt-Bernburg-Schaumburg-Hoyn.
10.Henriette van Nassau-Weilburg gebore op 22 Aprèl 1780 in Kirchheimbolanden, en is gestorreve op 2 Jannewarie 1857 in Kirchheim en waor getrouwd mèt hertog Lodewijk
Frederik Alexander van Württemberg
11.In 1767, 1778, 1779, 1784, en 1785 woorte vijf naomloze kinder gebore, en zien bij of kort nao de geboorte gestorreve.
Karel Christiaan van
Nassau-Weilburg
1735-1788.
Vorst Karel August van
Nassau-Weilburg
1685-1753.
Carolina van Oranje-Nassau
1743-1787.
Karel Christiaan van Nassau-Weilburg woort gebore op 16 Jannewarie 1735 in Weilburg, en is gestorreve op 28 November 1788 in Münsterdreisen
bij Kirchheim Duitsland. Heer waor de einigste zoon vaan vorst Karel August van Nassau-Weilburg (1685-1753), en Augusta Frederica van Nassau-
Idstein(1699-1750), dochter vaan vorst George August Samuel van Nassau-Idstein, en Henriette Dorotea van Oettingen-Oettingen. Ein vaan de
opveurders waor in 1744 de Deense Kolonel Karel de la Pottrie, dee häöm mèt naom nao Lausanne. Karel Christiaan volgde wie heer 18 jaor waor
ziene pa in 1753 op, oonder 't regentsjap vaan vorst Karel van Nassau-Usingen, meh woort 't jaor daonao al volwasse verklaord door Keizer
Frans 1e. Karel Christiaan stoont in 1755 zien deil vaan de stad en 't amb Homburg aon de Hertog vaan Palts-Zweibrücken, dee in ruil daoveur 't
amb Alsenz aofstoont. Karel Christiaan deende in 't Staatse Leger, en woort in 1758 benump tot Kolonel vaan 'n regimint vaan de Infanterie, en
droog de Staats-zake euver aon De la Pottrie. Nao aonleiing vaan zien houwelek in 1760, woort heer benump tot “Generaal van de Staatse
Infanterie”, en tot Gouverneur vaan Bergen op Zoom, dat heer bleef tot 1765. Umtot zien vrouw in 't geval vaan 't minderjaoreg sterreve vaan Prins
Willem V van Oranje-Nassau zie in aonmerking kaom veur 't Stadhoudersjap, gónge ze in Den Haag woene aon 't Korte Voorhout in 'n door Pieter
de Swart oontworpe stadspelies, wat noe de “Koninklijke Schouwburg” is. Evels naotot Willem V mierderjaoreg waor gewore verhuisde Karel
Christiaan en Carolina nao Weilburg en Kirchheimboladen nao Duitsland. In 1765 woort Karel Christian benump tot Kolonel vaan 'n cavalerie
regimint, en woort heer Milletaer Gouverneur vaan Sluis. Dees functie bleef heer vervölle tot 1772. In 1766 deeg heer aofstand vaan zien rechte op
Wadgassen, 'n deilstaot in Saarland Duitsland, ten gunste vaan Fraankriek. Vaanaof 1769 commandeerde heer es Luitenant-Veldmaarschalk, en
later es Veldmaarschalk de troppe vaan de Boven-Rijnse Kreits. Op 5 Jannewarie 1773 woort Karel Christiaan benump tot Gouverneur vaan
Mestreech. In dat zelfde jaor kraog zien sjoenbroor Willem V van Oranje-Nassau 't gehiele amb Löhnberg, en stoond in ruil daoveur Ruckershausen
en Oderbach aof. In 1775 kraog heer 'n hoege oondersjeiing naomelek “Ridder in de Orde vaan de Olifant”. Twie jaor later in 1777 leet heer 't
Gouvernemints-gebouw ingriepend verbouwe oonder leiding vaan de Mestreechter arsjetec Mathias Soiron. De lang-gerekde gievel aon de
Bouillonstraot woort gans vernuid en ein verdeping aon 't bestaonde gebouw touw-geveug.
Karel Christiaan van
Nassau-Weilburg
1735-1788.
Kestiel
Kirchheimbolanden.
Carolina mèt haor kinder
(Sjèlder Anton Wilhelm Tischbein)
1775.
Augusta Maria Carolina van
Nassau-Weilburg,
1764-1802.
Henriette van Nassau-Weilburg
1780-1857.
Plechtige trouwstatie vaan Karel Christiaan van
Nassau-Weilburg en Carolina van Oranje-Nassau op 5 Miert
1760 in de Grote Kerk in Den Haag.
Frederik Willem waor de veerde,en ajdste
euverlevende zoon en troenopvolger vaan vorst
Karel Christiaan van Nassau-Weilburg en Carolina
van Oranje-Nassau.
1768-1816.
Amalia Charlotte Wilhelmina
Louise van Nassau-Weilburg.
1776-1841.
‘t Stadspelies vaan Karel Christiaan
in Den Haag, noe de Keuniklik
Tejater.
In 1783 sloot Karel Christiaan 'n erfverdraag same mèt Karel Willem van Nassau-Usingen, Lodewijk van Nassau-Saarbrücken, en Willem V van Oranje-Nassau, en woort 't “Eerstgeboorterecht”, ingeveurd.
Vaanwege de polletieke probleme tösse de Republiek en Keizer Jozef II, naom Karel Christiaan in 1784 ziene congé oet al zien functies in de Republiek; zoe wie Gouverneur in Mestreech, Generaol vaan de
Infanterie, en Kolonel vaan de Cavalerie. Heer verlag zien Hofhajding nao Nassau-Weilburg, boe de staots-zake nao de doed vaan De la Potrie in 1770, door Friedrich Ludwig Freiherr van Botzen woorte
geveurd. In 't jaor 1787 kaom Karel Christiaan veur eve weer trök nao de Nederlande um te oonderhandele mèt de Patriotten, meh 't waor vergees. In eige land oondersteunde heer de opriechting vaan 'n soort
pensioen-foonds veur naobestaonde vaan seculiere ambtenere, geisteleke, lierare, en financeerde heer de foondse ouch mèt. Ouch woort de erme-verzörging aongepas, en woorte d'r maotregele genome um de
landbouw-opbringste te verbetere en de handel te stimulere. In 't oonderwies woorte verbeteringe in de lierare-opleidinge en 't sjaolbezeuk ingeveurd.
Karel Christiaan van Nassau-Weilburg storf op 28 November 1788 aon 'n beslaag in zien jach-hut in Münsterdreisen, oongeveer 8 kilometer vaan zien Kestiel in Kirchheim. Heer woort opgevolg door ziene
adjste zoon Frederik Willem.Frederik Willem van Nassau-Weilburg, gebore 25 Oktober 1768 en is gestorreve op 9 Jannewarie 1816. Heer waor getrouwd mèt Louisa Isabelle van Kirchberg.
Prinses Carolina, de dochter vaan de in 1751 gestorreve “Stadhouder Willem IV” waor 'n naokommeling oet de Ottoonse linie vaan 't Hoes vaan Nassau, die wouw trouwe mèt
Karel Christiaan van Nassau-Weilburg, oet de Walramse tak vaan 't Hoes-Nassau. Umtot Karel Christiaan neet hervörmd meh Luthers waor, gaof de “Staten-Generaal”
oersprunkelek gein touwstumming veur 't houwelek. Dee touwstumming kraog zie nou 'nen aontal maonde via häöre Bompa George II vaan Groot-Brittannië wel, en op goonsdag 5
Miert 1760 trouwde Prinses Carolina in de “Grote Kerk” in Den Haag mèt de Prins van Nassau-Weilburg. In deen tied waor dat houwelek 'n groete gebäörtenis. De stad waor
verleech, op 't Buitenhof woort vuurwerk aofgestoke en op den trouw woort nao aofloup vaan de ceremonie gevierd mèt e groet broelofs-fies in 't “Oude Hof”. 't Waor 'n roeje draod
door de historie vaan 't “Huis van Oranje”, umtot ummertouw de femilie dreigde oet te sterreve umtot d'r geine erfopvolger waor. In 1743 waor 't weer zoewiet; nao twie doed-
gebore dochters bringk Anna van Hannover, de vrouw vaan Stadhouder Willem IV, e gezoond kind op de wereld.
Carolina, woort gebore op 28 Fibberwarie 1743 in Leeuwarden, en is gestorreve op 6 Mei 1787 in Kirchheimboladen. Evels es meidske maag zie neet de troen opvolge, en ederein
wachde mèt spanning aof of ein vaan de volgende jaore e jungske gebore zouw weure. Meh dat gebäörde evels neet, en daorum woort in 1747 't Stadhouder-schap in vrouweleke lijn
erfelek verklaord. E jaor later woort tot groete blijdsjap in 't land oonverwach e jungske gebore, de latere Willem V. Ziene verjaordaag op 8 Miert woort toen es “Prinsjesdag”
gevierd. Helaas had heer e zwake gezoondheid, en waor me blij tot me Caroline van Oranje-Nassau es reserve-opvolgster had. 't Waor daam ouch de reie tot veur häör houwelek
touwstumming moos vraoge aon de “Staten Generaal”. Dees eis is nog ummertouw vaan touwpassing veur de Oranje-troen opvolgers. Oondertösse woort naogedach euver 'nen
aontal houweleks-kandidaote. Wied femilie vaan Carolina van Oranje-Nassau waor Karel van Nassau-Weilburg, gebore op 16 Jannewarie 1735 in Weilburg, en is gestorreve op 28
November 1788 in Münsterdreisen, waor ein vaan de ierste kandidaote dee in aonmerk kaom veur 'n houwelek. Trouwe mèt häöm waor aontrekkelek gezeen, umtot zie de
verdeilde Nassause-erflen daan deeg vergroete. In 1760 woort getrouwd mèt Karel Christiaan, en Carolina bleef es meugelike troen-opvolgster in Den Haag woene. Al snel woort 't
ierste kind op 18 December 1760 in Den Haag gebore, en wel Ggeorge Willem Belgicus van Oranje Nassau, dee evels al op 27 Mei 1762 is gestorreve. De jaore daonao zouw Carolina
14 kriege boevaan d'r ach nog vreug zouwe sterreve.
Mèt de hölp vaan häör ma krijg Carolina väöl belangstelling veur meziek. Carolina kós sjoen zinge, en pianio speule. In 1750 kaom nao 't hof in Den Haag de groete componis George Frederich Händel op
bezeuk, op oetnudiging van häör mam. Vieftien jaor later haolt Carolina zellevers 'nen aandere beroeump musicus nao Den Haag; 't ach-jaorege woonderkind Wolfgang Amadeus Mozart. In die jaore höbbe
de Oranjes 'nen eige hof-orkes, bestaonde oet 'n kern vaan zestien musikante, die edere week conzèrte gaove, oonder mie in plies Noordeinde, de Balzaol in 't Binnenhof en in de Oranjezaol (Huis ten
Bosch). Veural oet Duitsland en 't Habsburgse-riek woorte componiste en soliste gehaold, wie Franz Xaver Richter, Johann Christian Bach, Carl Stamitz en Ludwig van Beethoven. Meh zie woorte neet
ummertouw good betaold, zoe wie de Hofkapelmeister Christian Ernst Graaf oet Rudolstadt, dee in 1765 geld mós liene um weer nao hoes te kinne goon. Naotot häör broor in 1766 mierder-jaoreg en es
Stadhouder waor ingehöldeg, verhuisde de femilie Nassau nao Karel Christiaan's stam-kestiel in Kirchheimbolanden (bij Kaiserslautern). Ouch hei zèt Carolina ziech in veur de meziek, en oontvóng zie
Mozart veur de twiede kier. Heer gaof twèlf conzèrs, meh ouch heer heet toen te wieneg geld daoveur gekrege. Häöre maan Karel Christiaan heel ziech mèt femilie zake bezig.
't Lökde häöm um in 1783 't “Nassauische Erbverein” te slete, dat veural in Duitsland de versjèllende Nassau-takke bepaole tot gebeje en bezittinge vaan 't hoes Nassau, oondeilbaar en vervreembaar, ein
gehiel zien en blieve. Daoneve verzekert 't de erfopvolginge veur de Duitse bezittinge. Es gevolg hei vaan verloor Nederland in 1890 Luxemburg. Vrouweleke erf-opvolginge waore neet touwgestande,
zoelang d'r nog eine manneleke opvolger in de femilie Nassau waor. Daorum kós de latere Keuningin Wilhelmina (1890-1948) häöre pa Keuning Willem III neet opvolge es Groothertogin van Luxemburg.
Titel en land gónge nao de achterkleinzoon vaan Carolina en Karel, Adolf van Nassau-Weilburg. Meh in 1905 woort den'opvolging alweer aongepas, umtot Adolf van Nassau-Weilburg einigste zoon zès
dochters had, en geine zoon. Nog ummertouw regere Adolfs naokaomelinge nog via de vrouweleke lijn in Luxemburg. Caroline en Karel laote belaankrieke spore nao in Europa, umtot vaan zès hun kinder
bekans alle Europese Vorstehoezer aofstamme.
1735-1788.
Gouverneur Mestreech
1773-1784.
Femilie waope
Karel Christiaan van Nassau-
Weilburg
