Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Frederik Benjamin Alexander Philip van der Capellen
Frederik Benjamin Alexander Philip baron van der Capellen, gebore in Huize Engelenburg Brummen op 17 November 1781, en is gestorreve op 22 Mei 1854 in Mestreech. Heer waor 'n Nederlandse Luitenant-Generaal en Offeceer in de Milletaere Willems-Orde. Frederik Benjamin Alexander Philip baron van der Capellen waor ne zoon vaan Robert Jasper van der Capellen, gebore op 30 Aprèl 1743 en is gestorreve op 7 Juni 1814, en Sara Jacoba van de Velde, gebore op 30 Juli 1752 en is gestorreve op 29 Augustus 1823. Oet de ech woorte tien kinder gebore; 1.Frederic Robert Evert Gerlach van der Capellen, gebore op 6 Miert 1771 en is gestorreve op 2 November 1775. 2.Helena Clasina Petronella van der Capellen, gebore op 17 Mei 1772, en is gestorreve op 2 Fibberwarie 1822. 3.Alexander Hendrik Godert Philip van der Capellen, gebore op 23 Oktober 1773, en is gestorreve op 17 Miert 1827. 4.Cornelia Gerardina van der Capellen, gebore op 27 Miert 1775 en is gestorreve op 3 Miert 1836. 5.Frederica Roberdina van der Capellen, gebore op 30 Juli 1776, en is gestorreve op 31 Jannewarie 1832. 6.Frederica Anna Luthera van der Capellen, gebore op 12 December 1777 en is gestorreve in Oktober 1778. 7.Frederic Robert Evert Gerlach van der Capellen, gebore in 1780, en is gestorreve in 1780 ?. 8.Frederic Benjamin Alexander van der Capellen, gebore op 17 November 1781 en is gestorreve op 22 Mei 1854 in Mestreech. 9.Emerentia Luthera van der Capellen gebore op 31 Augustus 1787, en is gestorreve op 21 November 1872. 10.Anna Margaretha van der Capellen, gebore op 9 Jannewarie 1792 en is gestorreve op 15 Juni 1820. Frederik Benjamin Alexander Philip baron van der Capellen trouwde in 1805 mèt  Wilhelmina Margaretha Constantia Carolina Copes van Hasselt, gebore op 17 Miert 1782 en is gestorreve op 17 Augustus 1855. Oet de ech vaan Frederik Benjamin en Wilhelmina Margaretha woorte vijf kinder gebore; 1.Robert Jasper Gerlach van der Capellen Baron, gebore op 18 Oktober 1806 en is gestorreve op 19 Jannewarie 1870.   2.Alexander Philip Gerlach van der Capellen Baron, gebore in 1808, en is gestorreve in 1835. 3.Willem Frederik van der Capellen, gebore in 1815, en is gestorreve in 1819. 4.Margaretha Louise Francoise van der Capellen barones, gebore op 23 Aprèl 1817 in Namen, en is gestorreve op 22 Fibberwarie 1879 in St.Noclas. 5.Willem Frederik van der Capellen, gebore op 25 Augustus 1819 in Antwerpen en is gestorreve op 12 Miert 1898 in Den Haag, waor Kolonel in ‘t leger en trouwde in 1852 mèt Reiniere Johanna Constance Sandberg. Gebore in Mestreech op 27 December 1831 en is gestorreve op ?
Frederik Benjamin Alexander Philip baron van der Capellen, góng in deens es Cadet in 1796 bij 't twiede Regimint Cavalerie, en woort drei jaor later al bevorderd tot Luitenant bij 't ierste Bataljon Jagers. In dee rang voch heer mèt aon de Veldtoch in Noord Holland. Heer woort evels in 1799 bij de slag bij Bergen kriegs-gevaangene gemaak, en pas drei jaor later bij de Vrede van Amiens, op 27 Miert 1802 weer vrij gelaote. Op 14 Juni 1803 woort van der Capellen bij de Generaole Staf bevorderd tot Kapitein, en geplaots bij 't Departement van Oorlog. In 1806 woort heer bevorderd tot Luitenant-Kolonel bij de Generale staf. Heer naom deil aon de Veldtochte vaan 1806 en 1808 in Duitsland en in 1809 in Zeeland. Nao de inlijving woort heer es Luitenant-Kolonel bij de Generale staf geplaots, en naom heer deil in 1811 en 1812 aon de veldtochte in Spanje. Heer oondersjeide ziech dao op 11 Jannewarie 1812 bij Sarquessa, en op 17 December bij Trafalja. In 1813 woort van der Capellen benump tot Commandant vaan de Vesting Pampeluna, evels moos heer ziech, en de vesting nao 'n belegering vaan de Engelsen, op 1 November 1813 euvergeve. Nao 't herstel vaan de Nederlandse  oonaofhenkelekheid, woort van der Capellen op 27 Miert 1814 bevorderd tot Kolonel bij 't derde Bataljon Jagers, en veurde heer 't bevel euver de Nederlandse tróppe, die Delfzijl en Coevorden blokkeerde. Op 21 Aprèl 1815 woort heer bevorderd tot Generaal-Majoor en benump tot Provinciaal Commandant vaan de Nederlandse Provincies, Luxemburg, Namen, Antwerpen, en in 1825 vaan Utrecht. Op 8 Oktober 1830 kraog heer 't bevel euver Bergen op Zoom. Op 29 Juli 1831 woort heer bevorderd tot Luitenant- Generaal. Op 1 Aprèl 1839 woort heer Gouverneur vaan Mestreech, en kraog heer ouch 't opperbevel euver 't Hertogdom  Limburg, es opvolger vaan Ginneraol Dibbets. Op 1 Jannewarie 1841 góng heer op pensioen. Frederik Benjamin Alexander Philip baron van der Capellen waor op 12 Oktober 1814 benump in 't Riddersjap vaan Gelderland, en had op 28 Aprèl 1822  de titel vaan Baron gekrege, ouch veur zien naokoumelinge. Heer waor Officier in de Militaire Willems-Orde, Ridder in de Orde van de Unie, Officier in het Legioen van Eer, Ridder in de Orde van de Reüni, Commandeur in de Orde van de Nederlandse Leeuw, en Ridder in de Orde van Maximiliaan Joseph van Beijeren.
Zoon Robert Jasper van der Capellen 1743-1814.
Femilie Waope Van der Capellen.
Vrede van Amies 27 Miert 1802.
Huize Engelenburg Brummen.
Helena Clasina Petronella van der Capellen. 1772-1822.
Emerentia Luthera van der Capellen 1787-1872.
Sara Jacoba van de Velde. 1752-1823.
Zoon Robert Jasper van der Capellen 1743-1814.
Robert Jasper van der Capellen 1743-1814.
1781-1854. Gouverneur Mestreech 1839-18414.
Femilie waope Frederik Benjamin Alexander Philip baron van der Capellen.