Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
    Johan Adolf van Sleeswijk-Holstein-Sonderburg-Plön
Johan Adolf van Sleeswijk-Holstein-Sonderburg-Plön gebore op 8 Aprèl 1634 in Ahrensbök, en is gestorreve op 2 Juli 1704 in Bösdorf (Sleeswijk-Holstein) Duitsland. Ahrensbök is 'n plaots in de Duitse deilstaot Sleeswijk-Holstein, en maak deil oet vaan de Kreis Oost-Holstein. Ahrensbök heet op 't momint oongeveer 9.000 inwoeners.  Johan Adolf van Sleeswijk-Holstein-Sonderburg-Plön, waor 'n Duits Edelman en 'n veur-aonstaond Milletaer. Heer waor Milletaer Gouverneur in Mestreech vaan 1693 tot 1704. Johan Adolf van Sleeswijk-Holstein-Sonderburg-Plön waor de ajdste zöon vaan Joachim Ernst van Sleeswijk-Holstein-Sonderburg-Plön, gebore in Sonderburg, op 29 Augustus 1595  en is gestorreve op 5 Oktober 1671, en vaan Dorothea Dorothea Augusta van Sleeswijk-Holstein-Gottorp (1602-1682). Oet de ech vaan Dorothea en Joachim woorte zeve kinder gebore; 1.Johan Adolf van Sleeswijk-Holstein-Sonderburg-Plön, gebore op 8 Aprèl 1634, en is gestorreve 2 Juli 1704. 2.August van Sleeswijk-Holstein-Sonderburg-Plön, gebore op 9 Mei 1635, en is gestorreve op 17 September 1699 in Plön. 3.Joachim Ernst van Sleeswijk-Holstein-Sonderburg-Plön, gebore op 5 Oktober 1637, en is gestorreve op 5 Oktober 1700. 4.Ernestina van Sleeswijk-Holstein-Sonderburg-Plön, gebore in 1636, en is gestorreve in 1696.            5.Bernard van Sleeswijk-Holstein-Sonderburg-Plön, gebore op 31 Jannewarie 1639, en is gestorreve op 13 Jannewarie 1676 in Plön. 6.Agnes Hedwig van Sleeswijk-Holstein-Sonderburg-Plön, gebore op 29 September 1640, en is gestorreve op 20 November 1698. Zie waor getrouwd mèt Christiaan van Sleeswijk- Holstein-Holstein-Sonderburg-Glücksburg, gebore op 19 Juni 1627, en is gestorreve op 17 November 1698. 7.Karel Hendrik van Sleeswijk-Holstein-Sonderburg-Plön, gebore in 1642 en is gestorreve in 1655. 8.Sophia Eleonora (1644-1729), trouwde in 1666 met graaf Wolfgang Julius van Hohenlohe-Neuenstein Johan Adolf van Sleeswijk-Holstein trouwde in 1673 mèt Dorothea Sophia van Brunswijk-Wolfenbüttel, gebore op 2 Aprèl 1653, en is gestorreve op 21 Miert 1722. Zie waor 'n dochter vaan Rudolf August van Brunswijk-Wolfenbüttel. Oet de ech vaan Johan Adolf van Sleeswijk-Holstein Sonderburg Plön en Dorothea Sophia van Brunswijk-Wolfenbüttel woorte zes kinder gebore; 1.Adolph Leopold August van Sleeswijk-Holstein Sonderburg Plön. Gebore op 29 Miert 1680.  Heer storf e paar daog veur de doed vaan ziene pa, op 29 Juni 1704 door e rij-oongeval mèt zien peerd. 2.Joachim Ernst van Sleeswijk-Holstein Sonderburg Plön, gebore op 31 Augustus 1681, en is gestorreve op 27 December 1682. 3.Johan Ulrich van Sleeswijk-Holstein Sonderburg Plön, gebore op 26 Miert 1684, en is gestorreve op 26 Miert 1684. 4.Auguste Elisabeth van Sleeswijk-Holstein Sonderburg Plön, gebore op 6 Mei 1686, en is gestorreve op 24 Jannewarie 1689. 5.Christiaan Karel van Sleeswijk-Holstein Sonderburg Plön, gebore op 20 Aprèl 1690, en is gestorreve op 27 Oktober 1704. 6.Dorothea van Sleeswijk-Holstein Sonderburg Plön, gebore op 4 December 1692, en is gestorreve op 29 Aprèl 1765. Zie waor getrouwd mèt Adolf Frederik III van Mecklenburg-Strelitz.
Daniel Wolff baron van Dopff 1655-1718.
Rudolph August Hertog van Brunswijk-Wolfenbüttel. 1627-1704.
Johan Adolf van Sleeswijk-Holstein-Sonderburg-Plön had bezundere Milletaere kwaliteite. Heer maakde iers naom in deens vaan de Hertog van Brunswijk, meh heer stapde later euver nao 't “ Staatse Leger “. Johan Adolf van Sleeswijk-Holstein, woort in 1664 Generaal-Majoor, in ‘’t gevech tege de Turken. Heer volgde in 1671 ziene pa op es Hertog van Holstein-Plön. In 1674 naom heer deil aon de bleudege Slag bij Seneffe, en in de jaore daonao leidde heer de tróppe vaan Brunswijk-Lüneburg in de Elzas. Johan Adolf van Sleeswijk-Holstein vervolgde zien milletaere loupbaon bij 't “ Staatse Leger “, boe heer op 7 September 1693 de hoegste rang vaan Generaal-Veldmaarschalk bereikde. Dees benumming had in de “ Staten ” vergadering gein unanimiteit, umtot Groninge en Friesland liever hun Stadhouder Hendrik Casimir dee bunumming gönde. Veer daog daonao volgde de benumming vaan Johan Adolf van Sleeswijk-Holstein tot milletaer Gouverneur vaan Mestreech (1693-1704). De Vestigings stad Mestreech waor in die jaore belaankriek veur de tróppe vaan de Staatse, Zweedse en Brandenburgse tróppe, tijdens de “ Negenjarige Oorlog ”. In opdrach vaan Keuning-Stadhouder Willem III van Oranje, veroverde Johan Adolf van Sleeswijk-Holstein, op 28 September 1694 de stad Hoei op de Franse. Johan Adolf van Sleeswijk-Holstein Gouverneur vaan Mestreech, maakde e begin mèt de bouw vaan Fort Sint-Pieter, um zoe de Vestings-Stad Mestreech beter te kinne verdeidege. Zien opvolger es Gouverneur, Daniël Wolff baron van Dopff, maakde de bouw vaan 't Fort weijer aof. Nao 't oetbreke vaan de “ Spaanse Successie Oorlog ”  in 1701, woort vaan Johan Adolf van Sleeswijk- Holstein-Sonderburg-Plön neet väöl mie gehuurd. Alle beslissinge woorte in deen tied genome door de Vestigings Commedant Daniël Wolff baron van Dopff, meh van Dopff woort evels pas in 1713 benump tot milletaer Gouverneur vaan Mestreech.
Schloss Ahrensburg. Gebouwd in 1595.
Keuning Willem III van Oranje. 1650-1702.
Adolf Frederik III van Mecklenburg-Strelitz. 1686-1752.
Dorothea van Sleeswijk- Holstein-Sonderburg-Plön 1692-1765.
Ernestina van Sleeswijk- Holstein-Sonderburg-Plön (1636-1696)
Joachim Ernst van Sleeswijk-Holstein- Sonderburg-Plön. 1595-1671.
Femilie waope Johan Adolf van Sleeswijk- Holstein-Sonderburg-Plön
1634-1704. Gouverneur in Mestreech 1693-1704.