Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.Alphonsius Baeten
't Kabinèt kós gein euvereinstumming bereike euver dee wèt vaan 't umroopbestèl. Heer waor zellevers bestuurslid vaan de KRO en daoneve lid vaan 't Fractie Bestuur vaan de Twiede Kamer. In 't jaor 1967 op 16 December, woort heer Börgemeister vaan Mestreech. Heer waor Börgemeister tot 1 Mei 1985 en woort opgevolg door Mr. Philip Houben. In zien funktie es Börgemeister vaan Mestreech heet heer ziech in 't bezunder ingezat veur de koms vaan d'n Universiteit Mestreech en veur  'nen Internationaal congrescentrum. Op 9 Jannewarie 1976 woort de Universiteit Mestreech geopend door Keuningin Juliana. Mèt 't oonderteikene vaan de opriechtings-oerconde in de Sint Servaos kèrk, opende de keuningin de Rijksuniversiteit Limburg (RL). 'n Nuie door 't riek bekostigde instelling veur wetensjappelek oonderwies en oonderzeuk. Ein vaan de reije waor vaan 't Kabinet De Jong um in 1969 te beslute um 'nen Universiteit in Mestreech te bouwe, umtot dao väöl wèrkeloze waore door o.a. de sleting vaan de mijne. 't Oonderwies aon de Faculteit vaan Geneeskunde waor begos mèt 50 studente en de jaore daonao kaome dao nog e stök of vijf debij en greujde 't aontal studente oet tot ruim 13.000 en 't aontal mètwerkers tot ruim 3.500. 't Twiede groete projec boe Börgemeister Baeten ziech veur zouw inzètte en heet ingezat, waor um e groet congres-centrum nao Mestreech te hole. Dat gebäörde in 1974 wie de Eurohal nao Mestreech op de Greend woort verplaots. Ein vaan de belangriekste reije waor, de sociaal-culturele en netuurlek de economische beteikenis, dee zoe'n congrescentrum veur de Gemeinte Mestreech zouw goon vervölle. In 1983 naom de Gemeinte Raod 't besluut um 't Mecc te goon bouwe op 'ne groetere en ruimere plaots daan dee vaan op de Greend, en eve later woort den' ierste de paol gehowwe door Staats Secretaris Van Zeil. De officiele opening vaan 't MECC (Maastrichts Expositie en Congres Centrum) woort gedoon op 23 September 1988 door Prinses Magriet. Venaof noe kós me op groete sjaol projecte opstarte, en dao had me noe genóg ruimte veur.Börgemeister Mr Alphonsius, Maria , Ignatius , Hubert , Baeten kraog väöl oondersjeidinge en de belangriekste is netuurlek dee vaan Ridder in de Orde van de Nederlandse Lieuw, op 29 april 1969. Börgemeister Baeten woort in 1985 opgevolg door Börgemeister Houben.
Mr Alphonsius, Maria, Ignatius, Hubert, (Fons) Baeten  gebore op 10 Aprèl 1920 in Mestreech, en is gestorreve in Mestreech op 7 Jannewarie 1996. Heer trouwde in 1945 mèt Mw.G.M.A. Steegmans. Ziene Pa waor Cornelius Hubertus Baeten ( Notaris ) gebore in Sittard op 26 Juni 1988, en waor getrouwd mèt A.M.J.H. Slijpen gebore op 11 Augustus 1893 in Mestreech. Fons Baeten woende jaore laank in de Cortenstraot in Mestreech, en waor Börgemeister vaan 1967 tot 1985. Nao tot heer gestudeerd had aon 't R.K. Gymnasium "Hendric van Veldeke College" in Mestreech, góng heer rechte studeren aon de Katholieke Universiteit vaan Nijmege, en studeerde dao aof op 20 Fibberwarie 1941. Nao d'n twiede wereld oorlog woort heer staf-mèt-werker vaan de milletaere leiding in Mestreech tot 't eind vaan 1945. Daonao woort heer vaan 1945 tot 1965 advokaot en procureur in Mestreech. Ziene polletieke laopbaon begós heer op 7 September 1946. Heer woort lid vaan de KVP en kaom in de gemeinteraod vaan Mesreech tot 6 September 1966. Op 1 September 1953 tot Septenber 1957 woort heer Wethouwer vaan (oonderwies,kuns en wetensjappe) . Börgemeister waor toen Baron Willem Michiels van Kessenich. In 1956 woort heer gekoze tot lid vaan de Twiede Kamer der Staten-Generaal en bleef dat tot 22 Fibberwari 1967. Heer waor woordvoerder vaan Justitie, culturele zake en natuurbeheer vaan de Twiede Kamer fractie. In 1964 waor heer ouch woord voerder in de Twiede Kamer euver 't oontwerp vaan de Wèt op de Kans-speule. Eine door häöm ingedeende motie en aongenome motie, euver 't op 1 Miert 1965 ingedeende wèt op 't umroopbestèl waor de aonleiding vaan de val vaan 't Kabinèt Marijnen.  
Oondersjeidinge  Ridder in de Orde van de Nederlandse Leeuw, 29 april 1969  Commandeur in de Kroonorde van België, april 1985  Grosses Bundesverdienstkreuz, Bondsrepubliek Duitsland  Orde van Verdiensten van Frankrijk  erepenning in goud stad Maastricht  zilveren erepenning provincie Limburg.
Mr Alphonsius, Maria Ignatius ,Hubert  Baeten.
D’n ierste aonplant door  Gouveneur Van Rooij vaan de wiengaard " de Apostelhoeve" in 1970.
Bezeuk Keuningin Beatrix 1981.
Opening Kennedy Brögk. 6 mei 1968.
Opening Universiteit Mestreech 9 Jannewarie 1976.  
1920-1996. Börgemeister Mestreech 1967-1985.