Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.Hendrik Raat
Hendrik Raat is gebore op 18 November 1815 in Wogum, en is gestorreve in Den Haag op 13 Fibberwarie 1899. Heer waor ‘ne gepensioneerde Majoor vaan ’t Koninklijk Nederlands Indisch Leger (Knil), wie heer börgemeister vaan Mestreech woort. Veurtot heer woort gekoze tot börgemeister vaan Mestreech, waor heer börgemeister vaan Woerden vaan 1863 tot 1865. Heer waor Rooms Katholiek, evels in de stad Woerde waore de mieste lui Protestant. In ’t jaor 1867 woort heer gekoze tot börgemeister vaan Mestreech en bleef dat tot 1873. Hendrik Raat waor nao zien benumming veur de gemeinteraod vaan Mestreech gein gooi käös en heer woort dèks neet gekind in besluten. Heer woort zoegèt euveral boete gehouwe. ’t Waor miejer Wethouwer Pijls dee in deen tied de deens oet maakde in Mestreech. Willem Hubert Pijls, waor veur Hendrik Raat, zes jaor laank börgemeister gewees, naomelek vaan 1861 tot 1867 . ’t Waor Gouveneur De Wilter dee oordeilde tot Willem Hubert Pijls neet gesjik waor, um dees functie vaan börgemeister vaan Mestreech te vervölle. Nao zien ierste termien vaan zes jaor, leet Hendrik Raat ziech neet mie her-beneume veur ’t börgemeister-sjap vaan Mestreech. Veur de twiede kier woort Willem Hubert Pijls tot börgemeister vaan Mestreech gekoze, en noe veur ’n periood vaan 1873 tot 1900. Tijdens de ambts-periood vaan Hendrik Raat heet me e begin gemaak mèt ’t oontmantele vaan de stads-verdeidigings wèrreke. Op 20 Miert 1867 volgde den ‘ installatie vaan Hendrik Raat es börgemeister vaan Mestreech. In gezette woort dee benumming en installatie breid oet gemete. De Gemeinteraod oontvóng deen Hollender keul, meh ‘t vollek reageerde nao ziene touwspraok tot ‘t vollek oetgelaote. Dat heel Hendrik neet tege um es Milletaer in Nederlands-Indië carrière te make.   Mèt zien oonderdeil maakde heer es Ie Lutenant in 1849 deil oet vaan de derde expeditie nao Bali.  Veur zien courageus en heldedaod optrejje dao, woort heer oondersjeie mèt de Milletaere Willem-Orde. In 1851 volgde zien bevordering tot kapitein bij ‘t garnizoens-bataljon in Banka (Sumatra). Heer verleet de Milletaere deens in 1858 en kierde es Majoor trök nao Nederland. Hendrik Raat woende nog eve bij zien femilie in Midwoud veur tot zien benumming volgde es Börgemeister vaan Woerde. Heer waor dao al e paar jaor wèrkzaom, wie heer gevraog woort um Börgemeister vaan Mestreech te weure, umtot de zittende Börgemeister Pijls neet mie herbenump woort, en me iemes wouwe höbbe dee bove de pertijje zouw stoon.Op veurdrach vaan de minister vaan Binnenlandse Zake J. Heemskerk, woort op 24 Fibberwarie 1867 de beneuming door keuning Willem III good gekäörd. Minister Heemskerk sjreef: “Ik heb getracht iemand te vinden, die vreemd aan de aldaar heerschende partijen, de vereischte geschiktheid bezit om die betrekking met beleid, onpartijdigheid en kracht te vervullen”. Bezunder waor tot de aoftrejjende Börgemeister Pijls deil oet góng make es Wethouwer vaan de Gemeinteraod. De gezèt sjreef toen al : “Strijd tussen Pijls en Raat “. De tegewerking  vaan Pijls maakde ‘t Börgemeistersjap neet gemekelek veur Hendrik Raat. Nao gelobby bereikde Pijls d’r mèt, um nao ‘t zès jaor Börgemeister-sjap vaan Raat, tot dee neet mie tot Börgemeister vaan Mestreech herkoze zouw weure. De zin vaan Hendrik Raat waor ouch euver en vertrok in 1873 nao Den Haag...
In Mei 1867 woort ‘ne comissie benump veur ’t oonderzeuk vaan de aofbraak vaan die Vestingswèrreke. Me numde dee Comissie de Comissie “O “ . In dee Commissie zaote toen W.H.Pijls, P.Blanchemanche, C.A.Baron de Bieberstein, en mr.Franquinet dee historicus en stads-archivaris waor in deen tied. Dee Commissie moos antwoord geve op de vraoge wie me de stads-aofbraok en stadsoetlègk ter hand moos neume, en wie me moos oonderhandele mèt ’t riek. Me maakde daankbaar gebruuk vaan de ervaringe vaan de Belzje stei wie Namen, Bergen, Kortrijk en Charleroi. De oppervlak vaan de Vestingwèrreke waor zoegèt wie 255 ha, boevaan ongeveer 175 ha. in de verkoup kaom.De koste vaan ’t aofbreke waore 314.000 gölde, meh de verkaop vaan 44 ha.groond had 399.700 gölde opgebrach !! Hendrik Raat waor getrouwd mèt Anna Margaretha Boerlage, gebore op 4 Jannewarie 1832 in Samarang Java - Nederlands Indïe en is gestorreve op 1 Miert 1909 in Den Haag. Oet de ech vaan Hendrik en Anna woorte 7 kinder gebore; 1.Jacob Jan Reinier Raat, gebore op 11 Juli 1856 in Riau Indonesië. en is gestorreve op 9 Miert 1938 in Rijswijk. 2.Louis F H Raat gebore op 8 Aprèl 1862, en is gestorreve in 1904. 3.Anna Charlotte Cornelia Raat (Szadurski), gebore op 10 Augustus 1863 in Nijmege en is gestorreve ? in Paries. 4.Francine Maria Martha Raat (Speyer), is gebore in Nijmege op 20 September 1865 en is gestorreve op 8 Oktober 1954 in Den Haag. 5.Lotje Raat, gebore 1837 ? en gestorreve 1889 ? 6.Henri Raat gebore in 1837 ? en is gestorreve in 1889 ? 7.Frans Willem Raat gebore in 1837 ? en is gestorreve in 1889 ? Hendrik Raat vestigde ziech mèt zien femilie op 10 Augustus 1863 in Woerden meh verhuisde op 30 November 1865 nao Hees, en in 1867 verhuisde zie nao Mestreech. Nao zès jaor woort heer oontslage ten gevolge vaan interne partijwoelinge in 't gemeintebestuur. Heer woort opgevolg door Willem Hubert Pijls.
Hendrik Raat 1815-1899.
Stafkaart Vestigingwèrke 1840.
C.A.Baron de Bieberstein  1796-1880.          
Aofbraok Tóngerse Poort. 1868.
Bosch poort.
Zoon Jacob Jan Reinier Raat. 1856-1938.
Hendrik Raat.
1815-1899. Börgemeister Mestreech 1867-1873.
Hendrik Raat 1815-1899.
Klaas Jan Rijt 1788-18345, en Cornelia Pieters Veul 1791-1853. Zien awwers.