Home Historie Artieste Bestuurders Febrikke Gouverneurs Kemedie Meziek Vollekstiepe De Werreke
Börgm.Leopold van Oppen
De brök waor te smal en verkierde in 'ne slechte staot. 't Woort tied veur 'ne nuie, sjoene en moderne oever-verbinding. De Aw brök kós me daan ouch mèr beter hielemaol aofbreke. Op 10 Mei 1926 stumde de mierderheid vaan de Gemeinte-raod vaan Mestreech veur aofbraok vaan de Aw brök. Riekswater-Staot had al lang nui planne ligke um 'ne nuie brök, mèt 'nen iezere euverspanning te bouwe op de plaots vaan de Aw brök. Meh wie de Gemeinteraod de vergunning had gegeve veur de sloop vaan de brök, woorte de Mestreechtenere wakker. D'r kaom e groet protes in de stad euver den' aofbraak. d 'r Woort 'ne kommissie opgeriech, breve gesjik nao de Keuningin, en de Ministers bemeujde ziech ouch demèt. Oet-eindelek kierde 't tij en woort beslote um de Aw brök te behawwe en 'ne nui brök debij te bouwe, de Wilhelmina brök. De Aw brök zouw gerestaureerd weure, meh de Riekswaterstaot had dao 'nen aandere gedachte euver wat restaureren is. In feite is de brök naomelek gaans aofgebroke. De iewe aw boge woorte mèt dinamiet gesprónge, en in gewapend beton weer opnui opgebouwd. En me maakde nog 'nen iezere baog. Ouch woort ‘t geet-iezere stangkètsel gesloop en vervaange door ‘ne steine moer. Stökke vaan ‘t geet-iezere stangkètsel kin 'me hei en dao in de stad nog te zien, zoe wie bij den' Openbare sjaol in de Begeinestraot en op de Kommel. In 't jaor 1932 waor 'ne twiede Maos-brök, de Wilhelmina-Brök debij gekaome, meh dee zelfde brök woort door de Duitsers in 1944 opgebloze en pas in 1960 weer door 'ne nuie vervaange. Bij zien zèlvere Ambts-zjubilei woorte häöm twie monuminte aongeboje.'t Ierste waor 'ne gemetselde  baank, gemaak en oontworpe door docente en studente vaan de Middelbaore Kunstnijverheids sjaol. Dee gemetselde baank steit in 't park gelege aon 't Tongerseplein. 'Ne broonze buuste woort gemaak door Charles Vos en aongeboje door de Woening-vereiniging Beter Wonen, die op dee wiek väöl woeninge gónge bouwe. De buste steit in 't Goeman Borgesius plantsoen bij de Elisabeth Stroevenlaan en woort onthuld op 15 September 1935. In 't jaor 1937 woort van Oppen opgevolg door Baron Michiels van Kessenich, vaan de Rooms-Katholieke Staots-partij.
Bij zien zèlvere ambt-zjubilei woorte twie monuminte aongeboje.  ein baank, oontworpe door docente en studente vaan de Middelbare Kunstnijverheidsjaol en 'ne brónze buste.De buste woort gemaak door Chales Vos en steit in 't Goeman Birgesiusplantsoen.
Börgemeister van Oppen 1918.
Leopold Bernard Josef van Oppen woort gebore op 23 Augustus 1871 in Mestreech, en is gestorreve op 20 Oktober 1941 in Mestreech. Zien beroop waor Jurist en heer waor Börgemeister vaan Mestreech vaan 1910 tot 1937. Veurtot heer tot Börgemeister woort gekoze waor heer iers ‘nen aontal jaore Gemeinte-secretaris in Mestreech. Ziene pa waor Jean Mathieu Eugène van Oppen, gebore op 18 December 1834 in Schimmert, en is gestorreve op 9 Aprèl 1885. Jean Mathieu Eugène waor advecaot en kandidaot Notaris. Heer waor getrouwd mèt Antoinette Getrude Boots. Jean Mathieu Eugène van Oppen woort same mèt zien dochter Maria Elisabeth en zien zoon Antoine Ferdinand vermaord. Zoe verloor van Leopold Bernard Josef van Oppen, wie heer 14 jaor waor, ziene Pa, broor en zuster. De drei-dobbele mäördeneer waor Caesar Timmermans, 'ne kaopmaan en winkeleer oet Heerlen. Timmermans dee dèks procedeerde tege de gemeinte, waor gerinneweerd door de väöle processe, en de sjäöld daovaan gaof heer aon de Pa en awwer broor vaan Josef van Oppen. Leopold Bernard Jozef van Oppen is gebore op 23 Augustus 1871 in Mestreech, en is gestorreve op 20 Oktober 1941 in Mestreech. Leopold trouwde mèt Clementina Maria Julia Schmedding, gebore op 21 Oktober 1874 in Amsterdam, en is gestorreve in Mestreech in 1943. Oet de ech vaan Leopold en Clementina woorte 12 kinder gebore; 1.Herman Antonius Maria van Oppen, gebore op 16 Oktober 1898 in Meerse, en is gestorreve in 1909. 2.Marie Jeanne Anne van Oppen, gebore op 3 Aprèl 1900 in Meerse, en is gestorreve in Mestreech in 1986. 3.Clemens Alphonsus Carolus Maria van Oppen, gebore op 20 Mei 1901 in Meerse en is gestorreve in Sittard op 15 December 1984. 4.Joseph Arnold Eugène Marie van Oppen, gebore op 23 Jannewarie 1903, en is gestorreve op 5 November 1919. 5.Antonia Josepha Clementine Maria van Oppen, gebore op 24 Aprèl 1904 in Meerse en is gestorreve op ? 6.Emilia Eugenia Maria van Oppen, gebore op 20 Augustus 1905 in Meerse, en is gestorreve in Mestreech op 11 Miert 1976. 7.Anna Julia Josepha Maria van Oppen, gebore op 3 December 1906 in Mestreech en is gestorreve ? 8.Mathilde Philippine Marie van Oppen, gebore op 28 Juni 1908 in Mestreech en is gestorreve op ? 9.Henriette Pauline Marie van Oppen, gebore op 19 December 1909 in Mestreech, en is gestorreve op 15 Aprèl 2002 in Geleen. 10.Eugene Alphonse Marie van Oppen, gebore in Mestreech op 30 Augustus 1911, en is gestorreve ? 11.Julia Augusta Maria van Oppen, gebore op 2 Oktober 1913 in Mestreech en is gestorreve in Weert op 19 Fibberwarie 2009. 12.Madeleine Caroline Marie van Oppen, gebore op 5 December 1915 in Mestreech en is gestorreve op 19 Aprèl 1941. Leopold Bernard Josef van Oppen waor 27 jaor laank Börgemeister vaan Mestreech in 'ne meujeleke tied vaan d'n ierste wereld oorlog en de crisis-tied vaan veur de twiede wereld-oorlog. Den ' ierste socialiste kaome oonder zien börgemeister sjap veur 't iers in 1920 in de raod en mèt hun, 't ierste vrouwelek raodslid. Deen tied woort beheers door den ' ierste wereld-oorlog, de neutraliteit vaan Nederland en de koms vaan Belzje vlöchtelinge. En 't waor netuurlek 'ne crises-tied, meh van Oppen tuinde 'n sociaal geziech en organiseerde 'n gemeinteleke wèrk- versjaffing, bouwde e nui hospitaol, en den’ ierste bejaarde hoezer in Mestreech. Heer waor 'ne sjèlderechtege maan mèt 'ne komaof vaan administratie vaan 'ne febriks directeur. Heer heet väöl beteikend veur de differentiatie vaan de industrie en handel in Mestreech. Oonder zien bestuur kaomde in Mestreech febrikke, wie ein vaan hospitaol-bèdde, 'ne buizefebrik, en ‘ne pepèrre-zakke febrik veur cemint en kunsmès. In dee periood, vaan Börgemeister van Oppen, woort ouch in 1913 't centraal Station vaan Mestreech gebouwd. 't Waor 'nen oontwerp vaan George Willem van Heukelom. Weijer woort 't spoor Heerlen-Schin op Geul aongeslote op Mestreech en de lijn geopend vaan Mestreech nao Aoke. De Aw Maosbrök , dee in 1932 de naom kraog vaan Sint Servaosbrök, woort oonder zien bestuur in 1933 gerestaureerd. In 1926 voonte de Gemeinteraod, mèt Börgemeister van Oppen veurop, tot 't tied woort um dee Aw Sint Servaos-brök weer te verbetere en te restaurere.
Graaf vaan Börgm. van Oppen.
Börgemeister van Oppen en gemeinteraod 1928.
Leopold Bernard Josef van Oppen  1871 - 1941.
Eugine van Oppen. 1834-1885. Vermaord op 9 Aprèl 1885.
Leopold Bernard Josef van Oppen 1900.
1871-1941. Börgemeister Mestreech 1910-1937.