Bosch Poort
Bosch Poort Stads Kant
Alexander Schaepkens
1867.
In ‘t noorde vaan de stad leep e weeg riechting Hocht en s’ Hertogenbosch. Hocht waor e klein dörpke (Neerharen-
Lanaken) dat noord-westelek vaan Mestreech laog. Bij d’n ierste umwalling kós me de stad inkaome of weer verlaote via
de Hochterpoort. Neve de Hochterpoort waor nog ‘ne kleinere poort, dee me ouch de kleine Leugepoort neumde, en dee
me es gevaangenis heet gebruuk. De (Alde) Hochterpoort laog kort bij de Groete en Kleine Grach. Dat waore grachte die
door de hoegere ligking bekaans ummertouw druug stoonte. Ouch de Alde Hochterpoort woort gebruuk vaanaof 1306 es
gevaangenis.De poort woort al in ’t jaor 1231 genump. Es me ‘n nuie Proost vaan ’t Sint-Servaas binnehaolde, woorte de
gevaangene vrij gelaote. Meh, zie mooste wel iers mèt dee stoet vaan de nuie Proost, op bloete veu veurop laope. Heer of
zie had ‘ne groete bougie in hun han, en waore gekleid in ‘ne difflamerend wit linne kleid. De Hochterpoort woort in 1632
aofgebroke en me gebruukde de stein, veur de bouw en de fundering vaan ’t nui te bouwe stadhoes (1659-1664),
oontworpe door Pieter Post. Wie me d’n twiede umwalling had gebouwd, kós me de stad oonder aandere verlaote langs de
Boschpoort. De Boschpoort woort in deen tied ouch wel de nuie Hochterpoort genump. De poort is naoventrint ’t jaor
1300 gebouwd en woort veur ’t iers genump in ’t jaor 1316. De Boschstraot waor in de middeliewe ‘ne werkstraot mèt
alderleij handel. In deen tied woort ’t mieste dao d’n hout handel bedreve. Me numde dat gedeilte vaan de straot, dat
zjus boete den’ ierste umwalling laog, ouch wel de hout merret. In ’t jaor 1502 woort de Boschpoort, dee ter huugde vaan
boe noe de Sphinx steit, herstèld door architect Conrad van Noerenborch. Heer lieverde evels slech werk, umtot de poort
al e jaor daonao begós te verzakke. De poort kós me mèt de groetste meujte weer herstelle meh dao zaote ouch groete
koste aon verboonde.De bouwmeister woort veur dat slech werk, veur iewig de stad oet verbanne. Tijdens ’t belègk in
1579 door de Hertog vaan Parma, mèt zien Spaonse soldaote, woorte de twie torens kapot gesjote en later neet mie
opgebouwd. De Boschpoort waor same mèt de Brusselse poort, de drökste poort vaan Mestreech. In 1632 woort de poort
gèt breijer gemaak, zoetot de boere mèt hun hui-wagele beter door koste goon. In ’t jaor 1869-1870 woort de Boschpoort
aofgebroke um plaots te make veur woeninge en febrikke.
Deil vaan de verdeidigings moer aon de westkant vaan de Boschpoort oet 1860.
Good is te zien tot me in de 17e iew ‘nen eerde wal had aongelag um de helf vaan de
moer te bedèkke. Oonderaon kin me de Cunette zien die me aongelag had, um de
grachte vaan water oet de Jeker, te veurzeen.
Boschpoort Veldkant mèt op d’n achterkant de
Spinx febrikke.
Bosch Poort Veld-Kant
Alexander Schaepkens
1867.