Beppie Kraft
Barbara Laurentia Christians Kraft is gebore op 5 Juni 1946 te Mestreech, en is 'ne dochter vaan Sjeng Kraft en Marie Westenberg, en zuster vaan Marja, Trudie en Suzy.
Beppie greujde op in 'ne muzikale femilie en kraog de meziek zoe gezag mèt de paplepel ingegote. Häöre pap Sjèng, waor accordeonist, arrangeur, producer, songsjrijver en
wèrkde bij Johnny Hoes en zörgde d'r veur tot zie 'nen oetstekende muzikale bojem kraog. Sjèng Kraft is gebore op 12-12-1924 op de Groete Grach, en lierde al vreug accordeon
speule. Wie heer dertien jaor waor, woort heer in Luik wereldkampioen accordeon speule en later woont heer nog mie boetelandse concourse. Sjèng waor 'ne tied laank dirizjent
vaan "De Vrolijke Limburgers" en vaan 't Telstar orkes dat o.a. De Zangeres Zoonder Naam, Harry Bordon en Oscar Harris begeleide. Heer sjreef väöl leedsjes veur zèngers en
gròppe. Zoe maakde heer väöl leedsjes veur Beppie, meh ouch veur de gròp Normaal. Zien groetste hit waor 't sjrieve vaan " De Vogeltjes Dans ", dat 'ne wereld hit woort. Heer
storf op 3 Juli 1999 en ter iere vaan haom woort in 2000 de stiechting " De Sjèng Kraft Kompenei " opgeriech. Wie Beppie elf jaor waor zóng zie veur 't iers, veur 't groete
pebliek, 't winnend Vastelaovendsleedsje vaan Mestreech " Diech Bis Mien Nissjeke ". 't Is de start vaan 'nen indrökwekkende lies vaan Mestreechse en Limburgse leedsjes en
hits die Beppie allerweil op häör naom heet stoon. Beppie wèt 't pebliek op de ein of aandere meneer te rake en heet eder jaor weer e nui hit of 'ne Vastelaovends kraker. Wie ze
vieftien jaor waor bringk zie häör ierste singel oet en d 'r zouwe nog väöl single's en l.p.'s volge. Zie is al jaore laank 'ne zier gewardeerde gas zoewie op de Boete Gewoene
Boetezitting, de Elfde vaan de Elfde en op 't Preuvenemint. E paar vaan häör bekinde en mie es viefhoonderd leedsjes zien : Iech bin zoe verleef, Oet Limburg Kump de Meziek,
Laot Us Same, en zoe kinne ver nog wel eve door goon. Vaan 1981 tot 1999 vörmde Beppi same mèt Mat Haake 't kemikke duo Berb en Gradus , twie Mestreechter Volkstypes. In
1981 deeg zie mèt aon 't L.V.K. mèt 't leedsje " Dao Zit Vastelaovend in de Loch " en zie behaolde daomèt 'ne twiede plaots. E paar jaor later in 1985 deeg zie ‘t beter umtot zie
mèt ‘t leedsje “Jao hei in Limburg” ’t LVK woont, en dat leedsje kaom oet op 't plate label vaan Telstar. Venaof 1987 tot 2004 gaof zie same mèt Connie Peters leiding aon de
groete Limburgse plaate-maotsjappij Marlstone. "t Label bringk plaate en noe c.d.'s oet vaan o.a. Frans Theunisz, Schintaler, André Rieu en nog väöl mie Limburgse meziek.
Op TV Limburg heet zie 'n kookprogram gehad. In 1994 krijg zie de Gouwe Narrekap umtot Beppie en Vastelaovend, dat huurt bieien zjus wie Mestreech en de Maos.
Beppie Kraft is gebore op de groete Grach en dochter vaan Sjeng Kraft en Marie Westenberg. Beppie waor in de jaore sestig zangerès bij ‘t
dansorkès The New Rising Stars. Pierre Knubben zien broor Matti, späölde dao klarinèt en saxofoon. Wie trompötis Jean van der Meulen de
band mós verlaote umtot heer in militaire deens góng, kaom Pierre, dee ouch trompöt späölde, sjus oet milletaire deens. Heer woort de nuie
trompötis, en Beppi woort metein verleef op häöm ! In 1966 heel ‘t orkes op te bestoon, en Pierre Knubben geit speule bij ‘t orkès vaan zien
aonstaonde sjoenpa Sjeng Kraft, dee bij de plaotematsjapij Telstar wèrkde vaan Johnny Hoes. Piere Knubbe heet es trompötis bij Telstar ‘nen
aontal solo-plate gemaak oonder de naom vaan Joe Harris. Beppie zong in deen tied bij Telstar in achtergroond kuurkes, meh ouch solo. In 1967
gónge Beppie en Pierre trouwe, en maakde Beppie in dat jaor häör ierste Vastelaovends hit, Diech kins miech tra la la. 't Waor neet altied zinge
in häör leve en zie heet netuurlek ouch gewèrek. Bij de V&D waor zie jaore laank Tèlefooniste en woort zier gewardeerd door häör collega's.
Beppie wèrkde ouch bij de Gulpener beerbrouwerij, en mós ‘t beer oet Gulpe boete Limburg bekind make. En in ‘t weekend trooj zie op mèt fies-
repertoire, veural in Mestreech. Evels weijer daan Meerse kaom zie neet. Zie had ‘n repertoire vaan ‘n haaf oor, mèt meziek ben zoonder zaank,
dee häör pa bij Telgram had gemaak. Door de radio woort Beppie ouch bekind boete Mestreech, veural door de in deen tied bestaonde
Piratezenders, oonder aandere oet de Belzje regio. Es e nui pleetse vaan häör oetkoum, daan gónge zie die zènders langs um ‘t pleetsje te
promote. Umtot Beppie ummertouw bekinder woort, had Johnny Hoes ‘t gedach um e Hollands pleedsje mèt häör te make. Neet oonder de naom
vaan Beppie meh es Marja. Beppie zong al mèt op ‘n Hollandse verzamel L.P’s, meh ‘t pleetsje vaan Marja waor niks, en ‘t woort ouch niks. Väöl
ste Limburgs Nederlands !
't Ierste muilke
Danse
De ingelkes
De nach is nog zoe laank
Deep in mien hart
Dees stad
E bitje verleef
Ich bin zoe verleef
Iech bin beppie
Iech veul miech riek
In d'n hiemel
Joonk vaan hart
Kakkedie
Laot de zon in dien hart
Limburg allein
Loeënde klokken
1994 - Gouden Narrenkap
2006 - Ridder in de Orde van Oranje Nassau
2007 - Ereburger van Maastricht
2011 - Bronsgroene Leeuw Liveke.
Beperkde Discografie
Oondersjeiinge
Sjeng Kraft.
Berb & Gradus.
Bronsgroene Leeuw
Liveke. 2011
Ridder in de Orde van
Oranje Nassau
2006.
Gouden Narrenkap
1994.
In 1987 naom zie same mèt Connie Peters de platemaotsjappij Marlstone euver, boe zie ‘t oongenuteg drök mèt had, en waor ouch oonder
aandere de groond tot Pierre mèt vreug pensioen góng. In 1998 kaope zie in Spanje e hoes boe zie nao ‘t Vastelaovends seizoen vaan goon
genete. Nao de Vastelaovend deeg zie gein optrejje’s mie, en zoe gónge Beppie en Piere zès maonde genete vaan de Spaonse zon, tot aon eind
Oktober wie ‘t Vastelaovend seizoen weer laankzaam begós. Zie steit noe mie es 50 jaor op de buun en heet tientalle Vastelaovends sjlagers op
häöre naom stoon miestal gesjreve door häöre Pap. En allemaol mèt zengers en of artieste die tot 't vaste repertoire vaan Vastelaovends
vierend Limburg zien goon behure. In 1994 weurt zie ouch Ridder in de Orde vaan Oranje Nassau. Beppie Kraft de Edith Piaf vaan
Mestreech is 'ne kleine zangeres mèt e groete stum, boemèt zie op fiesteleke mominte en mèt de Vastelaovend Mestreechter leedsjes zingk. In
2007 vierde de Keuniging vaan 't Limburgse leed häör viefteg jäöreg artieste zjubilei mèt e fiestelek opteije oppe volle Mèrret in Mestreech.
Beppie in Ahoy 18 November 2013.
Beppie en Pierre 1967.
Met Haom
Miene leefste
Morge zow iech 't weer euverdoen
'n roes veur ederen daag
Roetsjleed
Oet Limburg kump de meziek
Same mèt diech
Same doort mer eve
Sierra Madre
Sjoen kin toch 't leve zien
Spiet
Vendaog
Zoenen daag.
V’r Leve.
Joonk vaan Hart.
Beppie Knats gek.