| |
|
’t
Verhaol vaan Vrow Versjevee |
|
Vreuger in ’t Laank
Gressje wie ’t nog bewoend waor aon edere kant, waor in edere baoge
'n huiske . In ein vaan die huiskes woende Vrouw Verzjevee met häöre
maan. De buurt waor errem en Vrow Versjevee die nejde veur de luij. Häöre
maan had vaan 'e sigare kiske ’n nejkis gemaak met sjoen kopere
negelkes en vaan binne met roed stof bekleijd.Es 'e feeske in de
buurt woort ge-organiseerd daan ging me bei de luij roond um cent op te
hole um ’t fies te betaole en dat gebäörde daan met ’t
nejkiske. ’t Nejkiske woort op ‘nne fies aovend auch wel ins zoe
genaomp verloot. De luij kochde daan leutsjes en
wowwe dat nejkiske daan geere winne, meh
op ’t leste vaan d’n aovend es me get pötsjes beer en dröpkes op hat
, daan dach geine mins mie aon dat nejkiske en op die meneer woort dat
kiske dus noets verloot en bleef ’t altied eigendom vaan Vrow Versjevee.Zoe
is in ’t kort ’t verhaol. |
|
 |
|
D'n Awwe
& De Aw
1968.
|
|
In ’t jaor 1967 woort door de Kringk Veldeke Mestreech d’n herdrök
oetgegeve vaan ’t book Vertelselkes
vaan Alfons Olterdissen. Mien Ma, Annie J. van Loo, (27.11.1922)
woort destieds gevraog, um bei Vroom en Dreesmann, die ’t book ginge
verkoupe, oet ’t book
te goon veurleze um zoe de aondach op ’t book te vestigen . Meh
um dao noe zoe mer te goon zitte en te goon veurleze, dat voond
Annie mer niks en ze bedach ziech toen um ziech in ’t tiep vaan Vrow Versjevee aon te doen. Zoe
gezach zoe gedoon en zie heet dao dus get middege goon zitte veurleze oet dat book en ’t book woort daodoor hiel good verkoch.Dat
tiep Vrow Versjevee heet häör eigelik noets mie losgelaote en in ’t
jaor 1973 is ze daan auch zoe de Vastelaovens optoch ingegaange met hiel väöl
succes. Zie is dat jaor in jaor oet blieve doen tot in ’t jaor 2005. Häör
gezoondheid leet ’t jaomer
genog neet mie tow en iech
leep vaanaof ’t jaor 2000 al met häör met es klein Versjevéke .
Iech höb häör toen officieel gevraog Meerke zouwste ’t good vinde es
iech vaan aof noe es Vrow Versjevee weijer gaon, want ’t zow toch
doedzun zien es zoe’n sjoen traditie verloore zow goon. Dat voont ze
netuurlik prachtig en iech perbeer in häöre Mestreechter Geis , zoe
weijer te goon. |
Es
Vrow Versjevee heet zie in al die jaore hiel väöl veur de stad Mestreech
beteikent, ze schreef leedjes, heet bekroende vastelaovens leedjes op häöre
naom stoon, gediechte sketches etc. auch
woort zie gevraog um b.v. beij ’n opening aonwezig te zien, zie
maakde daan e gediech en loos dat veur. Es de nuije Stadsprins woort
oetgerope daan ging zie es Vrouw Verzjevee nao dee Prins tow um auch weer
met e door häör gemaak
gediech häöm te feteere.Beij ’t oetrope door de Tempeleers, vaan ‘nne nuije Prins weurt altied gezwoore op ’t nejkiske vaan
Vrow Versjevee. Wie de Vriethof garaasj woort ge-opend door Börregemeister Baeten , door ’t
legke vaan d’n ierste stein , waor
zie debeij es Vrow Versjevee.
|
|
Vrow Versjevee same mèt dochter
Tiny.
|
|
Annie van
Loo es Zaate Hermenie
" O Solo Mio "
|
|
Door de Golfoorlog in 1991 dreigde de
Vastelaovend neet door te goon, toen heet Vrow Versjevee op de merret veur
doezende luij gesproke en gezörreg ,
same met e petit
commitee, tot ‘t toch
allemaol door kos goon.Zoe zow iech netuurlik nog wel
gèt door kinne goon, meh iech dink tot geer uuch
noe oongeveer e beeld kint vörreme vaan
wee wie en wat Vrow Versjevee is.
Mestreech, Miert 2008.
Met de kompleminte vaan Vrow Versjevee, Annie J.van Loo en
häör dochter Tiny.
Teks :Tiny Haaken
|
|
|
 |
't Nissjeke
Refrein:
Iech bin e nissjeke, e nissjeke vaan diech
Meh jong dat wetste toch de liekens völ op miech
Iech bin die nissjeke, iech maak diech gaar niks wies
Veer zien femilie al vaan in ut paradies
Umtot 't vastelaovend is heet Lieske zoe'n gooi zin
Ze is vaan kop tot tien verkleid zoe tot häör geine kin
Ze lach en gek met eederein en roaj ins wat ze zeet
Es Sjo of Sjeng of Sjang 'ns flink te pakke heet
Wäörd:A.Haake-van
Loo.
Meziek:M.Everaarts.
Vastelaovendsleedsje:1963.
|
|
|
|
|
Same mèt de Belzje
Zjenderrem bij 't Mooswief.
Vastelaovend 1989.
|
|
Dochter Tiny es
vrow Versjevee. |
|
Sjannet
Refrein:
Sjannet, Sjannet, kom dans nog ins ballet
Iech zal diech ouch traktere, astrein aon ut buffet
Sjannet, Sjannet, en veer goon same oet
En trekke daan ut Vriethof op, in 'nne rijjaloet
-------------------------------
Dao kump us Sjannetteke, die deit zoe gere met
Ze zink en kin sjoen danse, Calypso en ballet
En met de vastelaovend sprink zie vaan hot nao haar
Veur alle hermenieje op, of achter 'n fanfaar
En eederein zink met dit sjoen koeplet
----------------------------
Wäörd:A.Haake-van
Loo
Meziek:M.Everaarts
Vastelaovendsleedsje 1959. |
|
 |
|
 |
|
Veur de lètste kier Zate
Hermeniekes vergadering in Festivilage zaol mèt 'n ode aon Vrow Versjevee, |
|
Annie van Loo mèt häör dochter
Tiny.
|
|
