| |
| In ’t jaor 1839 woort ’t
belèk, vaan
nege jaor ten gevolge vaan de Belsje opstand, opgeheve en had ’t Vollek vaan
Mestreech ’t verlange nao ’t viere vaan de vastelaovend. In datzelfde jaor
woort de Sociëteit Momus opgeriech um de Vastelaovend nuij impulse te
geve mèt ’t organiseren vaan cortèges, bals en ’t insjete vaan de
vastelaovend .Officieel bleef de Momus bestoon tot 1939 mèr häör
rol in de organisatie stopde al roond 1900.Vanaof dat momint waors ’t de
vereiniging “Maastricht Vooruit”, mèt es veurzitter Fons Olterdissen, dee
oonder aandere de groete cortège organiseerde.De vereiniging stopde in ’t jaor
1914 bejj ’t oetbreke vaan d'n ierste wereld oorlog. Nao 1918 woort allein mer
get straot carnaval gevierd en ’t bleef ongeorganiseerd tot ’t jaor 1926. |
|
|
De veurzitter vaan "Maastricht
Vooruit" waors Fons Olterdissen de groete organisator vaan de
ierste Mestreechter Vastelaovends cortège. |
| Maastricht Vooruit waors ouch de veurläöper
vaan de Mestreechter V.V.V. en die pakde de draod weer op bei ’t organisere
vaan de Mestreechter cortèges. De lètste cortège vaan hun organisatie trok oet tot
’t jaor 1936.In dat jaor woort ‘n jongere organisatie opgeriech oonder de
naom vaan “Het Comité van Vijf ". .Zie organiseerde neet allein de
cortège meh ouch “De Boonte Störrem” en ’t fenomeen de Mestreechter Stadsprins.’t
Comité deeg allein organiseren mèr neet de representatie. De stadsprins
woort gezoch in de bekinde sociëteite vaan Mestreech. De lètste prins waor Bèr
Retra in ’t jaor 1939.Nao d’n twiede wereld oorlog waor ’t
Frans Thewissen dee de vastelaovendsvereiniging “De Tempeleers”
opriechde. De vereiniging woort door ‘t Mestreechter Stadsbestuur erkind es de
verantwoordelijke vaan de Mestreechter Vastelaovend. |
|
|
 |
|
|
| Op 11 October 1945 waors Frans Thewissen op bezeuk gegaange bij
Dr. Tans,de
veurzitter vaan ’t Vastelaovend Comité 1939. Heer deeg ’t veurstèl um ’t
aajt comité naor hoes te sjikke en e nuij op te riechte. Naotot alle betrokkene
‘ne breef hadde gekrege woort ’n conferensie belag vaan de hiere
F.Thewissen,H.Retra,J.Tans,J.Daniëls
en P.Chambille op 31 October.’t Besluut waor tot ’n nuij
vastelaovendsvereiniging opgeriech mós weure.D’r woort ’n lies mèt extra
naome samegestèld die ouch veur ’n opriechtingsvergadering in de Momustempel
op 16 November woorte oetgenudig. De Mestreechter Vastelaovendsvereiniging woort
gestiech en ze geit es naom voere De Tempeleers, umtot de vereiniging zitting
heet in de aw Momustempel en neet leve kin zónder e flink glaas beer.D’r
woort ‘ne raod vaan èlf Tempelhiere samegestèld mèt es Oppertempelhier
J.Heydendaal.Ceremoniemeister
woort L.Schreuder. Wijer woorte d’r ’nen aontal invallers veur de Tempelhiere
beneump.
|
|
|
In 't jaor 1839 woord de "Sociëteit Momus
opgeriech en geneump nao ne Griekse God "Momos",en dat
beteikent zoeget wie vrolikheid.De Sociëteit organiseerde cortèges,bals
en met 't momus kenon woord de vastelaovend ingesjoote.
|
Tot lid vaan de vereiniging kin towtrèjje edere vastelaovendsgek, joonk of
aajt,riek of erm.Nao dees zwoer beslissinge woort 't nui kinneke geduip mèt e
rundsje awwe klaore. Um 11 oor weurt 't kleint ingebakerd en krijg 't bestuur d'n
opdrach um good veur 'm te zörge.Ederein geit noe gerös naor hoes.Op 23
November kaom me weer bijjein en lag 't bestuur get veurstèlle op taofel.Veer
kemissies woorte gevörmp:de finansjeel,die veur reklaam en peers,veur de
cortège en veur de festiviteite.Men ging ouch euver tot de installasie vaan de
Raod vaan Ellef en had 't ierste offisjeel optrèjje..Dat waor 'n symbolische
euverdrach vaan 't vastelaovendplezeer door de aw Momus,die mèr ellein
sjiendoed is in plaots vaan hartstikke doed.Dit alles woort in eerbiedig zwiege
aongehuurd en goodgekäörd.D'r woort 't towgetrèjje tot de
"Federatie der Maastrichtse Verenigingen ".Ouch dat haolde 't oonder
veurwaarde tot De Tempeleers 't monopolie hadde op de organisasie vaan de
vastelaovend in Mestreech.Zoe verlepe de ierste weke vaan de boreling.......
|
 |
|
|
|
|
|
|
|
