Royal Mosa

         

Trök


In 't jaor 1883 heet Hubert Gérard Louis Regout , de vijfde zoon oet 't houwelek vaan Petrus Regout en Maria Regout-Hoeberechts same mčt ziene zoon Louis aon de Meersenerweeg ,toen nog de gemeinte Meerse, e porselein  febrik opgeriech oonder de naom vaan "  Firma Louis Regout en zoon ". De pa vaan Louis waor de bekinde Petrus Regout , d'n  ierste groet-industriëel vaan Nederland, opriechter en groond lčgker vaan o.a. de Sphinx febrik. Hubert Regout  1832-1905, trouwde in jaor 1855 mčt Theresia, Hubertina, Berger en same kraoge zie veer kinder. In 't jaor 1888 begós heer  neve 't producere vaan porselein ouch de productie vaan moertegels. Ziene neef Alfred Hubert Regout begós toen aon de Franciscus Romanusweeg 'ne vloertegel febrik oonder de naom vaan REMA. In 't jaor 1888 heet ziene zoon Louis II de leiding vaan de moertegel febrik in han umtot ziene pa Hubert Gérard Louis 't te drök heet es directielid vaan de CV Petrus Regout en Co, febrik vaan eerdewerk,kristal en glaas. 
Oet historische bronne vaan de Gemeinte Meersse ,(umtot toen nog de Meersenerweeg, gemeinte Meerse waor), had 't febrik in 1890 'ne stoommachien gekoch vaan 70 peerdekrach en mčt twie stoomketels.
In 't jaorverslaag vaan de Mosa in 1891 sjreef me tot de Mosa 12 manne ,12 jongens, en 95 metskes dat jaor in deens had .'t Jaor daonao had me 150 manne in deens en in  't jaor 1905 had de Mosa 480 manne en vrouwe in deens. In de porseleinfebrik maakde me in 1900 't bekinde " Blauw Chinees" dat me ummertow weer verbeterde en dat jaorelaank good verkoch woort. Meh 'n aontal jaore daonao woorte ouch aander motive bekind zoewie 't Hollands Zie,Strand en Boere dessin. 
Wie d'n ierste wereldoorlog oetbraok puilde de maggezijne oet vaan 't tegelfebrik en de lui dachte tot d'n oorlog snel veurbij zow zien en me wouw eve neet mie producere. Meh Louis Regout III  dach dao aanders euver en gaof opdrach um gewoen door te producere mčt moer tegele en servies. Louis Regout III veurspelde tot d'n oorlog nog lang zow dore en heer had dao achteraof gezeen geliek in. Wie in 1917 d'n aonveur vaan groondstoffe vaanoet Ingeland stčl kaom te ligke en 't vervoor  euver zie ,neet mie meugelek waor es gevolg vaan d'n duukboten oorlog had de Mosa de maggezijne vol ligke en de verkoup leep gewoen door boe aandere nein  móste verkoupe. D'n periood tösse de twie wereld orloge waor en gaof veur de Mosa oonbeperkde meugelikhede ,umtot de vraog nao tegele, sevies en elctronische geujere vaan porselein  groet waor. 't Blauw Chinees servies stopde roontelum 1925 umtot de vraog nao 't deftiger Ingelse  thee servieze groeter  woort. 


Louis Regout II
1863-1913
In 1925 woort 't glaasfebrik vaan de Sphinx en de Mosa samegevoog en góng in 't glaasfebrik wijer oonder de naom vaan NV.Kristaluni  op 't terrein vaan 't Stella glaasfebrik. In de begin jaore dertig geit me ziech ummer miejer towlčgke op de binnelandse merret en neet zoonder sukses. Me maakde  en verkoch zellevers mčt sukses  barokke servieze .
Wie op 't eind  vaan de twiede wereld oorlog 't febrik zwoer woort getroffe door 'ne bombardemint doorde 't tot nao 1945 tot me 't febrik weer had opgebouwd. Gebrek aon groond en brand stoffe verlamde de productie. Meh zoe tege 't jaor 1949 had me weer 't productiepeil vaan 1939 bereik en 
had de Mosa väöl werk umtot ouch me in Mestreech väöl góng bouwe.


Roal Mosa Febrik 1948

 Bouwvereinginge wie St Servatius en Beter Wonen bouwde gaanse nui wieke en de vraog nao Mosa wand en vloer tegels  waor groet. 't Góng zoe good tot me in de wiek  Lummel 'e nui vloertegele febrik opende en dao riechde me  ziech  veurnaomelek op kwaliteit en vörm. In 't jaor  1958 wie 't febrik 75 jaor bestóng had me bij de Mosa e stapelbaar  servies óntworpe speciaal veur hotels en horeca. 't Sukses had me veural te daanke aon de vörmgevers en oontwerpers vaan 't servies. In 1983 vierde de Mosa 't 100 jaorig bestoonsfies en woort 't predikaat Keuningklik  verliend door Keunigin Beatrix  en  euvergedrage door de Gouveneur vaan Limburg. Venaof deen daag is de naom veranderd in Royal Mosa Mestreech.
In 1991 woort de Royal Mosa euvergenome door de holding Franca Alfa mčt de hoofzetel in Peries. Zes jaor later kaom de Mosa weer in Nederlandse han umtot 't huidige consortium besteit oet drei Nederlandse investeringsmaotsjappije naomelek : Holland Veture BV, TVI Investmens BV, en Wagram Equity Partners BV. Umtot nog altied groete vraog is nao de producte vaan  Mosa tegels en 't porselein geit 't good mčt de Mosa en zuut de Directie en 't personeel de touwkoms mčt vertrouwe tegemoot.