| |
Petrus Regout ,Pie
veur zien vrun en bekinde, woort gebore in Mesreech op 23 Miert 1801
en is eurverlije op 18 Fibberwari 1878 in Meerse. Petrus Regout stamde oet 'ne
bekinde femilie vaan hendelere vaan eerdewerk en porcelein. Heer trouwde
in 1825 mèt Aldegonda Maria Hoeberechts die good in de slappe was zaot . Pie
werkde in de winkel vaan zien mam en woort 'ne veurtreffeleke hendeleer .
Heer had al gauw 'ne groet handel en inkaop vaan glaas en eerdewerk. De
industriële rivvelusie in Nederland is begós mèt daank aon Regout oet
Mestreech. Petrus zellevers waor deen' ierste groetindustriëel
vaan Nederland. Heer wis hendig gebruuk te make vaan d'n oorlog situatie
dee waor ónstande es gevolg vaan de Belzje opstand. |
| In 1834 koch heer 'n stoommasjien en heer roonselde 'nen
aontal glaassliepers oet Wallonië en Fraankriek ,en zoe begós heer
mèt 'ne glaas-slieperij dat later woort oetgebreid tot zien ierste glaas-febrik.
In 't zelfde jaor opende heer ouch same mèt zien broor Thomas nog 'n nagel febrik.
In 't jaor 1836 begós heer mèt 't make vaan eerdewerk en porcelein. In
1840 opende heer e gewere febrik en in 't jaor 1847 opende heer e
gaasfebrik. Mèt de höllep vaan Luikse vaklui en Mestreechter werklui
óntwikkelde heer 't glaas en eerdewerk febrik " De Sphinx " dat ziech, in deen tied, snel 't groetste febrik vaan Nederland woort
en 'nen export produktie had vaan euver de ganse wereld. Later kraog Petrus Regout
ouch väöl kritiek umtot heer ouch väöl kinder vaanaof tien jaor in
deens had ,die hel mooste wèrke vaan 's möreges tot s 'aoves laat. En dat
zellevers nao de kinderwèt vaan Samuel van Houten oet 1874 boe kinderarbeid woort
verbooje. |
Petrus Regout
|
| Ouch had me
kretiek op de euvervolle woeninge vaan 't werkvolk die in 't
Boschstraot keteer woende. Of de groete woen kazern de "Cité
Ouvrière", dee plaots gaof aon zeventig arbeidersgezinne.Veur
Regout waor de kazern daan mesjiens 'ne daod vaan paternalisme, leefdaodigheid
en zörregzaomheid. De bewoeners zaoge veural e rampplaots vaan oongesiefer
en cholera. Normaal sanitair had me neet !!. De ganse wiek roontelum de Boschstraot vörmde 't
imperium vaan Petrus Regout. |
|
|
Ouch de binnehave , 't Bassin, deende veur
d'n aonvoer vaan groondstoffe en den aofvoer vaan zien glaas en eerdewerk
produkte. Umstreeks 1847 waor d'r e recessie, meh Regout leet zien
febrikke produceren en bouwde 'ne groete veurraod op, umtot heer
dach tot de recessie snel veurbij zow zien. Dat waor uoch zoe
en Regout kós zien veurraode daonao tege 'ne hoege pries verkaope. Heer
woort bezunder riek mèt al zien febrikke en 't tekort aon geujere bij de
lui. In
1848 woort Petrus Regout door ziene vreund keuning Willem II benump tot
lid vaan den ' ierste kamer veur zien verdeenste veur den' industrie.
Regout woort sjatriek en koch 'n aontal boete verblieve zoewie
kestiel " Vaeshartelt " in 1851 en in 1862 koch heer 't daoneve
gelege landgood " De Kanje l". |
De Kanjel woort umgeduip tot de "Grande Suisse " en
later woort 't miejer bekind oonder de naom vaan " Maria Waard ".
Petrus Regout koch later veur zien kinder ouch nog Hoezer (Vila's en
Kestiele) Wijkerveld, Huize
Kruisdonk (Rothem), Huize Bethlehem, Kasteel Hogeweert,en Kasteel Rijckholt.
Petrus
Regout is tot zien spiet noets tot de Adelstand opgenome. Heer had zoe gere
in adelijke krink wèlle verblieve es " Hier Vaan Vaeshartelt
".
Heer stort in 1878 in zien kastiel Vaeshartelt. |
De Sphinx
|
|
