| |
|
Jan Pieter Minckeleers is
gebore op 2 December 1748 en gestorve op 4 Juni 1824 in Mestreech. Zien
awwelek hoes stoond in de Hierestraot en dee straotnaom woort later in
1858 nao Minckeleers genump naomelek De Minckeleersstraot. Jan Pieter
Minckeleers is gedäöp op 2 December in 1748 in de St.Nicolaas kèrk dee
oan 't Slevrouweplein laog. Ziene Ampa waor 'ne Dokter en ziene Pa had 'nen
Apotheek in de Hierestraot. Zoe wie väöl kinder vaan rieke welgestèlde
lui volgde heer zien studie bij de Jezuïete. In 1764 vervolgede heer zien
studie in Leuve boe heer diaken woort. In Leuve studeerde heer
Netuurkinnes en boe heer in 1771 woort benump tot Hoeglieraar. Nao de
oetvinding vaan de lochbal in 1783 ,vroog Louis Engelbert van Arenberg
(1750-1820) aon Minckeleers te zeuke nao 'n goojekaope gaas-soort
veur zien lochballe. Wie heer kole fienstampde en verwermde voond heer same
mèt Van Bochaute op 1 Oktober 1781 , zoe wie heer 't numde, 'ne
" brandbare loch " oet. |
| Op 21 November 1783 steeg den'ierste lochbal gevöld mèt
't door häöm oetgevónde gaas de loch in. Dat gebäörde in 't kestiel
park vaan Hervelee bij Leuve en de lochbal kaom 25 kilometer weier in Zichen weer aon
de groond.'t Gaas dat heer óntdekte waor brandbaar en 't gaof ouch leech. In 1785
gebruukde Minckeleers 't leech-gaas um zien auditorium (groete leeszaol)
te verliechte. Umtot heer ambras kraog mèt de Universiteit en Josef II
moos Jan Pieter Minckeleers zien professoraat opgeve en góng heer in 1789
weer trök nao Mestreech boe heer 'nen apotheek begós. In 't jaor 1798
gaof heer lès aon de sjaol " Ëcole Central" dee gestiech waor door de Franse
bezètters. Heer gaof dao les in natuur en scheikunde. |
Jan Pieter Minckeleers
|
Vaan 1801 tot
1815 waor Jan Pieter Minckeleers lid vaan de lokale raod vaan Mestreech.
Oonder leiding vaan Minckeleers woort in 't jaor 1822 'n genootsjap
opgeriech en wel de " Société Des Amies Des Scienes Lettres Des
Arts" (de vrun vaan netuurwetensjappe lettere en kunste) veur
persoene die
gestudeerd hadde aon 'nen Universiteit. Op 4 Juli storf Jan Pieter
Minckeleers op 76 jäörige leeftied aon 'n beslaag. Dertig jaor nao
ziene doed in 1854 begós de gemeinte Mestreech mèt aonlègke vaan
gaasleidinge veur in woeninge en veur straot verleechting. In 1902 heet
me in Mestreech 'ne kemissie gevörmp um 'n gedinkteike
op te riechte
veur dee groete Mestreechteneer, Jan Pieter Minckeleers. 't
Beeld woort óntworpe door Bart van Hove oet Amsterdam en bij de Firma
Verbeyst oet Breussel in broons gegote. Iers had me gedach 't beeld te
plaotse veur 't Stadhoes meh de gemeinteraod voont d'n ingaank vaan
de Boschstraot 'ne betere plaots veur 't beeld. |
 |
't Beeld woort op 10 Juli 1904 oonthölt . Dee
onthölling woort gedoon door Goeveneur Ch.Ruys de Beerenbroeck same mèt
de Stads Sjotterei ,De Mastreechter Staar,en aander Mestreechter
vereinginge'.'t Waor 't ierste standbeeld oetgeveurd in broons in de
stad Mestreech. Jan Pieter Minckeleers is aofgebeeld in preester kleiaasj meh 'ne
toga waor beter gewees en heer hèlt in zien linker hand 'ne gaaspiep dee
ummertow brand. Mèt zien oetvinding steit Jan Piter Minckeleers aon de
weeg vaan väöl touwpassinge vaan 't gaas en boe veer vendaog nog väöl
perfiet vaan höbbe. |
|
|
|
|
I
n 't hertsje vaan Mestreech,
dao brant al jaore laank e leech,
want Minckeleers hèlt dao de wach,
op ziene sokkel daag en nach,
en mèt die gaaspiep in zien hand,
is heer bekind door gans 't land,
want in Den Haag en Amsterdam,
kin ederein dee maan, mèt die vlam. |
|
