| |
|
Huub Noten is gebore op 16 December 1940 in Mestreech en
waor 'ne zoon vaan bekker Noten die 'ne zaak hadden in de Kleine Staat. Huub
begós ziene journalistieke laopbaon in de jaore '60 bij de KRO , meh stapde
e paar jaor later euver nao de gezèt vaan De Nieuwe Limburger. In
de jaore '70 begós heer in de Wolfstraot e Nuitswinkelke boe de lui 't
nuits kóste bringe veur de gezèt. Huub sjreef stökke in de
gezèt euver en vaan de stad Mestreech en 't liefs minseleke
verhaole euver Mestreechtenere mèt 'n verhaol vaan e lach en
'n traon. Notens groete veurbeeld waor Fonds Olterdissen , boe heer é book
euver heet gesjreve vaan "Jao diech höbs us aon 't
hart gelege ". Huub Noten waor 'ne theater maan mèt
veur-leefde veur spektakel stökke en dat kaom o.a. tot heer vreuger heet
gewerk in cirk vaan Heros , Rancy en Sarrasani. Naotot heer miejer
zellefvertrouwe had gekrege tijdens de vastelaovends-zittinge vaan de CV
De Strabenders , begaof heer ziech miejer nao 't théjater. In
December 1966 regiseerde heer de kemikke Opera " Trijn de Begijn
" e stök vaan Fonds Olterdissen .Gasspeuler waor in dat stök
Guillaume de Piele Hameleers .Ouch regiseerde heer de stökke vaan
"De Keizer vaanSint Pieter, |
| Fäös en Greetsje, de Revu-Operette Treechter Geis en Mie
Fien Mamzèlke. t Groetste sukses waor netuurlek de kemikke Opers "
De Kaptein vaan Köpeninck " In 1982 riechde heer ziene eiges
gezelsjap op naomelek 't Mestreechs Vollekstejater. Den 'ierste productie
waor de door Huub Noten eiges gesjreve en geregiseerde klöch " Medam
de Ginneraol " en en gespäöld woort in de Spinxzaol en in 't
Gymnazium gelege aon de Paotersbaon. Daonao kaomde de klöchte wie
"Boe is 't Kinneke" daan en "Zwijnderij " en veur de
twiede kier "De Kaptein vaan Köpenick ". De groetste suksesse
waore in de jaore '90 de musicals " Iech en die vaan Miech ",
" Petatte Polka " ,"Lomele Lies"en
"Slókspek". Huub Noten naom eind 2006 aofsjiet es artestiek
leier, meh heer kös 't Theater nog neet misse. |
Huub Noten.
16.12.1940 - 26.04.2009.
|
 |
Heer sjreef 't aofgelope jaornog de Mestreechter teks vaan
de musical "Trosse Los! ,Humme Oet !" Favoriet waor bij häöm
de sjrievers Fonds Olterdissen en Bèr Hollewijn. Heer spraok daan ouch
dèks euver ziene noonk Funs en mèt zien lachstökke heeld Huub 't
Mestreechs dialek in iere.Huub Noten riechde ouch 't Reuzegilde Gigantius
mèt op en stoond ouch aon de bassis vaan deVastelaovends-Studente Póp ,
vrow Wielemösj en organiseerde heer de Kletkriemerkes middig.Huub waor ei
baar tejater.Heer späölde al kemedie wie heer nog in de weeg laog. Ziel
en zaoligheid waore veur altied verboonde aon d'n tejater. Op de buun of
thoes, Huub prakkezeerde ál oet en rezjiseerde 't speul mèt strakke hand
en aaf en touw 'ne vlook. Eder veurstèlling moos perceis zoe zien wie
heer 't ziech veurstèlde. Mèt väöl leefde bleef heer aon zie stök
wèrke, verandere, sjaove en vijle.'t Kós altied beter, sjoener,
geistiger. Huub
waor alle ze leve aon 't sjrieve of prakkezere.D'n einen inval nao d'n
aandre voonds sjöddelde heer mèt ougensjienlek gemaak oet ziene mouw.
Mehjeh in zien jong jaore is heer daan ouch goocheleer gewees...Zelfs
wie heer kraank woort, bleef Huub nog altied de rezjisseur.Tot 't lèste
memint aon touw heet heer aonwijzinge gegeve. Wie heer 't wou, zóé moos
't gebäöre. |
t Zal daan ouch niemes verwundere tot Huub ouch dizzen
deens inein gezat heet. Huub waor 'ne meistervertèller dee niks sjoener
voont es lui te ammesere: "Es ze mer demèt kinne lachte." Zien
verhaole vertèlde Huub in artikele in de gezèt, in kemediestökke in d'n
tejater of gewoen thoes in ziene zedeleer aon femilie en vrun. Verhaole
die aaf en touw veur te kriete, meh dèks veur te lachte waore. Wat dat
betröf had Huub väöl weg vaan zien groet exempel Fons Olterdissen. Huub
heet dèks genóg de wins oetgesproke tot heer gere neve Fons Olterdisse
begraove zou wèlle weure."Want," zoe zag heer daan, "veer
höbbe us nog zoeväöl te vertèlle". Ei dink is zeker: Es die twie
ziech bijein zètte, daan ligk de zaak daobove op 'ne knab vaan 't lache.
Meh wie Huub altied zag: "Lache is 't sjoenste wat 't gief!"
|
|
