Guillaume Franquinet

         

 Trök


Guillaume Desiré Lambert Franquinet woort gebore op 1 Mei 1826 in Mestreech en is euverleije op 29 Jannewari 1900 in Mestreech. Heer woort gebore oet 't twiede howwelek vaan ziene Pa , Jean Lambert Pierre Franquinet mèt Maria Catharina Everts. Heer góng  rechte studere in Leuven en wie heer dao aofgestudeerd waor vestigde heer ziech in Mestreech es advocaot. Zien belangstelling góng evels mie oet nao gesjiedeniis , taol en letterkunde. Daodoor oontdèkde  wie heer 22 jaor waor  in 1848 bij touwval op de zolder vaan 't Gemeintehoes aw stadsarsjieve vaan de stad Mestreech, die heer vaan d'n oondergaank wis te redde. In 1850 woort heer beneump es stadsarsjivaris, wat heer zow blieve tot 1867,wie heer gekoze woort tot gemeinteraodslid. Guillaume Franquinet maakde deil oet vaan 't stadsbestuur vaan 1867 tot 1869 en vaan 1873 tot 1879.iers es raodslid en later es wèthawwer. 
Vaan 1851 tot 1881 waor Franquinet daoneve plaotsvervaangend katonrechter. Vaan 1866 tot 1880 waor heer ouch provinciaol arsjivaris. In 1880 woort heer beneump tot distrikssjaolopzeender ,wat heer bleef tot aon zien doed. Franquinet vervölde in zie leve tientalle nevefuncties. Zoe waor heer opriechter en sikkertaris vaan de Maatschappij voor Landbouw.(1848),bestuurslid vaan de Sociëteit Momus (1854-1880), sikkertaris vaan 't Burgerlijk Armbestuur (1854-1856) en mèt opriechter vaan 't L.G.O.G. (1863) en De Maasgouw (1879). In 1876 woort heer benump tot Consul vaan Belgiëen in 1896 tot Vice-Consul vaan Spanje. Franquinet waor wijer Ridder in de Leopoldsorde vaan België (1894) en Offecier in de Orde vaan Oranje-Nassau (1896). Franquinet heet in 't Mestreechs 'n aontal toneelwerke gesjreve die oetgeveurd woorte door de leie vaan Sociëteit Momus. Neve dialeksjrijver waor Franquinet sjrijver vaan e groet aontal publicaties euver taolkunde,lètterkunde en gesjiedenis. Heer waor stèrk verboonde es bestuurslid mèt  Sociëteit de Momus ,en veer sjrieve euver de Momus e bitsje historie. De Sociëteit de Momus waor hoegswoersjijnelek de ierste Vastelaovends vereiniging  vaan Nederland, en woort opgeriech in 1839.'t Is meugelek tot de Venlose Vastelaovendsvereiniging de Wannevlegers oet 1842 al langer bestoont, meh hei-euver besteir gein dudelekheid. De Mestreechse sociëteit Momus is


Guillaume Desiré Lambert Franquinet

 neet de ajdste Vastelaovends vereiniging umtot de vereiniging Momus door de twiede wereldoorlog in 1939 woort opgeheve. De ajdste Vastelaovendsvereiniging vaan Nederland is daodoor op dit momint de Venlose Jocus. Nao d'n oorlog woort de Vastelaovend in Mestreecg georganiseerddoor de Tempeleers. Vaanaof 1839 woorte  väöl aander sociëteite opgeriech die daan ouch versjèllende bals organiseerde. In feite naome die sociëteite dees activiteite euver vaan de Gildes die dat al organiseerde vaan veur de Franse bezètting.De Momus sociëteit organiseerde veur 't iers in Nederland in 1840 't ierste Vastelaovendsbal, gevolg door de Jocus oet Venlo in 1842. De Momus stamp aof vaan de Griekse God Momus. Momus is de Griekse God vaan spot en kretiek. Momus organiseerde versjèllende openbare fieste , boe-oonder ouch de Vastelaovend in Mestreech. Heibij waore bepaolde attrebute en gebäörtenisse die wat oet sloetend in han vaan de Sociëteit waore. Ein vaan die gebäörtenisse waor 't insjete vaan de Vastelaovend mèt 't Momus-kenon,


Ziene Pap Jean Lambert Pierre Franquinet
1788-1871.
dat vendaog d'n daag ouch door de Tempeleers weurt gebruuk. Daoneve organiseerde de Momus eedre jaor 'ne groete Cortège. Guillaume Franquinet heet 'n aontal toneelstökke gesjreve zoewie ;"Klaos Pompernikkel" in 1856," Bloodzukers" in 1857," 't Kindermaogske"  in 1857  en "Jonk bij jonk en Auwt bij auwt " in 1861. Wijer heet heer 'nen aontal diechtwèrke gesjreve wie De Legenden vaan Sint Servaos en Mestreechter Veerskes. Guillaume Desiré Lambert Franquinet in euverlije op 29 Jannewari 1900 in Mestreech.