| |
Bernardus,Johannus,Cornelis,Dibbets woort gebore op 7 September 1782 in Arnhem en
is euverlije in Mestreech op 29
Miert 1839. Dibbets waor vaan 1830 tot 1839 commedant vaan 't Nederlands
garnizoen in Mestreech en heet gezörg tot Mestreech neet door de Belzje
woort ingenómme. Generaol Dibbets kaom oet 'ne femilie vaan predikante en
seldaote boevaan väöl zie-officere. Heer woort seldaot wie 'r
zestien jaor joonk waor. In 1828 woort heer bevorderd tot Lutenant
Generaol. Generaol Dibbets, Provinciaal Commedant vaan Limburg, kondigde
heer direk in 1828, de staot vaan belègk aof . 't Allewijl Nederlands gedeilte vaan Limburg
woort door de Belzje tróppe bezat mèt oetzundering vaan de steij
Mestreech,Venlo en 't dörp Sint Pieter. Veur de res waore de Belzje hier
en meister in de Provincie Limburg. Wie Generaol Dibbets de staot vaan belègk
aofkondigde beteikende dat veur Mestreech tot versjerrepte
veiligheids maotregele vaan krach woorte . |
| Zoe woorte de milletaire gebouwe en terreine verboje veur
börgers en woort de kóntrol aon de poorte versjerrep. Dibbets moos ouch
veurziechteg mèt zien seldaote umgoon umtot me die neet altied kós
vertrouwe. De staot vaan belègk zouw vaan krach blieve tot Mestreech
veurgood in Aprèl 1839 aon Nederland woort touw-gewese. Dibbets kraog binne
de vestiging te make mèt Mestreechtenere en mèt wèrkers die 't
neet erg zouwe vinde es de stad zouw euverloupe nao de Belzje kant. Heer maakde
ziech zellevers neet erg geleef oonder de Mestreechtenere meh heer heel vas aon zien opdrach um Mestreech te
verdeidege tege de Belzje opstandelinge. Dibbets waor getrouwd mèt
Barones Tengnagell 'ne directe aofstammeling vaan Daniël Wolf baron von
Dopff (1650-1718) en de bouwer vaan Chateau Neercanne en den ' ierste
steinlègker in 1700 vaan 't nui Staotenhoes. De Belzj gezinde
Mestreechtenere vergaderde dèks in 't geheim in 't Kastiel Hoes " De
Torentjes ", noe de woening vaan André Rieu . Väöl
Belzj gezinde Mestreechtenere spraoke beter frans en duits daan nederlands. De
Hollandse steij waoren wiet eweg en de inwoeners vaan die steij hadde
dèks 'nen aander gelouf. |
Generaol Dibbets
|
| De isolatie door Keuning Willem I (1772-1843)
bij 't belègk vaan Mestreech maakde 't leve vaan de inwoeners vaan Mestreech neet
gemekelek. De handel laog stèl en d'r waore väöl lui die hadde
gei werk en 't volk leefde in groete ermooj. Wandele boete de poorte waor
ónmeugelek zoonder permissie en ouch de walle waore verbooje gebeed. Dibbets
had väöl las vaan giech , had draank probleme en góng 'ns gere gokke in
de Groete Sociëteit oppe Vriethof. Heer bleef zien Mazjesteit dene en 't groet milletear commando in de
vestiging um Mestreech rizzeluut veur de Nederlande te behawwe en te
verdeidige. |
|
't Generaolshoes
|
Op 2 Aprèl 1839
woort Baron Dibbets mèt milletaere ier begraove op 't prottestands
gedeilte vaan de algemeine begraofplaots aon de Tóngerseweeg. De rouwstoet maakde väöl indrök op de lui en waor
'ne
groete milletaere vertoening. Op 29 Mei woort 't liechaam vaan Dibbets
euver gebrach naor 'nen aandere plaots. Keuning Willem I gönde häöm veur
zien groet pliechs betrachting 'nen iereplaots in 't bastion C vaan de
Boossche Froonte. |
|
| 't Waor 'ne groete ier um in de Vestingswerreke te
weure begraove, meh in 1925 stèlde de gemeinteraod veur um 't graaf
te verplaotse nao 't Bastion Waldeck. Meh d'n opositie in de raod
voond dat heer al te väöl ier vaan oet Den Haag had gekrege en Mestreech
dao nog neet mier aon touw had te voge. Dibbets woort vergeleke door d'n
opositie, mèt Alva. In 1927 woort de tombe zoonder ceremonieel en op koste
vaan 't riek verplaots nao 't terrein vaan de Tapijnkezerne aon de
Prins Bisschopsingel. Ginneraol Dibbets woord opgevolg door Ginneraol Jan
Jacob baron Des Tombe. |
|
|
|
Ginneraol Jan Jacob baron des Tombe.
|
|
Jan Jacob baron des Tombe.
|
Andries Jan Jacob des Tombe is gebore op 2 September 1786 in
Den Dungen en geduip op 6 September in St.Michiels-Gestel in Noord-Braoband.
Zien awwers waore Arnoldes des Tombes en Wendelia Borgesius.Andries Jaj
Jacob waor getrouwd mèt Henriette Anna de Bons.
Zie kraoge 5 kinder.
1.Henriette Cornelia 1819-1838.
2.Hester Catharina Henriette Cecile 1821-1892.
3.Louise Elisabeth 1822-1890.
4.Cornelia Maria 1824-1873.
5.Antonnetta Catharina Cornelia 1826-1897.
In 't jaor 1803 naom heer es Kadet deens in 't Regimint vaan Saksen-Gotha en
woort in dat zelfde jaor Lutenant. Het regiment woort opgeriech in
1744 en góng In 1806 (Franse tijd) op in 't 3e bataljon van het 6e Regimint
Infanterie. In 1841 woort heer bevorderd tot Lutenant Ginneraol. Heer deeg
mèt in de Veld-tochte nao Spanje,Duitsland en Rusland. Door Napoleon woort
heer beloend veur zien dapperheid, beleid en moot mèt 'nen benumming
tot offeceer vaan 't Legioen vaan Ier, Ridder in de orde vaan de Reunie en
Baron de L'Empire. In 1841 woort Des Tombe
Lutenant-Ginneraol, opperbevelhöbber ,vaan de tróppe in Limburg en vaan de
Vestiging Mestreech. Jan Jacob Baron des Tombe is euverlije op 18
Fibberwarie 1845 in Mestreech. Zien graaf tombe steit in 't
Waldeck-plantsoen in Mestreech. |
|
|
|
