Fonds Olterdissen

         

Trök

Heinrich , Hermann, Olterdissen woort op 15 Juni 1827 gebore in  Emden (Hannover) en waor es 16 jaorege soldaot gelegerd in Mestreech. Mestreech behuurde  toen nog tot 'n Hertogdom en veel binne de Duitse Boond vaan Staoten en had e soort beroeps leger.. Later in 1850 kaom heer weer trök nao Mestreech en gķng woene in de Hoenderstraot  woersjijnelek umtot heer verleef waor op  e Mestreechs meitske. Heer trouwde mčt ,  Alida Hendrica Femina Verhoef gebore op 21 Oktober 1832 te Veere in Zieland,  op 21 Oktober 1857 in de Lutherse kčrk in de Hoondstraot. Same hadde zie 'ne sigare winkel aon de Boschstraot nommer 963 (105). De zaak leep good jummers de mieste klante kaome oet de naobij gelege febrikke vaan Regout. Zie kraoge same ach kinder  boe vaan d'r mer twie euverbleve,  naomelek Guus en Fonds. De aander kinder storreve tösse de drei maonde en zeve jaor nao de geboorte.In deen tied waor de kindersterfte nog altied hoeg.  Fonds weurt es zesde kind gebore op 12 December 1865 en kraog de naome vaan Alphonse,Vitor,en de roopnaom vaan  Fonds. Heer woort geduip op 22 December 1865 in de Lutherse kčrk . Zien broor Guus waor vief jaor ieder gebore en wel op 7 Miert 1860. Heer kraog de naome vaan Guustaaf,Adolf.
Op 21 Augustus 1900 trouwt Guus mčt May 'ne zuster vaan Henri Goovearts en Henri waor 'ne vreund vaan Fonds ,May en Guus  kraoge same  eine zoon in 1901, Herman Siegfried . De gebreurs Fonds en Guus kķste good mčt ein opsjete en beteikende daan ouch väöl veur ziech. Guus woort musikant en later oonder directeur bij de stedelijke mezieksjaol. Guus storf in 1942 en woort begraove op de begraofplaots vaan  't  Witte Vrouweveld. In 1962 woort zien liechaam  euvergebrach nao de algemeine begraofplaots aon de Tongerseweeg bij zien broor Fonds. Herman Siegfried Olterdissen waor de einigste erfgenaom vaan ziene Pa Guus en vaan Fonds, ziene noonk. Mčt de erfenis dao woort neet verstendeg mčt umgegaange umtot beveurbeeld de zegelrink dee speciaal veur Fonds waor gemaak tot veer kier tow woort verkoch aon de baank vaan lienig te Utrecht. Väöl toneelstökke woorte veur 'nen appel en ei verkoch en de orginele mčt hand gesjreve stökke vaan De Kaptein vaan Köpenick  woorte  veur 60 gölde verkoch. Wie  Fonds ach jaor waor störref ziene pap. Zien mam veranderde de naom vaan  de sigarezaak in Madame de Weduwe Olterdissen. Zie verhuisde in 1870 nao de Mčrret op nommer 24  boe zie de zaak in 1924 , 54 jaor laoter verkoch en nog gein tien maond daonao störref de mam vaan Fonds. Zie woort 91 jaor.


Fonds Olterdissen
1865 -1923

Zoewel in 't geboorte hoes vaan Olterdissen es  de woening gelege aon de Mčrret is 'ne gedinkstein geplaots vaan Fonds die me nog altied kin zien. Fonds heet deks zien mam gehollepe en achter d'n toenbaank gestaande in de winkel. Heer heel hiel väöl vaan zien mam en numde häör deks " Mie leef aajdsje " of 't Zielke vaan miech " . Um vaan Mestreech 'nen echte kuns-stad te make riechde heer in 1895 de vereiniging op vaan "Decoratieve Kunst " ,um de kunszin en de verdeiling vaan de ambachte beter te make. Zie organiseerde tentoenstellinge  en kraoge d'n opdrach um groete stads poorte te make wie Keuniging Emma en häör kroendochter Wilhelmina veur veer daog in Mestreech op bezeuk kaome. In 1896 geit Fonds Olterdissen woene aon de Lage Kanaaldiek op Sint Pieter perceis neve de ouwers vaan ziene vreund Henri Goovaerts.
Henri Goovaerts reisde toen al väöl meh had dao wel zien "Pied ā Terre ". Fonds riechde in zien nuie woening 'nen atteljee op um zoe zien sjčlderejje beter te kinne verkaope. Heer sjelderde de Lambertus kapel vaan binne dee neve zien woening stoond. In 1899 woort de  nuie VVV Mestreech opgeriech oonder de naom vaan "Maastricht Vooruit ". Bij de ierste vergadering woort heer gekoze tot president. Oonder zien leiing organiseerde veer groete cortčges in Mestreech , naomelek in 1905 'ne Historische stoet , in 1909 de Heiligdomsvaart, in 1912  Het Maria Congres en in 1921 de Missiestoet.

         

De neet katholieke Fonds zörgde d'r veur tot hoonderd doezende lui nao Mestreech kaome. Same mčt iemes aanders sjeerf heer de in 't Mestreechs gesjreve De Kaptein vaan Köpenick. In deen tied is 't verhaol vaan De Köpenick wereldnuits en 't stök waor é groet sukses. Den'ierste oetveuring vaan De Kaptein vaan Köpnick waor 1907 in de Bonboničre. En later in  de Dominikanerkerk (1968/1969), 't  Vriethof (1986) en in de Sphinxzaol (1992/1993).  In 1912 sjreef heer Trijn de Begijn 'nen kemikke opera dee geit euver 'ne woerzčgkster oet de St Antonius straot. Ouch heet Fonds väöl toneel stökke gesjreve en waor heer dčks 'ne regiseur devaan, meh heer späölde ouch dčks mčt. Zien groetste prestatie lieverde heer  bij 't  theater mčt 't stök " Het Spel van Sint Servaas " 'n spektakel stök vaan de Heiligdomsvaart  in 1916, boe aon 600 lui mčt spaolde en zie 'n décor maakde vaan 50 meter breid en 10 meter hoeg. Fonds kķs good vertelle en ziene vreund Jacq van Term , hoof redakteur vaan de 'Limburger Koerier " vroog um die verhaole op te sjrieve , verhaole euver de Mestreechter Historie. Zien stökke zien 'ne woere gesjiedenis book euver  in deen tied 't leve in Mestreech. Fonds keump later ouch in de Gemeinteraod en weurt inspecteur vaan de sjaole. De kinder sterfte waor in die jaore nog altied hoeg en heer heet ziech ingezat um de kinder gooi voeding te geve en veur de baby's 'n gooi opvang  te regele. De crčche kraog de naom vaan Juliana en besteit nog altied en is gelege aon de Lurestraot boe ouch ter iere vaan häöm  'n standbeeld  steit.