| |
Kunsjèlder, teikeneer, batikkunsteneer, keramist, industrieel oontwerper, mónnumintaol kunsteneer, sjèlder, oontwerper vaan bookben, zèlffportrette,
enz. , dat waor Guillaume Marie Edmond Bellefroid, gebore op 3 Juli 1893 in Mestreech
en is euverlije op 7 Jannewari 1971. Nao ziene liegere sjaol geit heer nao
de ULO en s'avends volgde heer nog teikenlès bij Hr.Jelinger. In 1907 liet
Rob Graafland, Edmond Bellefroid touw tot de Zoondagssjaol veur
Decoratieve Kunste boe heer zien lierlinge en Edmond liert teikene en sjèldere nao
model en natuur. Dao maakde heer kinnes mèt o.a. Henri Jonas, Jan Grégoire, de
gebreurs Pierre en Mathias Kemp en Jos Postmes. In 1910 vertrok Edmond Bellefroid nao Luik um dao teiken en sjèlders lesse te volge aon
de École Saint Luc. Meh umtot zien awwers zien studie neet mie koste betaole,
stopde heer nao twie jaor en góng |
| weer trök nao Mestreech um dao e baon te
zeuke bij Usines à Cokes Hollando-Belge. Daoneve slut heer zieg weer aon bij 'ne jonge gróp
sjèlders en lierlinge vaan Rob Graafland. Edmond Bellefroid is ein vaan
de belangriekste Limburgse sjèlders oet de tied vaan 't Interbellum. Oet
de sjèldereije vaan Edmond kin ste 't tiedbeeld zien vaan ermooi, elend, en
hoonger . Väöl vaan zien wèrk heet ouch 'ne religieuze inslaag. Al in
de jaore twintig wèrk heer väöl mèt batikken (e meneer um stoffe,pepier
en leer te versere) veur 't make vaan verseringe en decoraties vaan keramische
veurwerpe. Daoneve oontwikkeld Edmond ziech weijer es vrij kunsteneer. In
zien sjèlderije liet heer dèks soombere dinger zien vaan 't leve, boein
de mins geslage en kroepend en beroof vaan zien gelök, door 't leve geit.
In 1929 geit heer wèrke bij de Sphinx-Céramique boe heer model en decor
oontwerper weurt. |
Edmond Bellefroid
|
|
Zelf Portret Edmond
Bellfroid
|
Heer zouw dao tot 1946 blieve wèrke . In deen tied mèt
oetzundering vaan de twiede wereld oorlog , oontwerp heer 35 serviezer
boevaan 't mieste in produktie woort genome. Heer oontworp neet allein veur
de Sphinx febrikke meh ouch veur de Hema en de Bijenkorf. In de jaore '20
waor heer lid vaan de Bende vaan "De Suise", e gróp
cultuurleefhöbbers die väöl aovende doorbrachte in Kaffee De Suisse aon
't Vriethof in Mestreech. De Bende vaan De Suisse waor e gróp vaan
Diechters, Sjèlders, Architecte, Sjrijvers en aander cultuurleefhöbbers
die in de periood vaan 1920-1927 väöle aovende doorbrachte aon de
Stamtaofel vaan dee kaffee. Umstreeks 1930 krijg heer vaan de N.V. Kristaluni 'nen
einmaolige opdrach veur 't kristal glaas servies Straminto te
oontwèrpe. Bellefroid kós es gein aander um de grenze op te zeuke vaan
zien technische meugelikhede in de gemechaniseerde eerdewèrk-industrie.
Edmond Bellefroid kreeg vaan de Sphinx den 'opdrach um aw modelle te
restylen en nui servieze te oontwerpe. Zoe óntworp heer 't servies Wilma in
1958. Edmond Bellefroid waor ouch liermeister vaan Pierre Daems dee in
1931 vaste modelleur woort veur Edmond. Umtot Edmond in d'n oorlog neet
kós werreke veur de Sphinx góng heer väöl sjèldere en maakde in
deen tied väöl zelfportrette. Tijdens de twiede Wereldoorlog kump ziene
zoon Marcel ( 1922-1944) te euverlije en vaanaof deen tied sjèlderd heer
expressionistische geweld en maakde later plaots veur sjèlderije mèt ne
bittere berösting. |
| Oondaanks de tegeslaag vaan de aofgelaope oorlog zuut heer
weer 't leeg opdage. Den'oorlog waor veur Edmond Bellefroid 'ne slechte
tied ouch umtot heer ziech neet wouw aonmelle bij de "Kultuurkammer
" en mós toen oonderduke. In 1950 wèrkde heer op 't klei-atteljee
vaan de Staotsmijne in Brunsum. Heer gaof ouch lès aon de Stads academie
vaan Mestreech aon oonder aandere Lou Heynens. 't Jaor daonao in 1951
góng Edmond wèrreke bij de Mosa porselein en tegelfebrik es Estetisch
Adviseur en Industrieel oontwerper. Heer maakde serie produkte
vaan porselein en vaanaof 1964 ouch tegeldecors. Heer maak oontwerpe vaan
bezundere kwaliteit en de Mosa servieze goon de hiele wereld euver. Edmond
Bellefroid streef nao oontwerpe vaan oetmuntende kwaliteit en vörmgeving
en e produk dat op den 'ierste plaots praktisch in 't gebruuk en degelek
in den 'oetveuring moot zien. |
Château Neercanne-1937-crayon
op pepier.
|
|
Theepot Thea
Mosa |
Decoratie zuut heer es euverbodige touw-veuging en maak
oontwerpe zoonder decoratie. Mèt 't servies Noblesse oontworp heer
oetgerekde vörme vaan ne koffiepot, kan en tasse en e schuutvörmig
sokkerpötsje. Dat servies behuurd noe tot de sjoenste industriele produkte
vaan Nederland. Wie heer 76 jaar waor oontworp heer ein vaan de lètste
oontwerpe veur de Mosa naomelek 't Mokka servies Aristo. Op 7 Jannewari
euverlijd Edmond Bellefroid in Mestreech. Heer waor ierebörger vaan de
stad Mestreech en Ridder in orde vaan Oranje Nassau. |
Servies Noblesse-Mosa-1957
Mosa
|
|
