| |
|
Jaques Pascal Wijnandts.
1797-1892
Börgemeister 1851 - 1855
|
Jaques Pascal Wijnandts woort in Mestreech gebore op 28 Mei 1797 es
‘ne zoon vaan Severinus Josephus Wijnandts kaopmaan en Catharina Theresia
Gyselinx. Jaques Pascal Wijnands dee vaan beroop groond-eigeneer waor, woort in 1851 lid vaan de
Gemeinteraod vaan Mestreech en in 1853 tot 1855 lid vaan de Provinciale
Staote vaan Limburg.
Jaques Pascal Wijnands
woort op 23 Oktober 1851 Bögemeister vaan Mestreech en bleef dat tot aon
zien doed in (16 Miert) 1855. Belangrieke gebäörtenisse in die jaore waore
oonder aandere in 1852 de trök-kier vaan de Jezuïte en mèt ‘ne Collegium
Maximum veur de opleiding vaan hun Priesters. In ’t zelfde jaor woort Joseph Hollman in de Spilstraot nommer 4 gebore. Heer woort later
Hof-violon-cellist vaan Keuning Willem III en behuurde tot de miest
oondersjeide Mestreechtenere. |
Trein Mestreech - Aoke |
|
In ’t jaor 1853 waor den’ opening vaan de
spoorweeg Mestreech - Aoke en dat waor den’ ierste spoorweeg-verbinding
vaan-oet Mestreech. Ouch woort in 1853 Nederland kèrkelek verdeild in ‘nen Aartsbisdom
mèt veer Bisdomme en 't waor de trök-kier vaan de Franciscane aon de
Toongersestraot / Paotersbaon.
In 1855 bouwde me ‘nen ierste Spoorbrök euver
de Maos veur den’ aonlègk vaan ’t spoor Mestreech – Hasselt. Jaques Pascal Wijnandts waor ouch veurzitter vaan ’t Geschied en
Oudheidkundig Genootschap.
Heer trouwde in Mestreech op 7 Oktober 1823 mèt
Maria Sibilla Helgers en zie kraoge same twie kinder naomelek, |
|
Aw
spoorbrök Mestreech - Hasselt |
1.Maria Josephina Carolina Sibilla Wijnandts
Maria Josephina Carolina Sibilla Wijnandts is gebore in Mestreech op 27 Juli 1824 en
euverlije op 28 September 1886. Zie trouwde op 10 Oktober 1848 mèt Jan
Hubert Joseph Schreinemacher dee gebore waor op 23 Aprèl 1820. Heer waor
doktor in de Genees, Heel en Verloskunde; veurzitter vaan de Maatschappij
veur Geneeskunde in de Provincie Limburg en vaan de Commissie vaan
Geneeskunde in Mestreech. Lid vaan de Gemeinteraod vaan 1867 tot 1892. Ouch
waor heer lid vaan de Twiede Kamer der State Generaal vaan 1888 tot 1892.Vaanaof 1848 waor heer Erme-Dokter
(vaan erm lui die geine dokter kóste betaole) vaan de Parochie St.Mathias in
Mestreech. Wie heer zestien jaor waor deeg heer al eindexame aon ’t Atheneum
in Mestreech. Heer leed ziech in dat zelfde jaor insjrieve es medisch student
aon de Universiteit vaan Luik. In 1838 deeg heer zien kandidaatsexamen in de
Natuurlijke Wetensjappe in Brussel en in 1840 eindexame in de Mediecijne. |
Heer wèrkde toen al es assistent in de Klinieke vaan Bonn, Brussel en Paries. In
1842 woort heer Doktor in de Chirugie aon de Universiteit vaan Leide. Heer
kaom te euverlije op 2 Juni 1892.
2 Ludovicus Josephus Wijnandts.
Heer kaom es twiede
keend op de wereld vaan de femilie Wijnandts. Ludovicus
Josephus Wijnandts woort gebore op 29 Aprèl 1836 en is euverlije op 16 Mei 1876.
Heer waor neet getrouwd.
Börgemeister Jaques Pascal Wijnandts is euverleije op 16 Miert 1855 ,
en woort opgevolg door Börgemeister Hieronymus van Aken.(1855-1860).
|
|
