| |
|
|
Leopold Bernard Josef
van Oppen
1871 - 1941 |
|
Leopold Bernard Josef van Oppen woort gebore op 23
Augustes 1871 in Mestreech en is euverlije op 20 Oktober 1941 in Mestreech.
Zien beroop waor Jurist en waor Börgemeister vaan Mestreech vaan 1910 tot
1937. Veurtot heer tot Börgemeister woort gekoze waor heer
gemeinte-secretaris in Mestreech. Ziene pa waor Jean Mathieu Eugène van
Oppen en gebore op 18 December 1834 in Schimmert en is euverlije op 9 Aprèl
1885. Eugène waor advecaot en kandidaat notaris. Heer waor getrouwd mèt
Antoinette Getrude Boots. Eugène van Oppen woort same mèt zien dochter Maria
Elisabeth en zien zoon Antoine Ferdinand vermaord. Zoe verloor van Oppen ,
wie heer 14 jaor waor , ziene Pa , broor en zuster. De drei-dobbele
mäördeneer waor Caesar Timmermans, 'ne kaopmaan en winkeleer oet
Heerlen.Timmermans dee dèks procedeerde, waor geruwwineerd door de väöle
processe en sjäöld daovaan gaof heer aon de Pa en awwer broor vaan Josef van
Oppen. Leopold Bernard Josef
van Oppen waor 27 jaor laank Börgemeister vaan Mestreech in 'ne meujeleke tied
vaan d'n ierste wereld oorlog en de crisis-tied vaan veur de twiede
wereld-oorlog. |
| Den ' ierste socialiste kaome oonder zien
börgemeister sjap veur 't iers in 1920 in de raod en mèt hun 't ierste
vrouwelek raodslid. Deen tied woort beheers door den ' ierste wereld-oorlog,
de neutraliteit vaan Nederland en de koms vaan Belzje vlöchtelinge. En 't
waor netuurlek 'ne crises-tied, meh van Oppen tuinde 'ne sociaal geziech en
organiseerde 'ne gemeinteleke wèrk-versjaffing en bouwde e nui hospitaol, en
de ierste bejaarde hoezer in Mestreech. Heer waor 'ne sjèlderachtige maan
mèt 'ne komaof vaan administratie vaan 'ne febriks directeur. Heer heet väöl
beteikend veur de differentiatie vaan de industrie en handel in Mestreech.Oonder
zien bestuur kaome in Mestreech febrikke, wie ein vaan hospitaol-bèdde, 'ne
buizefebrik,en pepèrre-zakke febrik veur cemint en kunsmès. In deen periood, vaan
Börgemeister van Oppen, woort ouch in 1913 't centraal Station vaan Mestreech
gebouwd. 't Waor 'nen oontwerp vaan George Willem van Heukelom. Weijer woort
't spoor Heerlen-Schin op Geul aongeslote op Mestreech en de lijn geopend
vaan Mestreech nao Aoke. De Aw Maosbrök , dee in 1932 de naom kraog vaan
Sint Servaosbrök, woort in 1933 gerestaureerd. In 1926 voonte de Gemeinteraod, mèt
Börgemeister van Oppen veurop, tot 't tied woort um dee Aw brök te verbetere
en te restaurere. |
Börgemester
van Oppen
1913 |
De brök waor te smal en verkierde in 'ne
slechte staot. 't Woort tied veur 'ne nuie ,sjoene en moderne
oever-verbinding. De Aw brök kós me daan ouch mèr beter aofbreke. Op
10 Mei 1926 stumde de mierderheid vaan de gemeinte-raod vaan Mestreech veur
aofbraok vaan de Aw brök. Riekswater-staot had al lang nui planne
ligke um 'ne nuie brök ,mèt 'nen iezere euverspanning te bouwe op de plaots
vaan de Aw brök. Meh wie de gemeinteraod de vergunning had
gegeve veur de sloop vaan de brök woorte de Mestreechtenere wakker. D'r kaom
groet prottes in de stad euver den' aofbraak. d 'r Woort 'ne kommissie
opgeriech , breve gesjik nao de Keuningin en de ministers bemeujde ziech
demèt. Oet-eindelek kierde 't tij en woort beslote um de Aw brök
te behawwe en 'ne nui brök te bouwe, de Wilhelmina brök. De Aw brök
zouw gerestaureerd weure meh de Riekwaterstaot had dao 'nen aandere gedachte
wat restauren is. In feite is de brök naomelek gaans aofgebroke. De iewe aw
boge woorte mèt dinamiet gesprónge en in gewapend beton weer opnui gebouwd.
En me maakde nog 'nen iezere baog. Ouch woort de geet-iezere leuning gesloop
en vervaange door stein.Stökke vaan dee geet-iezere leuning kin 'me hei en
dao in de stad nog zien, zoe wie bij den' Openbare sjaol in de Begeinestraot
en op de Kommel.
|
|
|
 |
|
Bij zien zèlvere ambt-zjubilei woorte twie monuminte aongeboje.
ein baank, oontworpe door docente en studente vaan de Middelbare
Kunstnijverheidsjaol en 'ne brónze buste.De buste woort gemaak door Chales
Vos en steit in 't Goeman Birgesiusplantsoen.
|
| In 't jaor 1932 waor 'ne twiede maos-brök
debij gekaome, meh dee zelfde brök woort door de Duitsers in 1944 opgebloze
en pas in 1960 weer door 'ne nuie vervaange.Bij zien zèlvere ambts-zjubilei
woorte häöm twie monuminte aongeboje.'t Ierste waor 'ne baank gemaak en
oontworpe door docente en studente vaan de Middelbaore Kunstnijverheids
sjaol. Dee gemetselde baank steit in 't park aon 't Tongerseplein. 'Ne
broonze buuste woort gemaak door Charles Vos en aongeboje door de
Woeningereiniging Beter Wonen die op deen plaots väöl woeninge bouwde. De
buste steit in 't Goeman Borgesius plantsoen bij de Elisabeth Stroevenlaan
en woort onthuld op 15 September 1935. |
t Graaf vaan Börgm. van Oppen |
| In 't jaor 1937 woort van Oppen opgevolg
door Baron Michiels van Kessenich, vaan de Rooms-Katholieke Staots-partij. |
|
