| |
|
Johan Hubert Van Slijpe
1732 - 1791
|
|
Joonkhier Godard Cornelis Van Slijpe
1757 - 1838
Börgemeister 1818-1835.
|
| Jonkhier Godard Cornelis van Slijpe
woort gebore op 22
November 1757 in Mestreech. Heer woort d’n daag nao zien geboorte op 23
November 1757, geduip in de St Janskèrk oppe Slevrouwe plein te Mestreech.
Zien awwers waore Mr.Johan Hubert van Slijpe ( foto) en Cornelia de Ron. Johan
Hubert van Slijpe waor vaan de Twie Hierigheid ,vaan de Braobandse kant en
schepen in Mestreech in de jaore vaan 1762 tot 1772. In 1763 waor heer
vervèngend schout in Gulpe en curator vaan de Latiense sjaole in Mestreech
in de jaore 1766-1767. In ’t jaor 1772 woort heer tot Börgemeister vaan
Mestreech gekoze ( de Braobandse kant) en vervölde dee functie twie jaor
laank. Bovenstaonde foto vaan ‘t sjèlderij vaan Johan Hubert hingk in ’t
Stadhoes vaan Mestreech. Vaan Joonkhier Godard Cornelis is tot noe touw gei
foto of sjèlderij te vinde. |
Joonkhier Godard Cornelis van Slijpe waor ‘ne
tied laank Lutenant in ’t regimint vaan Prins Frederik van Oranje-Nassau.
Op 4 November 1794 vele de Franse Mestreech binne,oonder de leiding vaan
Jean-Baptiste Kléber, en dat beteikende 't einde vaan de twiehierigheid in
Mestreech. Bij 't verdraag vaan Den Haag op 16 Mei 1795 stoond de Republiek
der Verenigde Nederlanden häör rechte vaan Mestreech aof aon Frankriek.
Mestreech woort de hoofstad vaan 't nui Franse Departement " Nedermaas "
en Mestreech woort vaanaof noe bestuurd door zeve maan vaan 't
gemeintebestuur, zjus wie de Franse dat in Fraankriek hádde . 't Doorde tot
nao 1800 wie 't gèt röstiger woort in de stad en land, en kaom de leiding te
ligke bij eine persoen, naomelek “de Maire”. Napoleon woort op 18 Juni 1815
verslage bij Waterloo en dat waor ’t einde vaan ’t Franse riek in Nederland
en Mestreech.
In ’t jaor 1808 woort Joonkhier Godard Cornelis van Slijpe
tot ’t jaor 1815, Börgemeister (Maire) vaan Amby. Ouch woort heer lid vaan
de Provinciale Staote vaan Limburg en vaan 1815 tot 1818 wethouwer in
Mestreech.Op 18 Augustus 1818 woort heer tot
Börgemeister vaan Mestreech gekoze en bleef dat zeventien jaor laank tot
1835.
Heer is, en waor daomèt de langs zittende Börgemeister in de historie
vaan Mestreech. Godard Cornelis van Slijpe trouwde in de Waolse kerk vaan Vaols op 30 september 1783 mèt
Johanna Eleonora Geyer (gebore in Aoke)
Zie kraoge drei dochters: |
't
Landgood Severe ligk aon de Wesrand vaan Amby.Iers waor 't landgood in bezit
vaan de femilie Van t Zievel meh later kaom 't in bezit vaan de
femilei van Slijpe.De lètste van Slijpe verkoch 't landgood in 1880.
|
1.Joonkvrouw Cornelia Eleonora van Slijpe .Zie woort gebore op
18 Juli in Aoke, en geduip in de Waolse Kerk vaan Vaols. Zie is euverlije op
22 Miert 1840. Cornelia Eleonora van Slijpe trouwde op 22 September 1814 mèt
Frederic Cornelis Marie Pichot.
2.Joonkvrouw
Jacobina, Susanna,Louise van Slijpe.
3. Joonkvrouw Johanna, Sara, Petronella van Slijpe.
Bij Keuninklek besluut woort Godard Cornelis van Slijpe op 31 Miert 1835
verheve in de Nederlandse aodelstand. Umtot heer geine zoon had ,woort
bepaold tot den ‘aodelstand zouw euvergoon nao ziene kleinzoon , Karel
Godard Sophie Pichot. Op 28 November 1838 is Jonkheer Godard Cornelis van
Slijpe euverleije.
|
|
Wee kin miech hèlpe
aon 'ne foto vaan Joonkhier Godard Cornelis Van Slijpe ?
|
|
