| |
|
|
|
|
| |
Willem
Hubert Pijls
1819 - 1903. |
|
|
Willem Hubert Pijls woort gebore op 28 Fibberwarie 1819 in Mestreech en
is euverlije op 6 Fibberwarie
1903. Heer waor 'ne zoon vaan Jan, Antoon Pijls (kaopmaan) dee getrouwd waor
mèt Antoinetta Voncken. Willem Hubert Pijls waor getrouwd mèt Helena
Hubertina Mausissen en opvolger vaan Börgemeister van Aken in 1860
(1855-1860) en Börgemeister in 1873 opvolger vaan Hendrik Raat (1867-1873). Willem Hubert Pijls heet altied 'nen ierste plaots
ingenome in 't openbare leve vaan Mestreech en waor 'ne geslepe
mach-politicus oondaanks tot heer mèr zjus allein 't atheneum gedoon had. Heer
wisselde vaan polletieke riechting es 't häöm
zoe oetkaom. Meh heer waor wel 'ne maan dee hiel väöl veur Mestreech
beteikend heet. De invlood-rieke Pijls zat de gemeinteleke mach in de
steigers en
waor 'ne gooie vreund vaan Thorbecke. |
| En zoe ' n direkte lijn nao
Den Haag lieverde altied wel gèt op. Pijls waor vaan beroop zeip-fabrikant en
raodslid vaan Mestreech vaan-aof 1855. Heer waor 'ne rieke kaopmaan en woort
nog rieker door 't aon-numme en aonlègke vaan spoorlijne in Duitsland.
Daoneve ambieerde heer openbare poste en ambte boe heer in zien wijer leve
gehiel en mèt väöl inzat in is opgegoon. Mestreech boe-vaan heer bestuurder
waor, heet heer economisch bestuurd , hoeg opgewèrk en gemoderniseerd. Meh
mèt de sloop vaan de vestigings-wèrke is heer gèt te economisch veur de
stad gewees. Es Börgemeister waor heer neet allein administrateur meh ouch
oonderneumer en groond-lègker veur de touwkoms en industrie vaan in
Mestreech. |
Peerde Omnibös
1894. |
| Pijls waor raodslid vaan 1851
tot 1899 en Börgemeister vaan 1861 tot 1867en vaan 1873 tot 1900, en dat dèks
nao 'ne helle polletieke strijd. Bekind oet dee
periood vaan 1887 waor 't optrejje vaan Deken
Rijkers oet Wiek dee häöm openlek steunde in de "Courier de la Meuse". Door 'ne
groete oppositie woort heer in 1861 evels neet herkoze meh woort Hendrik
Raat de nuie Börgemeister vaan Mestreech. En woort Pijls weer tot wethouwer
gekoze. Meh in 't jaor 1873 woort heer weer Börgemeister vaan
Mestreech en dat bleef heer tot 1900. Ouch waor heer lid vaan de
twiede kamer vaan 1869 tot 1873. Wijer waor lid en veurzitter vaan
't burgelek Armbestuur, de kamer vaan Kaophandel,en de baank vaan
Liening. Belangriek
waor heer ouch es veurzitter vaan de Nederlandse Zuider Spoorweegmaotsjappij
vaan 1891 tot 1899. Dao had heer 10 aondeile bij gekoch vaan eder 1.000 gölde. |
|
Keuning
Willem III.
1817-1890
|
Nao de Belzje opstaand en tied, heet heer de stad sterk verbeterd
mèt de opbouw vaan de industralisatie en 't openbaar vervoer. D'r woorte kanale gegraove
oonder aandere nao Luik (tösse 1845-1850) en nui spoorlijne
geopend. Willem Hubert
Pijls kaom ouch dèks in de Momus sociëteit. Dat waor 'ne sociëteit boe de
welgestèlde Katholieke - Liberale börgers ziech troffe. In de Momus kaom heer
dèks zien groete tege-speuler Petrus Regout tege. Zjus wie Pijls waor Regout
ouch raodslid en lid vaan den' Ierste Kamer.' Ne dominante Börgemeister en 'ne
dominante industrieël en dat botste netuurlek. Zoe wouw Regout 'ne spoorweeg
enplacemint bij zien febrikke en Pijls weer neet. Ouch euver 't leechgaas
waor versjèl vaan meining umtot Regout dat weer veur zien febrik wouw höbbe
en Pijls liever zaog tot de gaas gebruuk woort veur verleechting vaan de
straote en in de hoezer. |
|
Graaf-monumint Willem Hubert
Pijls.Heer woort begraove op de begraofplaots gelege aon de
Tóngerse-weeg
|
Wijer waor nog 'ne probleem mèt 't openbaar
vervoer. De Sphinx had 'ne peerde omnibös en 'ne gaastram allein veur de wèrklui.
De gemeinte had allein 'ne gaastram. Later kierde me weer trök nao tramme die
getrokke woorte door peerd. Op 29 Mei 1867 teikende Keuning Willen III 't
besluut boe Mestreech ziene status vaan Vestigings-Stad verloor. Dat waor 't
gevolg in stratetisch dinke vaan de regering dee de verdediging vaan
Nederland wèlde concentrere op de vestiging Holland. Nog in 1867 woorte den
' ierste stads-poorte gesloop zoetot de stad touwgaankeleker woort. Door 't
besluut kaom e groet areaal vrij en 'ne commissie begós mèt 't opstèlle vaan
planne. De stad kraog 'ne boulevard en groete singels wie: De Hertogsingel,
Prins Bisschop,Staate en Fróntesingel. In de raodsvergadering vaan 23 Jan.
1903, wie d'r nuie straotnaome te vergeve waore, is d'r euver gestrijd of de hoofweeg vaan 't Villapark
Börgemeister Pijlslaan of St. Lambertuslaan benump zouw weure. Het lètste is gebäörd.!!! Bögemeister Pijls woort
in 1900 opgevolg door Börgemeister P.C.H. Bauduin.
|
De woening vaan Bgm.Pijls in
de Batterijstraot.
|
|
 |
|
