| |
|
foto ?
Wee kin miech helpe aon
'ne foto vaan Membrède ?
|
|
Jhr. mr.
André Charles Membrède
1758 - 1831
Börgemeister
1816 - 1818
|
|
Kestiel Aalbeek
|
| Joonkhier. Mr. André Charles Membrède, woort gebore op 4
November 1758 in Mestreech en is euverlije op 25 Oktober 1831 in Aoke. Op 13
September 1817 kraog heer 't Adelleke predikaot vaan Joonkhier. Heer waor 'ne
zoon vaan Johannes Petrus Membrède en Anna Elisabeth Limpens. Nao tot heer
in Luik 't diploma vaan Licencié en Droit (rechte) behaolde, woort heer in 1780 door
de Bisjop vaan Luik tot Schepen vaan Mestreech benump. Dat waor 't gevolg
vaan de twie Hierigheid in Mestreech. De Nederlandse Staote-Ginneraol waore
door de verovering vaan Mestreech in 1632 , in de Rechte vaan de Hertog vaan
Braoband, die häör vreuger mèt de Bisjop vaan Luik bezaot, getrooie. In 't jaor 1788 woort heer Börgemeister vaan Mestreech |
|
Jean-Baptiste
Kléber
1753 -1800
(Straatsburg,9 Miert 1753 - Cairo,14 Juni 1800) waor 'ne Franse
Ginneraol tijdens de Franse Revolutie. In 1794 naom heer nao 'e kort
belègk Mestreech in.Veer jaor later vergezelde heer Napoleon Bonaparte nao
Egypte,boe heer later woort vermaord.
|
en nao de verovering
door de Franse, oonder leiding vaan Jean Baptiste Kléber op 30 November 1794 , president vaan 't Tribunaal Supérieur
in de stad. Jean Baptiste
Kléber had mer e paar daog nudig um de Vestigings-Stad Mestreech in te neume. Op 13 Jannewarie 1796 woort heer gekoze tot President vaan 't
Crimineel gerechshof in Mestreech. In 't jaor 1797 woorte in Mestreech
oonder bevel vaan de Franse alle Kapittels en Kloesters opgeheve en in de
leeg staonde gebouwe woorte gebruuk um dao-in industrie en handel in op te
starte. In Miert 1798, woort Membrède gekoze tot
lid vaan de " Conseil des cinq cents " (Raod vaan viefhónderd Lei) veur 't
Keesdistrict vaan Mestreech. Heer waor ein vaan de tege-stäönders vaan de
gebäörtenis, naomelek de Staotsgreep vaan Bonaparte in November 1799.
Wie Bonaparte de vergaoderzaol door 500 Seldaote leed bezètte, waor heer
door 't vinster nao boete gevlöch. Op 6 Juni 1800 woort heer benump tot
President vaan 't Tribunaol Criminel vaan 't Departemint Meuse Inféreure, en
in 1807 woort heer benump tot lid vaan 't Wetgevend Lichaam. Napoleon
Bonaparte brach op 30 Juli 1803 e drei daogs bezeuk aon Mestreech. In 1814 woort
Membrède Kamerpresident vaan 't Hoeg Gerechshof in Luik. Heer verhuisde toen nao
Luik en woort dao ouch lid vaan De Conseil-Generaol vaan 't
Departemint Ourthe. Nao de bevreiding woort heer op 1 September 1815 tot lid
vaan de Twiede Kamer benump en op 2 Jannewarie 1816 tot 1818, Börgemeister
vaan Mestreech en verhuisde daan ouch weer weer trök vaan Luik nao Mestreech.
Mestreech woort vaanaof 't jaor 1815 de hoofstad vaan de nuie
Privincie Nederlands Limburg. Membrède waor in de jaore vaan 1816-1817-1820 en 1821 President vaan de Twiede
Kamer. Op 10 Fibberwarie 1817 woort heer benump tot de Staotsraod in
boetegewoene deenst en woort op 30 Juni 1818 benump es lid vaan de Raod Vaan
Staote. Op 15 Mei 1822 waor heer
ein vaan de wienege Zuid-Nederlandsche veurstaonders vaan de " Wèt op
't Personeel ", dee woort aongenaome mèt 54 tege 51 stumme. Op 21 Miert 1823
woort heer benump tot Gouveneur vaan de Provincie Antwerpe en góng
woene in de stad vaan dee naom. |
Heer verzeukde 21 Fibberwarie 1828 um
oontslaag te neume , umtot zien gezoonheid ummertouw slechter woort.
Tegeliek woort heer nog benump tot lid vaan d'n Ierste Kamer. Jhr. Mr.
André Charles Membrède waor 'ne groete aonhenger vaan Keuning Willem I en
waor den einigste vertegenwoordeger oet De Zuidelijke Nederlande in de
Ierste Kamer. Heer waor 'ne Mestreechteneer dee ziech ouch 'ne Noord
Nederlander veulde. Op 21 Miert 1823 woort heer Gouveneur vaan de Provincie
Antwerpe en woende dao ouch tot heer um gezoondsheids reie op 21 Fibberwarie
1828 ziene konzjee naom. Heer woort oondersjeie mèt 't Commadeursjap
in de Orde vaan De Nederlandse Lieuw en oontvóng 'ne boetelandse
oondersjeiding vaan " Ridder in 't Legioen vaan Ier " .
Jhr. Mr. André Charles Membrède woort in
1816 in de Adelstand verheve. Heer waor neet getrouwd en storf
op 25 Oktober 1831 in Aoke. |
de Membredehof
Aalbeek.
|
|
