| |
|
|
Jean
Francois Hennequin
1772 - 1846
Börgemeister 1819 - 1821 |
|
| |
|
|
| De
inein-storting vaan 't imperium vaan Napoleon leide tot groete staotskundige
onzekerheid en milletaere verwarring. Naotot de Geallieerde Oonderhandelere
bij 't congrès in Wene, 't Departement Nedermaas aon Keuning Willem I
waor touwgeweze, kaom Mestreech op 1 Augustus 1815 trök aon de Nederlande. In 1815
woort Mestreech hoofstad vaan de nui provincie Limburg en weer oonderdeil vaan 't
Keuninkriek. De inwoeners vaan Mestreech reageerde aofwachtend en keul op de
nui mach-höbbers. Wat zouwe die Hollenders bringe: oetbuiting,oonderdrökking,bespotting,of
vernedering ?? Of rös, welvaart en veurspood ? De regering stoond veur
'ne taak um e nui bestuurs-apparaat op te bouwe, zoe wie op Provinciaal, es op plaotselek niveau. D'r woorte ambtenere aongestèld meh ouch lei vaan
de Provinciale Staote en Gemeinte Besture woorte vaan bove-aof benump.
Daobij had de regering in Den Haag 'ne dudeleke veurkäör veur invloodrieke
functies vaan Protestantse persoene. De nuie Gemeinteraod vaan Mestreech woort
samegestèld oet renteneers, juriste en kouplui. Die leie waore zjus wie die
vaan-oet de Franse tied vaan de zèlfde komaof. |
Jean Francois Hennequin woort gebore op 19 Oktober 1772 in Wassigny Departement Ardennes in
Fraankriek en is euverlije op 28 Oktober 1846 in Gingelom, e dörp vlaak-bij Sint Truiden - Belzj. Heer waor 'ne zoon vaan Nicolas Thomas Hennequin en Jeanne
Marguerie Landragin. Heer studeerde rechte in Paries meh stopde daomèt, en góng op 17 Augustus 1792 es vrijwèlleger in deens
bij 't Franse leger , es dragonderbij 'n Cavalerie-Regimint. Wie heer in 1796 't leger weer verleet waor heer
kapitein. Heer woort toen Commissaire du Directoire Exécutif
Kloosterrade in Rolducin . Heer
woort dao populair umtot heer ziech verzat tege de hoege belastinge en woort
daonao
in 1796 chef de Bureau vaan den Rijksontvanger in Mestreech - Nedermaas.Op 4 Mei 1799
woort heer gekoze tot lid vaan de centrale administratie vaan 't Departemint
Meuse Inférieure en op 26 April 1800 woort heer dat in 't Departemint Conseiller
de Préfecture. De kins dat noe vergelieke wie eine vaan de Gedeputeerde
Staote. Op 11 November 1815 woort heer tot Nederlander genaturaliseerd meh
weigerde um Nederlands te spreke.Op
20 Fibbrewarie 1816 woort heer door
Keuning Willem I benump tot lid vaan De
State vaan de Provincie Limburg . Op 13 Juli 1817 naom heer ziene konzee es
lid vaan de Gedeputeerde State umtot heer bekans gein Nederlands kós praote
en diskerere . |
Kestiel Gingelom.
|
|
Jean
Francois Hennequin
1772 - 1846
|
Twie daog later woort heer wel gekoze tot lid vaan de Twiede
Kamer, en in December 1818 woort heer door de Keuning benump tot lid vaan de
raod vaan Mestreech. In 1819 woort heer gekoze tot Börgemeister vaan
Mestreech. 'Ne wèt vaan 27 Fibberwarie 1815 vaan De Nederlande , waor tot
de Sjötterije weer in de steij woorte aonbevole, um 't leger dao te oondersteune.
De sjötters mooste ouch eder week oefene en dat beteikende weer 'nen
arbeids-daag verluus en dao had me in Mestreech ( Hennequin en zien 9 Raodslede)
geine zin in. Heer meinde umtot Mestreech veur 1794 nog bestuurd woord door
Tweeherigheid en de Noordelijke Provinciën neet 't rech hadde um in 1815 'ne
Sjotterij-wèt te make veur Mestreech. Op 10 Miert 1821 woort Hennequin es
Börgemeister en zien nege Raodslei aofgezat en veur 't hoege gerech in Luik
gebrach. Heer woort verdeidegd door twie advocaote en ouch bij gestoon door
ziene vreund Surlet de Chokier |
|
dee 'ne groet pleidooi veur häöm heel. 't
Gevolg hei vaan waor tot zie woorte vrij gesproke op 10 Juli 1821. Jean
Francois Hennequin woort
op 2 Oktober 1827 weer es raodslid gekoze. Heer bleef raodslid tot 1829 en
in dat zelfde jaor woort heer ouch gekoze es lid vaan de Privinciale Staote.
In 't jaor 1830 tot 1831 woort heer weer tot börgemeister vaan Mestreech
gekoze door 't veurluipeg Belzj bewind. Zoonder praktisch gevolg , umtot de
stad in han bleef vaan 't regeringsleger oonder leiding vaan Ginneraol
Dibbets. Ouch woort heer verkoze tot lid vaan't Nationaole Congres veur 't
arrondissemint Mestreech. In 't Congres naom heer noets 't woord en naom ouch
weer
ziene konzee in Aprèl 1831. Einde 1831 woort heer Gouveneur vaan de Belzje
Provincie Limburg tot in 1834. Ierste menister De Theux ontsloog dees
radikale liberaal.
Ondertösse waor Hennequin in 1833 Senator gewore veur Mestreech en later
ouch vaan Luik.(1843-1846). Jean Francois Hennequin storf in 1839 in
Gingelom en woort neve ziene vreund Surlet de Chokier begraove.
|
Surlet de Chokier
|
|
|
|
